Bloque comercial

Un bloque comercial ye creáu p'arrexuntar a un conxuntu de países col propósitu de llograr beneficios nel comerciu internacional y polo xeneral en materia económico, ensin perxuiciu de que puede faer dañu nel país

La mayoría de los bloques comerciales anguaño tán definíos por un enclín rexonalista, ente que les rellaciones comerciales de calter non rexonales tienden a ser billaterales, o a dase ente bloques comerciales en formación.

Los bloques comerciales pueden clasificase entá y d'alcuerdu al so nivel d'integración económica.

Tipos de bloques comerciales

• Área de Preferencia Comercial: los países establecen preferencies sociales pa comerciar unos con otros, hai llibre cambéu de productos alimenticios o otros que sían tomaos nel alcuerdu d'integración.
• Zona de llibre comerciu o Área de llibre comerciu, formada por un tratáu ente dos países (Tratáu de llibre comerciu). Los bloques comerciales pueden tener un enfoque puramente comercial (como'l TLCAN) o incluyir aspeutos culturales y relixosos, como la XE.

Los países arreyaos establecen precios únicos pa determinaos productos qu'intercambien ente sigo. Esto asocede nos bloques del NAFTA (o TLCAN) y ASEAN

• Xunión aduanera: nesti casu hai aranceles únicos pal intercambiu de productos ente los países que conformen el bloque, y aranceles únicos pa la comercialización de productos con otros países que nun formen parte del bloque.
• Mercáu Común: el Bloque establez un únicu arancel pa países esternos. Hai llibre circulación de bienes y persones. Exemplu: Mercáu Común del Sur MERCOSUR
• Xunión económica: suma los alcuerdos que plantega la zona de llibre comerciu y la xunión aduanera pero inclúi amás la creación d'una moneda común. Esto haise realizáu na Xunión Europea a partir de la creación del euru como moneda común de los países miembros.

La mayoría de los bloques económicos son rexonales, conformaos per países próximos xeográficamente. N'otros casos, los países conformen bloques a partir d'intereses compartíos en redol a la producción de determináu bien. Este ye'l casu de la OPEP (Organización de Países Esportadores de Petroleu).

• Integración económica: defínense polítiques económiques y lleis en xunto sumáu a tou lo espuesto en xunión económica.

L'interés pol desarrollu económicu y comercial tamién lleva a los países a formar otru tipu d'uniones pa desenvolver polítiques comunes, como asocede cola Organización pa la Cooperación y el Desarrollu Económicu (OCDE), organismu qu'axunta a los 30 países más desenvueltos del mundu, o la ALADI (Asociación Llatinoamericana d'Integración), que fomenta la cooperación y el desarrollu ente dellos países d'América llatina. Esiste la intención de xunir dellos bloques pa conformar asociaciones mayores, que ye lo qu'asocede col ALCA (Área de Llibre Comerciu de les Amériques, entá non conformáu), a partir del cual va tratase d'esaniciar les barreres aduaneres ente los países del continente americanu.

La Xunión Europea, la NAFTA y la ASEAN intercambien la mayor participación nel comerciu mundial. Sicasí, por cuenta de relevancia del petroleu nel comerciu mundial tamién son importantes los fluxos comerciales que s'establecen ente la OPEP. Toes estes trabayen de mancomún conformando y llogrando asina un gran bloque económicu con diverses garantíes y configuraciones feches pa la total comodidá de los predominantes y satisfechos consumidores.

Bloques activos

Europa

• Xunión Europea (XE o EU)
• Asociación Europea de Llibre Comerciu (EFTA)
• Alcuerdu centroeuropéu de llibre cambéu (CEFTA)

Eurasia

• Xunión Económica Euroasiática (UEE)

África

• Alcuerdu de Agadir
• Comunidá Africana Oriental (CAO o CAI)
• Xunión Aduanera d'África Austral (SACU)
• Comunidá Económica y Monetaria d'África Central (CEMAC)
• Comunidá Económica Africana (AEC o CEA)
• Mercáu Común d'África Oriental y Austral (MCAOA)
• Xunión Africana (UA o AU)

América

• Mercosur
• Xunión de Naciones Suramericanes (UNASUR)
• Tratáu de Llibre Comerciu d'América del Norte (TLCAN)
• Alianza del Pacíficu
• Comunidá Andina de Naciones (CAN)

Asia

• Asociación de Naciones del Sureste Asiáticu (ASEAN)

Oceanía

• El Foru de les Islles del Pacíficu (PARTA)

Referencies

Enllaces esternos

• Wikimedia Commons tien conteníu multimedia tocante a Bloque comercial.