Si amiestes dalgún datu, pues siguir l'enllaz del día pa inxertar el datu ellí tamién. ¡Gracies!
- Kublai Khan unvia un nuevu grupu d'emisarios a Xapón pa intentar axustar la entrega pacífica del archipiélagu.
- Antioquía foi prindada pol sultán mamelucu Baibars. Ésti destruyó la ciudá hasta tal puntu que nunca más volvió ser importante.
- En Cilicia (Anatolia, na actual Turquía), un tarrecible terremotu de 8,4 graos na escala de Richter y con epicentru al nordeste de la ciudá d'Adana mató a 60 000 persones en tol país.
- Reinu de Galicia: nes Cortes de Xerez faise una llista de los puertos castellano-lleoneses, con oxetu de nomar a les persones qu'han d'encargase del control de les importaciones en cada unu d'ellos. La llista inclúi, dientro de Galicia, los siguientes: Ribadeo, Viveiro, Betanzos, A Coruña, Santa Marta (Ortigueira), Cedeira, Ferrol, Baiona, A Guarda, Pontevedra, Padrón y Noia.
- 23 d'agostu: na batalla de Tagliacozzo, Carlos d'Anjou (rei de Sicilia), derrota a Conradino de Hohenstaufen y darréu ordena la so execución. Tres la batalla, l'infante Enrique de Castiella "El Senador" (fíu de Fernandu III el Santu) ye apurríu a Carlos d'Anjou pol abá de Montecasino. L'infante permaneció cautivu en diverses fortaleces hasta la so lliberación en 1294.