Chhattisgarh

Chhattisgarh
Alministración
País	India
ISO 3166-2	IN-CG
Tipu d'entidá	estáu de la India
Capital	Raipur
Chief Minister of Chhattisgarh ^(en)	Vishnudeo Sai ^(es)
Nome oficial	छत्तीसगढ (hi) Chhattisgarh (en)
Nome llocal	छत्तीसगढ (hi)
Llingües oficiales	Hindi chatisgarí ^(es)
División	ver Surguja division ^(en) , Bilaspur division ^(en) , Durg division ^(en) , Raipur division ^(en) y Bastar division ^(en)
Xeografía
Coordenaes	21°16′N 81°36′E / 21.27°N 81.6°E / 21.27; 81.6
Superficie	135194 km²
Llenda con	Madhya Pradesh, Maharastra, Odisha, Jharkhand, Uttar Pradesh, Telangana y Andhra Pradesh
Demografía
Población	29 436 231 hab. (2020)
Densidá	217,73 hab/km²
Más información
Fundación	2000
chhattisgarh.nic.in

Chhattisgarh (hindi: छत्तीसगढ़ Chatīsgaṛh, lliteralmente: Treintayseis fuertes) ye unu de los ventinueve estaos que, xunto colos siete territorios de la Unión, formen la República de la India. La so capital ye Raipur. Ta allugáu nel centru del país, llindando al norte con Uttar Pradesh y Jharkhand, al este con Orissa, al sur con Telangana y al oeste con Maharastra y Madhya Pradesh. Foi fundáu'l 1 de payares de 2000, a partir d'una parte de Madhya Pradesh.

División

Chhattisgarh ta estremáu en 27 distritos que son: Balod, Baloda Bazar, Balrampur-Ramanujganj, Bastar, Bemetara, Bijapur, Bilaspur, Dantewada, Dhamtari, Durg, Gariaband, Janjgir-Champa, Jashpur, Kabirdham, Kanker, Kondagaon, Korba, Koriya, Mahasamund, Mungeli, Narayanpur, Raigarh, Raipur, Rajnandgaon, Sukma, Surajpur y Surguja.

La parte norte del estáu llenda cola gran llanura Indo-Gangética; el ríu Rihand, afluente del Ganges, riega la zona. La llende occidental de la cordal Satpura xunto cola llende oriental del pandu de Chota Nagpur formen una petrina de llombes qu'estremen la cuenca del ríu Mahanadi de la llanura Indo-Gangética.

La parte central de Chhattisgarh ta asitiada nes fértiles llanures del Mahanadi y del so afluentes, con una agricultura estensiva. La parte más al sur del estáu asítiase nel pandu del Decán, regada pol ríu Godavari y el so afluente, el ríu Indravati. Los montes cubren una parte importante del estáu, cerca del 40% de la superficie total.

Idioma

L'idioma chhattisgarhí, perteneciente a la familia de les llingües indo-aries, ye'l predominante na rexón. Los distritos más montascosos de Chhattisgarh son el llar de la tribu de los gondi, que falen un idioma perteneciente a la familia de les llingües dravídiques.

Referencies

Enllaces esternos

• Wikimedia Commons acueye conteníu multimedia sobre Chhattisgarh.
• Páxina del gobiernu de Chhattisgarh. Archiváu 2011-05-15 en Wayback Machine (n'inglés)
• Peoples Website of Chhattisgarh