হাৰ্ট ইজ...
| হাৰ্ট ইজ... | |
|---|---|
 ফিল্ম প'ষ্টাৰ | |
| পৰিচালক | Oh Dal-gyoon (오달균) |
| চিত্ৰনাট্য | চিন ডং-ইক (ইংৰাজী: Sin Dong-ik) (신동익) |
| অভিনয়ত | লী মিন হ' (ইংৰাজী: Lee Min Ho) |
মুক্তি |
২৬ অক্টোবৰ ২০১০ |
দৈৰ্ঘ্য |
৯৭ মিনিট |
| দেশ | দক্ষিণ কোৰিয়া |
| ভাষা | কোৰিয়ান |
| সৰ্বমুঠ আয় | $৪, ৬৭৮, ৫৪৭[1] |
হাৰ্ট ইজ..., (ইংৰাজী: Heart Is...) ( হাৰ্টী প'ৱজ (ইংৰাজী: Hearty Paws নামেৰে খ্যাত) দক্ষিণ কোৰিয়াৰ পৰা ২০০৬ চনত মুক্তিপ্ৰাপ্ত এখন চলচ্চিত্ৰ। এই চলচ্চিত্ৰখনৰ পৰিচালক অ'হ ডা-গ্যুঁ (ইংৰাজী: Oh Da-gyoon)।
কাহিনীভাগ
[সম্পাদনা কৰক]এই চলচ্চিত্ৰখনৰ কাহিনীভাগ দুটি সহোদৰ ভাতৃ-ভগ্নীক কেন্দ্ৰ কৰি গঢ় লৈ উঠিছে। ১১ বছৰীয়া ল'ৰা চ্যান-য়ি (ইংৰাজী:Chan-yi) আৰু তাৰ সৰু ভনীয়েক চ'-ই (ইংৰাজী:So-i) হৈছে ছবিখনৰ মূল চৰিত্ৰ। চ্যান -য়িৰ চৰিত্ৰত য়ু চেওং-হ' (ইংৰাজী:Yu Seung-ho) আৰু চ'-ইৰ চৰিত্ৰত কিম হ্যাং-কি (ইংৰাজী:Kim Hyang-ki)-য়ে অভিনয় কৰিছে। সিহঁতৰ দেউতাকৰ মৃত্যুৰ পিছত মাকে দুয়োকে পৰিত্যাগ কৰি দ্বিতীয় এজন ব্যক্তিৰ লগত সম্পৰ্ক স্থাপন কৰে। এই পৰিস্থিতিত দুয়ো কণমানি শিশুৱে অকলশৰীয়াকৈ জীৱন নিৰ্বাহ কৰিবলগাত পৰে। চ'-ইই বহুদিনৰ পৰা এটা কুকুৰ পোৱালি লাগে বুলি ককায়েকক কুটুৰি আছিল। সেয়ে চ্যান-য়িয়ে ভনীয়েকৰ ষষ্ঠ জন্মদিনত এটা কুকুৰ উপহাৰ দিবলৈ মনস্থ কৰে। সি এহাল বৃদ্ধ দম্পতীৰ ঘৰলৈ মনে মনে সোমাই নতুনকৈ জন্ম হোৱা এটা অকণমানি কুকুৰ পোৱালি চুৰ কৰি আনে। পিতৃ-মাতৃৰ অবৰ্তমানত দুই ভাতৃ-ভগ্নীয়ে দৰিদ্ৰতাৰ মাজেৰে দিন কটাইছিল যদিও কুকুৰ পোৱালিটোৰ সৈতে সিহঁত সুখেৰেই আছিল। কিন্তু এটা দূৰ্ভাগ্যজনক ঘটনাই সিহঁতত জীৱনৰ চকৰিৰ গতি যেন সলাই দিলে। এটা দুখদায়ক দূৰ্ঘটনাত চ'-ই-ই প্ৰাণ হেৰুৱায়। ভনীয়েকৰ মৃত্যুৰ পিছত চ্যান-য়ি-য়ে ঘৰৰ পৰা মাকৰ সন্ধানত ওলাই যায়। দূৰ্দশাই পিছে তাৰ লগ এৰা নাছিল। আনকি সি এসময়ত পথৰ ভিক্ষাৰীও হ'ব লগা হয়গৈ। এটা কৰুণ কাহিনীৰে চলচ্চিত্ৰখন আগবাঢ়ে।
কলা কুশলীসকল
[সম্পাদনা কৰক]- চ্যান-য়ি (ইংৰাজী:Chan-yi)ৰ ৰূপত য়ু চেওং-হ' (ইংৰাজী:Yu Seung-ho)
- চ'-ইৰ ৰূপত কিম হ্যাং-কি (ইংৰাজী:Kim Hyang-ki)
- ডালি (ইংৰাজী:Dali)
- আন কিল-কেং (ইংৰাজী:Ahn Kil-kang)
- জেঅ'ঙ মিন-আহ (ইংৰাজী:Jeong Min-ah)
- জ' দেঅ'ক-জ্যে (ইংৰাজী:Jo Deok-jae)
- ছিয়' য়েং হা (ইংৰাজী:Seo Yeong-hwa)
- কিম ক্যেয়ং-ৰে (ইংৰাজী:Kim Kyeong-rae)
- কিম ডং-য়েং (ইংৰাজী:Kim Dong-yeong)
- য়ু জিন-আহ (ইংৰাজী:Yoo Jin-ah)
মুক্তিৰ তথ্য
[সম্পাদনা কৰক]এই চলচ্চিত্ৰখন ২০০৬ চনৰ ২৬ অক্টোবৰ তাৰিখে দক্ষিণ কোৰিয়াত মুক্তি দিয়া হৈছিল। সমগ্ৰ দেশজুৰি এই জনপ্ৰিয় ছবিখনৰ ১,০৪২,১৬৬ সংখ্যক টিকেট বিক্ৰী হৈছিল। .[2]
তথ্যসূত্ৰ
[সম্পাদনা কৰক]বাহ্যিক সংযোগ
[সম্পাদনা কৰক]- হাৰ্ট ইজ... সম্পৰ্কে ইণ্টাৰনেট মুভি ডাটাবেছত থকা তথ্য।