Alya

Alya
Estrella múltiple
Datos d'observación
Ascensión reuta (α)	284,054917 °[1]
Declinación (δ)	4,203583 °[1]
Magnitú absoluta	4,6
Constelación	Serpens
Tipu espectral	A5[2]
Otros nomes
Ver llista θ Ser (Denominación de Bayer) ADS 11853 AB (Aitken Double Star Catalogue ^(en) ) UBV 16085 (UBV Photoelectric Photometry Catalogue ^(en) ) WDS J18562+0412AB (Catálogo de Estrellas Dobles Washington ^(es) ) 63 Ser (Denominación de Flamsteed ^(es) )

Coordenaes: 18^h 56^m 13.18^s, 4^° 12^′ 12.899^″

Alya o Alga (θ Ser / θ Serpentis / 63 Serpentis) ye una estrella na constelación de Serpens, asitiada en Serpens Cauda, la cola de la culiebra. El so nome, proveniente del árabe al-alya, significa «la culiebra», anque según otres fontes provién d'una pallabra nesta mesma llingua que se refier a «la cola de la oveya» y que nada tendría que ver cola constelación actual. Coles mesmes, en China yera conocida como Sen, unu de los sos distritos.^[3]

Distante 132 años lluz del Sistema Solar, Alya ye una estrella binaria que les sos componentes (θ¹ Serpentis y θ² Serpentis), separaes visualmente 22 segundos d'arcu, pueden resolvese con un pequeñu telescopiu. Dambes son estrelles blanques de tipu espectral A5V^[4][5] con magnitúes aparentes +4,62 y +4,98. La temperatura superficial de dambes ye de 8200 K aproximao^[6] y los sos lluminosidáes respeutives equivalen a 18 y 13 vegaes la lluminosidá solar.^[6] A diferencia del Sol tienen altes velocidaes de rotación, siquier 143 km/s pa θ¹ Serpentis y 196 km/s pa θ² Serpentis —cuasi 100 vegaes mayor que la del Sol—. Atópense dixebraes ente sí 900 UA a lo menos, lo qu'implica un periodu orbital de siquier 14.000 años,^[6] polo que nun se pudo apreciar nengún movimientu orbital.

Referencies

1. «The 2001 US Naval Observatory Double Star CD-ROM. I. The Washington Double Star Catalog» (n'inglés). The Astronomical Journal (6):  páxs. 3466–3471. avientu 2001. doi:10.1086/323920. 
2. Afirmao en: SIMBAD.
3. Allen, Richard Hinckley (1889). «Serpens», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 0 de xineru de 2011.
4. HR 7141 -- Star in double system (SIMBAD)
5. HR 7142 -- Star in double system (SIMBAD)
6. Alya (Stars, Jim Kaler)

Coordenaes: 18^h 56^m 13.18^s, 4^° 12^′ 12.899^″