Anatomía humana

Anatomía humana
rama de la ciencia y disciplina académica

L'anatomía humana o antropotomía ye un campu especial dientro de l'Anatomía. Ocúpase del estudiu de los muérganos y sistemes orgánicos del cuerpu humanu, dexando l'estudiu de los texíos a la histoloxía y de les célules a la citoloxía.

El cuerpu humanu, al igual que los cuerpos de los animales, ta compuestu de sistemes, qu'a la so vez tán compuestos por muérganos, que tán compuestos por texíos, que tán formaos por célules.

Como breve reseña histórica, se tien constancia de que l'Anatomía yera enseñada por Hipócrates nel sieglu IV enantes de Cristu. S'atribúi a Aristóteles l'usu por primer vez de la pallabra griega anatomé, que significa diseición. Nel sieglu XVI, Andreas Vesalius remocicó y vindicó l'estudiu de l'Anatomía en Medicina, corrixendo los graves errores de Galenu (quien disecaba monos y perros) cola so magna opus De Humani Corporis Fabrica (Sobro les funciones del cuerpu humanu).

Delles rames o disciplines como la Osteoloxía, la Mioloxía, l'Artroloxía, l'Anxoloxía o la Neuroanatomía estudien l'Anatomía Humana d'una manera más particular. La Mioloxia realiza l'estudiu especificu de los músculos, les sos carauterístiques y fonciones. Neuroanatomía realiza l'estudiu del sistema nerviosu d'una forma peculear.

Los 3 métodos d'estudiu básicu de l'anatomía son: rexonal, sistémicu y clínicu.

• L'anatomía rexonal (anatomía topográfica): Estudiu del cuerpu per rexones, como tóras o abdomen. L'anatomía de superficie ye un elementu esencial nel estudiu de l'anatomía rexonal. Los recuadros d'anatomía de superficie ufren una información visible sobre les estructures que s'asitien embaxu'l pelleyu y les que se perciben al tautu.
• L'anatomía sistémica: Estudio del cuerpu por sistemes, por exemplu, el sistema o aparatu circulatoriu y el reproductor.
• L'anatomía clínica: Tien énfasis na estructura y la fonción, ansí como nes sos rellaciones col exerciciu de la medicina y otres ciencies de la salú.

Sistema: se-y noma a un grupu de muérganos que desempeñen una fonción y tán formaos predominantemente pol mesmu tipu de texíu. Por exemplu: el sistema esqueléticu. Aparatu: grupu de muérganos que desempeñen pero tán formaos por estremaos texíos. Por exemplu l'aparatu locomotor.

Sistemes y aparatos cimeros del cuerpu humanu

• Aparatu cardiovascular: coral y vasos sanguíneos.
• Aparatu dixestivu: procesáu de la comida, boca, esófagu, estómadu, entestínos y glándules anexes.
• Sistema endocrín: comunicación dientro'l cuerpu pente medies de les hormones.
• Aparatu escretor: elliminación de residuos del cuerpu.
• Sistema inmunitariu: defensa escontra axentes causantes de malures.
• Sistema intexumentariu: pelleyu, pelo y uñes.
• Sistema muscular: movimientu'l cuerpu.
• Sistema nerviosu: recoyida, tresferencia y procesáu d'información, pol celebru y los nervios.
• Aparatu reproductor: los muérganos sexuales.
• Aparatu respiratoriu: los muérganos emplegaos pa la respiración, los pulmones.
• Sistema esqueléticu: sofitu estructural y proteición pente medies de los güesos.
• Sistema articular: formáu poles articulaciones y lligamentos venceyaos que xunen el sistema esqueléticu y permite los movimientos corporales.
• Aparatu llocomotor: conxuntu de los sistemes esqueléticu, articular ya muscular. Estos sistemes coordinaos pol sistema nerviosu permiten la llocomoción.

Anatomía topográfica

• Tiesta (Caput)
  • Neurocráneu (Neurocranium)
  • Viscerocráneu (Viscerocranium)
• Pescuezu (Colli)
• Troncu (Truncus)
  • Dorsu (Dorsum)
  • Tóras (Thorax)
  • Abdome (Abdomen)
• Miembru superior (Membrum superius)
  • Cintura escapular (Cingulum membri superioris)
  • Brazu (Brachium)
  • Antebrazu (Antebrachium)
  • Mano (manus)
• Miembru inferior (Membrum inferius)
  • Cintura pelviana (Cingulum membri inferioris)
  • Muslu (Fémur)
  • Pierna (Crus)
  • Pie (Pes)

Ver tamién

• Saxital
• Anatomía

Referencies

Enllaces esternos

• Wikimedia Commons acueye conteníu multimedia sobre Anatomía humana.