Ann Patchett

Ann Patchett
Vida
Nacimientu	Los Angeles[1], 2 d'avientu de 1963[2] (60 años)
Nacionalidá	Estaos Xuníos
Residencia	Nashville
Estudios
Estudios	Sarah Lawrence College ^(es) Universidá d'Iowa (1985 - 1987) Máster en Bellas Artes ^(es) : escritura creativa ^(es)
Llingües falaes	inglés[3]
Oficiu	escritora, novelista
Trabayos destacaos	The Patron Saint of Liars ^(en) Bel Canto ^(en) Run ^(en) State of Wonder ^(en) Tom Lake ^(en)
Premios	ver Premios Janet Heidinger Kafka  (1994) [4] Beca Guggenheim  (1995) [5] Premio Faulkner  (2002) : Bel Canto ^(en) Premio de Ficción Femenina  (2002) : Bel Canto ^(en) Heartland Prize  (2004) Premio Helmerich  (2014) Medaya Nacional d'Humanidaes  (2023)
Nominaciones	ver Premio Faulkner ^(es) (2002): Bel Canto ^(en) Premio Literario Internacional IMPAC de Dublín ^(es) (2003): Bel Canto ^(en)
Miembru de	Academia d'Estaos Xuníos de les Artes y les Lletres Academia de les Artes y les Ciencies d'Estaos Xuníos
IMDb	nm0665299
annpatchett.com

Ann Patchett (2 d'avientu de 1963, Los Angeles)^[6] ye una escritora d'Estaos Xuníos. Recibió numberosos premios y la so novela más gallardoniada foi Bel Canto.

Biografía

Patchett nació en Los Angeles, California. Treslladóse a Nashville, Tennessee cuando tenía cinco años.^[7][8]

Estudió na Escuela Harpeth Hall de la so ciudá natal y la católica Academia de San Bernardo (de les Hermanes de la Misericordia). La educación cimera fízola nel Sarah Lawrence College en Bronxville y tomó clases de ficción con Allan Gurganus, Russell Banks, y Grace Paley.^[9] Más tarde asistió al Taller d'Escritores d'Iowa y al Centru d'Artes en Provincetown, Massachusetts, onde conoció a la escritora Elizabeth McCracken, amiga a la que-y avezaba dar los sos manuscritos por que los lleera primeru.^[7] Foi tamién ellí onde escribió la so primer novela, The Patron Saint of Liars.

En 2011, Ann Patchet cofundó xunto a Karen Hayes la llibrería Parnassus Books Nashville, au vive col so home Karl VanDevender. Patchett decidió nun tener fíos.^[10]

Trayeutoria

La primer obra espublizada de Patchett foi The Paris Review. Vendió la so hestoria al periódicu, y llogró que s'espublizara enantes de graduase de la Universidá Sarah Lawrence.

Mientres nueve años, Patchett trabayó na revista Seventeen.^[7] Principalmente escribió artículos de non-ficción, magar que la revista namái publicaría unu de los cinco trabayos de la so autoría. Dixo que los organizadores de la revista nun yeren xustos, polo que finalmente dexó de faer crítiques personalmente.^[11] Finó'l so trabayu na revista depués d'engarrase col editor y esclamando "¡Enxamás tornaré tocar la to puerte!"^[7]

En 1992, Patchett espublizó The Patron Saint of Liars,^[8] novela que foi llevada al cine col mesmu títulu en 1998.^[12]

Llanzó a la venta Taft, la so segunda novela, en 1994. La novela ganó'l premiu Janet Heidinger Kafka en ficción.^[8] La so tercer novela, The Magician’s Assistant, foi espublizada en 1997.

Bel Canto, la so cuarta novela, foi espublizada en 2001 y ganó dellos premios, incluyendo'l Premiu Faulkner. Tamién foi finalista pa llograr el premiu National Book Critics Circle.^[9]

Amiga de la poeta Lucy Grealy (1963-2002), escribió unes memories sobre ella titulaes Truth and Beauty: A Friendship, que convirtiéronse nel so primer llibru de non-ficción.

Patchett escribió pa numberoses publicaciones, incluyendo The New York Times Magazine, The Washington Post, O, The Oprah Magazine, Elle, GQ, Gourmet, y Vogue.^[9] Foi editora de l'antoloxía The Best American Short Stories 2006.

Bibliografía

Noveles

• The Patron Saint of Liars (1992)
• Taft (1994)
• The Magician's Assistant (1997)
• Bel Canto (2001)
• Run (2007)
• State of Wonder (2011); Ed. El Principal de los Llibros, Barcelona, 2012.
• Commonwealth (2016); en castellán, Alianza de Novela, Madrid, 2017

Non-ficción

• Truth & Beauty: A Friendship (2004)
• What now? (2008)

Premios y reconocencies

• Nashville Banner Escritor del Añu de Tennessee en 1994
• Premiu Janet Heidinger Kafka 1994 por Taft (dau pol Susan B. Anthony Institute for Women's Studies y el Departamentu d'Inglés de la Universidá de Rochester)
• Finalista del Premiu Orange 1998 con The Magician's Assistant
• Faulkner 2002 por Bel Canto
• Premiu Orange 2002 por Bel Canto
• Book Sense llibru del añu 2002 con Bel Canto (Asociación de Llibreros d'Estaos Xuníos)
• Finalista del Premiu del Círculu de Críticos Nacional del Llibru con Bel Canto
• Beca Guggenheim
• Escoyida ente les 1000 persones más influyentes del mundu pola revista Time en 2012

Referencies

1. URL de la referencia: http://www.bookbrowse.com/bb_briefs/detail/index.cfm/ezine_preview_number/9038/this-is-the-story-of-a-happy-marriage.
2. URL de la referencia: http://www.nndb.com/lists/508/000063319/.
3. Biblioteca Nacional de Francia. «autoridaes BNF» (francés). Consultáu'l 10 ochobre 2015.
4. URL de la referencia: https://rochester.edu/college/wst/SBAI/recipients.html. Data de consulta: 18 febreru 2016.
5. URL de la referencia: https://www.gf.org/fellows/all-fellows/ann-patchett/. Data de consulta: 21 avientu 2020.
6. «GoodReads». Consultáu'l 8 de setiembre de 2008.
7. Weich, Dave (27 de xunu de 2001). «Ann Patchett Hits All the Right Notes». Archiváu dende l'orixinal, el 21 de setiembre de 2007. Consultáu'l 3 de xunetu de 2007.
8. Dukes, Jessica. «Meet the Writers: Ann Patchett». Archiváu dende l'orixinal, el 8 de xunu de 2007. Consultáu'l 2 de xunetu de 2007.
9. «About Ann». Archiváu dende l'orixinal, el 2007-07-11. Consultáu'l 2 de xunetu de 2007.
10. Rustin, Susanna. «A life in writing: Ann Patchett» (inglés). Archiváu dende l'orixinal, el 19 d'ochobre de 2013. Consultáu'l 24 de mayu de 2017.
11. «Ann Patchett on The Patron Saint of Liars» (2006). Consultáu'l 20 de setiembre de 2008.
12. «The Patron Saint of Liars». Consultáu'l 20 de setiembre de 2008.

Enllaces esternos

• Sitiu web de Ann Patchett (n'inglés)
• Páxina de Harper Collins (n'inglés)