Atanasio Cruz Aguirre

Atanasio Cruz Aguirre
Presidente d'Uruguái 1r marzu 1864 - 15 febreru 1865 ← Bernardo Prudencio Berru - Tomás Villalba → presidente de la Cámara de Representantes de Uruguay ^(es) 1853 - 1853
Vida
Nacimientu	Montevidéu, 2 de xunu de 1801
Nacionalidá	Uruguái
Muerte	Montevidéu, 28 de setiembre de 1875[1] (74 años)
Estudios
Llingües falaes	castellanu
Oficiu	políticu
Creencies
Partíu políticu	Partido Nacional ^(es)

Atanasio de la Cruz Aguirre Aguado (2 de xunu de 1801, Montevidéu – 28 de setiembre de 1875, Montevidéu) foi un políticu uruguayu.

Biografía

La so primer actuación pública tuvo llugar nel intre de la Cruzada Llibertadora de 1825 a 1828. Ente 1833 y 1838 foi Comisariu de Guerra, y tres la Guerra Grande, en 1852, foi escoyíu diputáu. Electu al Senáu en 1861, presidía'l cuerpu'l 1 de marzu de 1864, cuando asumió interinamente el Poder Executivo ante'l final del periodu de Bernardo Prudencio Berro.

El so mandatu, d'un añu de duración, trescurrió metanes la guerra civil qu'empezara en 1863 cola insurrección de Venancio Flores y el Partíu Colorado, que recibió'l sofitu del Imperiu de Brasil y del presidente arxentín Bartolomé Mitre. El so gobiernu hubo d'enfrentase primero a la presión diplomática de Brasil, al traviés d'una llista de reclamos amañaos por esti (mayu de 1864), y depués a la invasión del territoriu uruguayu poles fuercies de mar y tierra del Imperiu, que se punxeron abiertamente de parte de Venancio Flores.

En respuesta a estos fechos, y ente otres midíes, declaró nulos y fixo quemar en ceremonia pública los trataos de 1851 qu'establecíen l'alianza ente'l gobiernu uruguayu y el de Brasil (avientu de 1864). Tamién intentó ensin ésitu provocar la intervención francesa nel conflictu, unviando una misión diplomática ante Napoleón III (misión Cándido Juanicó, xineru de 1865).

El 15 de febreru de 1865, yá sitiada la ciudá de Montevideo poles fuercies de Venancio Flores y de Brasil, apurrió'l mandu al Presidente del Senáu, Tomás Villalba, quien capitularía poques hores más tarde ante los sitiadores.

Gabinete de gobiernu

Ministeriu	Nome	Periodu
Gobierno	Juan P. Caravia	1864 - 1865
Rellaciones Esteriores	Juan José de Herrera	1864
	Antonio de las Carreras	1864 - 1865
Facienda	Eustaquio Tomé	1864 - 1865
Guerra y Marina	Diego Eugenio Lamas	1864 - 1865
	Jacinto Susviela	1865

Referencies

1. Afirmao en: Diccionario biográfico español. Identificador DBE: 44162/atanasio-cruz-aguirre. Apaez como: Atanasio Cruz Aguirre. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

Enllaces esternos

Predecesor: Bernardo Prudencio Berro

Presidente d'Uruguái 1864-1865

Socesor: Tomás Villalba