Christopher Meloni

Christopher Meloni
Vida
Nacimientu	Washington DC, 2 d'abril de 1961[1] (63 años)
Nacionalidá	Estaos Xuníos
Residencia	Los Angeles
Llingua materna	inglés
Fíos/es	2
Estudios
Estudios	Universidá de Colorado en Boulder Neighborhood Playhouse School of the Theatre ^(en) St. Stephen's & St. Agnes School ^(en)
Llingües falaes	inglés
Oficiu	actor, actor de televisión, actor de cine, actor de voz
Posición o especialidá	Quarterback
IMDb	nm0005221

Christopher Peter Meloni (2 d'abril de 1961, Washington DC) ye un actor d'Estaos Xuníos nomáu a un premiu Premiu Emmy en 2006 pola so actuación como'l detective Elliot Stabler, na serie televisiva policiaca Law & Order: Special Victims Unit de la NBC.

Vida temprana

Meloni nació fíu de Cecile, una ama de casa, y Robert Meloni. Los sos ancestros maternos son franceses-canadienses y los sos ancestros paternos son italianos de Cerdeña. Estudió nel St. Stephen´s School (agora St. Stephen´s & St. Agnes School) y dempués na Universidá de Colorado, onde empezó a estudiar actuación, graduándose en 1983. Dempués, Meloni foi a New York onde siguió estudiando con Sanford Meisner.

Carrera

Actuó en Novia Fuxitiva (n'España: Novia a la Fuga) ya interpretó un papel como un encargáu homosexual d'un hotel en Las Vegas na película Fear and Loathing in Las Vegas (n'España: Mieu y Ascu en Las Vegas).

Tamién en Harold & Kumar Go to White Castle xunto a John Cho y Kal Penn como'l chofer de la grúa que los recueye.

El profe de ximnasia (Gym Teacher: The Movie) ye una película orixinal de Nickelodeon, protagonizada por Christopher Meloni y Nathan Kress en 2008.

Actuó na serie de televisión producida por HBO Oz, onde realizaba'l papel de Chris Keller, un recluyíu homosexual y de un papel bien importante nel desenvolvimientu de la trama.

En 12 monos, como'l detective qu'entruga a la psicóloga. Tamién tuvo un papel secundariu na película Carriers (Infestaos) de 2009.

Según un informe publicáu pola revista Forbes, Meloni xunto col so coestelar Mariska Hargitay ye unu de los actores estauxunidenses de series televisives meyor pagos. La so actuación na serie policiaca valió-y el reconocencia de miles de persones. En mayu del 2011 la NBC anunció que Meloni nun anovó'l so contratu pa la décimotercera temporada de la serie^[2]

Christopher Meloni foi unu de los fichaxes pa la quinta temporada de True Blood, serie de la cadena HBO. Equí Meloni desempeñaría'l papel d'un vampiru llamáu "Román", quien ye líder de la Máxima Autoridá Vampirica. En 2013 interpretó al Coronel Hardy na película Man of Steel.

Meloni en Wilmington, Carolina del Norte.

Ver tamién

• Law & Order: Special Victims Unit

Referencies

1. Afirmao en: Gemeinsame Normdatei. Data de consulta: 28 abril 2014. Llingua de la obra o nome: alemán. Autor: Biblioteca Nacional d'Alemaña.
2. «Exclusive: Chris Meloni Exits Law & Order: SVU» (inglés). 24/05/2011. tvline.com. Archiváu dende l'orixinal, el 2012-02-20. Consultáu'l 3 d'avientu de 2011.

Enllaces esternos

• Wikimedia Commons acueye conteníu multimedia sobre Christopher Meloni.