Aglaonice![]() | |
---|---|
![]() | |
Vida | |
Nacimientu |
Tesalia (es) ![]() |
Muerte | fecha desconocida |
Estudios | |
Llingües falaes | griegu antiguu |
Oficiu | astrónoma |
![]() |
Aglaonice, Agloanike, o Aganice de Tesalia (griegu Ἀγλαονίκη, Aglaoníkē) (fecha desconocida, Tesalia (es) – fecha desconocida) foi una astrónoma de l'Antigua Grecia del sieglu II o I a.C.[1] Ye mentada nos escritos de Plutarcu[2] y nos escolios d'Apolonio de Rodas[3] como una astrónoma y como la fía de Hegetor (o Hegemon) de Tesalia. Yera considerada una bruxa pola so habilidá de faer sumir la lluna del cielu, lo que foi interpretáu como que podía predicir el momentu y la rexón en qu'un eclís llunar diba tener llugar.[4][5]
Un proverbiu griegu faía referencia a l'habilidá de Aglaonice: "Sí, como la lluna obedez a Aglaonice".[6] Otres astrónomes, al paecer consideraes bruxes, fueron acomuñaes con Aglaonice. Fueron conocíes como "les bruxes de Tesalia" y tuvieron la so actividá ente los sieglos III y I e.C.[6]
Nel diálogu de Platón, Gorgias, Sócrates diz: "Pero sí hai que tarrecer, queríu amigu, que nun nos asoceda, lo que se diz asocede a les muyeres de Tesalia cuando faen baxar la Lluna (...)".[7]
Plutarco escribió que "conocía perbién los periodos nos que la lluna llena taba por clisar, y sabiendo de mano el momentu en que la lluna taba por despintar se tres la solombra de la Tierra, aprovechar de les muyeres y faía-yos creer qu'ella la faía cayer".[8]
Unu de los cráteres de Venus llámase Aglaonice.[6] Aglaonice ye tamién un personaxe nel filme Orpheus de Jean Cocteau, onde apaez como amiga d'Eurídice y líder de la Lliga de Muyeres.