Chun Kuk Do

Chun Kuk Do
Chuck Norris, Fundador del Chun Kuk Do
Tamién CKD
Enfoque Híbridu
País d'orixe  Estaos Xuníos d'América
Fundador Chuck Norris
Fecha de fundación 1990
Prauticantes famosos Chuck Norris, Bob Wall, Howard Jackson, Chip Wright, Aaron Norris, Roger Yuan
Paternidá Tangsudo, Taekwondo, [Jiu-Jitsu brasilanu]], Yudu, Muay Thai, Shotokan[1]
Deporte olímpicu Non
Sitiu oficial Sitiu Oficial del Chun Kuk Do
Cambiar los datos en Wikidata

Chun Kuk Do (CKD) ye un arte marcial híbridu americanu de raigañu coreanu. Fundáu nel 1990 pol renomáu actor Chuck Norris, el CKD evolucionó del tangsudo combinando elementos de dellos estilos de llucha diferentes.[2]

Dempués d'usar distintos nomes incluyendo'l d'American Tang Soo Do, Chuck Norris Karate System, y Chuck Norris System, el nome actual foi adoptáu en 1990. "Chun Kuk Do" ye una espresión coreana que se traduz llibremente por "La Vía Universal."

L'arte evolucionó del entrenamientu orixinal de Chuck Norris nel Tang Soo Do Moo Duk Kwan, un estilu coreanu conocíu principalmente poles téuniques de patada.[3] Norris entrenó dempués n'otros estilos con dalgunos de los instructores más respetaos nos Estaos Xuníos; ente ellos los maestros de shotokan Tsutomu Ohshima y Hidetaka Nishiyama, el maestru de Shito-ryu Fumio Demura, el fundador del Kenpo Kárate Americanu Ed Parker, l'espertu en yudu Gene LeBell, y la familia Machado, famosos lluchadores de Jiu-Jitsu brasilanu.

Tolos branos la UFAF (Federación d'Artes de Llucha Xuníes) celebra un congresu d'entrenamientu y el campeonatu mundial de Chun Kuk Do en Las Vegas, Nevada.[4]

Sistema de cinturones de nivel

[editar | editar la fonte]

Blancu Mariellu Moráu Naranxa Naranxa/Azul Azul 8u Azul 7u Azul 6u Azul 5u Verde 4u Bermeyu 3u Bermeyu 2u Bermeyu 1u Negru 1u y siguientes (Chuck Norris ye 10u Dan)

Formes

[editar | editar la fonte]

Neto que la mayoría de les artes marciales tradicionales, el Chun Kuk Do inclúi la práutica de formes (kata). La mayoría de les formes del sistema tán sacaes del Tangsudo, pero hai tamién dos formes de la organización UFAF, y una d'armes.

  • Giecho Hyung Il Bu (Nun s'esixe pal esame de cintu negru)
  • Giecho Hyung Il Bu Sang Gup (Nun s'esixe pal esame de cintu negru y tampoco nun se prautica en delles escueles)
  • Giecho Hyung Yi Bu (Nun s'esixe pal esame de cintu negru)
  • Giecho Hyung Yi Bu Sang Gup
  • Giecho Hyung Sahm Bu (Nun s'esixe pal esame de cintu negru)
  • Pyong An Cho Dan
  • Pyong An Yi Dan
  • Pyong An Sahm Dan (Nun s'esixe pal esame de cintu negru y tampoco nun se prautica en delles escueles)
  • Pyong An Sa Dan
  • Pyong An Oh Dan
  • Bassai
  • Forma UFAF 1
  • Forma UFAF 2 (Esixida pal esame de cintu negru 2u Dan)
  • Kong Sang Koon (Esixida pal esame de cintu negru 3er Dan)
  • Forma de Bo Estándar de Chun Kuk Do (Esixida pal esame de cintu negru 3er Dan)

Escueles

[editar | editar la fonte]

Haza'l 2010 la UFAF tenía más de 5.000 miembros y 3.000 cinturones negros en tol mundu.[5]

Hai unes 90 escueles afiliaes nos Estaos Xuníos, Méxicu, Noruega y Paraguái. Actualmente l'arte ta medrando en Sudamérica y Europa, y ye d'esperar que la llista de países onde ta representáu'l CKD xorreza a curtiu plazu. La UFAF tamién tien miembros individuales per tol mundu que tán nel exércitu o viviendo n'otros países, incluyendo Corea del Sur.

Enllaces esternos

[editar | editar la fonte]

References

[editar | editar la fonte]
  1. ↑ Norris, Chuck. Against All Odds. Broadman & Holman Publishers Nashville, Tennessee. 2004. p. 144. ISBN 080543161-6
  2. ↑ Brackett, Charmain Z. "Student seeks highest level in martial arts." The Augusta Chronicle. February 26, 2006. | Weblink: http://chronicle.augusta.com/stories/2006/02/26/aik_59536.shtml
  3. ↑ Barker, Christopher. "Hiram martial arts group excels in tournament." The Times-Georgian. September 16, 2010. | Weblink: http://times-georgian.com/view/full_story/9543895/article-Hiram-martial-arts-group-excels-in-tournament?instance=west_ga_news Archiváu 2012-03-17 en Wayback Machine
  4. ↑ Jeffrey, Douglas. "Wright Finally KOed - By Chuck Norris - At UFAF Convention." Black Belt Magazine. December 1993. P. 20.
  5. ↑ Rimington, Dana. "72-year-old can Chun Kuk Do / Layton senior's focus turns from fancy writing to fancy footwork." Standard-Examiner. Saturday, August 28, 2010 - 9:23pm. | Weblink: http://www.standard.net/topics/sports/2010/08/28/72-year-old-can-chun-kuk-do-layton-seniors-focus-turns-fancy-writing-fancy- Archiváu 2012-07-22 en Wayback Machine