Bob Beamon

Bob Beamon
Vida
Nacimientu Jamaica, 29 d'agostu de 1946[1] (78 años)
Nacionalidá Bandera de Estaos Xuníos d'América Estaos Xuníos
Estudios
Estudios Universidad Estatal Técnica y Agrícola de Carolina del Norte (es) Traducir
Jamaica High School (en) Traducir
Universidá de Texas n'El Paso
Universidad Adelphi (es) Traducir
Oficiu
Oficiu atleta, xugador de baloncestu
Pesu 70 kg
Altor 191 cm
Cambiar los datos en Wikidata

Robert "Bob" Beamon (29 d'agostu de 1946, Jamaica) ye un atleta d'Estaos Xuníos famosu pol so récor del mundu en saltu de llonxitú, llamáu'l saltu del sieglu, consiguíu nos Xuegos Olímpicos de Méxicu (1968) con un rexistru de 8,90 metros, ameyorando en 55 cm la marca anterior. Dichu récor perduró mientres 22 años, 10 meses y 22 díes,[2] hasta ser superáu na final del Mundial de Tokiu 1991 por Mike Powell (8,95 m), nesa mesma final Carl Lewis tamién llogró ameyorar la marca de Beamon (8,91 m) pero nun foi homologada yá que se llogró con más de 2 m/s de vientu a favor, polo qu'anguaño sigue siendo la segunda meyor marca de tolos tiempos. La so marca de 8,90 metros, sigue siendo l'actual récor olímpicu de saltu de llonxitú y avérase a los 50 años de vixencia.

L'anterior campeón Olímpicu Lynn Davies, dixo que destruyera la prueba, y dio llugar a que s'inventara un nuevu axetivu n'inglés pa la xíriga del atletismu, Beamonesque, que s'aplica a cualquier fazaña o fechu espectacularmente fuera de lo común. El meyor saltu de la so carrera antes del récor fuera de 8,33 m y dempués nun pasó de los 8,22 m, polo que la reacción a la so marca foi de perplexidá pela so parte ya incredulidá pola de los xueces, que nun disponíen de material pa midir un saltu tan llargu, motivu pol que se retrasó l'apaición del nuevu récor nel marcador manual.

Y ye qu'hai que tener en cuenta que les meyores del récor mundial dende 1901 tienen una media de 0,06 m siendo la mayor de 0,15 m. Na so dómina díxose que sería un récor pa superar nel siguiente sieglu, un récor del sieglu XXI.

Referencies

[editar | editar la fonte]
  1. ↑ Afirmao en: Encyclopædia Britannica Online. Identificador Encyclopædia Britannica Online: biography/Bob-Beamon. Apaez como: Bob Beamon. Data de consulta: 9 ochobre 2017. Llingua de la obra o nome: inglés.
  2. ↑ Atletismu Español nᵘ508

Enllaces esternos

[editar | editar la fonte]