Charlotte Shelby

Charlotte Shelby
Vida
Nacimientu Shreveport (es) Traducir, 19 d'avientu de 1877[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Santa Monica, 13 de marzu de 1957[1] (79 años)
Familia
Fíos/es
Estudios
Llingües falaes inglés
Oficiu actriz, actriz de teatru, actriz de cine
IMDb nm0790962
Cambiar los datos en Wikidata

Charlotte Shelby (19 d'avientu de 1877, Shreveport (es) Traducir – 13 de marzu de 1957, Santa Monica) foi una popular actriz teatral estauxunidense, y conocida tamién por ser sospechosa del asesinatu del direutor de cine de Hollywood, William Desmond Taylor.

Resume biográficu

[editar | editar la fonte]

El so verdaderu nome yera Lily Pearl Miles Reilly, y nació en Shreveport (Luisiana).

Shelby foi la madre de les actrices Mary Miles Minter y Margaret Shelby, y sería una personalidá dominante y remanador de les carreres interpretatives de les sos fíes.

Con rellación al asesinatu de William Desmond Taylor, que caltenía una rellación romántica con Mary Miles Minter, abarruntóse que l'autora yera Shelby. Sicasí, cuasi venti años dempués del crime, les autoridaes xudiciales de Los Angeles concluyeron que nun esistía evidencia qu'inculpara a Shelby.

Mientres munchos años caltuvo amargoses diputas coles sos fíes por causa de les ganancies qu'elles consiguieron siendo nueves actrices, y que ella controlaría. Margaret finó en 1939 por problemes derivaos d'un alcoholismu, ente que Mary reconcilióse totalmente cola so madre.

Charlotte Shelby finó en 1957 en Santa Monica (California). Foi soterrada nel Campusantu Forest Lawn Memorial Park de Glendale (California). Darréu, Mary Miles Minter incineró y espardió los sos restos, al igual que fizo colos de la so hermana Margaret.

Filmografía

[editar | editar la fonte]
  • Dimples (1916)
  • Always in the Way (1915)
  • The Fairy and the Waif (1915)

Teatru

[editar | editar la fonte]
  • Love Watches (1908)

Referencies

[editar | editar la fonte]
  1. ↑ 1,0 1,1 Afirmao en: Internet Movie Database. Identificador IMDb: nm0790962. Data de consulta: 20 xunetu 2016. Llingua de la obra o nome: inglés.

Enllaces esternos

[editar | editar la fonte]