Cicely Courtneidge

Cicely Courtneidge
Vida
Nacimientu	Sydney, 1 d'abril de 1893[1]
Nacionalidá	Reinu Xuníu Reinu Xuníu de Gran Bretaña ya Irlanda  12 abril 1927)
Muerte	Putney, 26 d'abril de 1980[1] (87 años)
Sepultura	Crematorio de Golders Green ^(es) [2]
Familia
Casada con	Jack Hulbert (1916 – 1978)
Estudios
Llingües falaes	inglés
Oficiu	comedianta, actriz de cine
Premios	ver Dama Comandante de la Orde del Imperiu británicu [3]
IMDb	nm0183877

Dame Cicely Courtneidge DBE (1 d'abril de 1893, Sydney – 26 d'abril de 1980, Putney) foi una actriz británica.

Primeros años

El so verdaderu nome yera Esmerelda Cicely Courtneidge, y nació en Sydney, Australia. Yera fía del productor escocés Robert Courtneidge y nieta de la cantante d'ópera del Covent Garden, Cicely Nott. La so madre tamién foi actriz, al igual que los sos trés hermanes, una de les cualos yera Ada Blanche. El so debú profesional tuvo llugar con una obra producida pol so padre, The Arcadians (1911), trabayando darréu en The Pearl Girl (1913), dambes pieces representaes nel Teatru Shaftesbury.

Carrera

Protagonizó comedies slapstick como Falling for You (1933) y Soldiers of the King (1934), amás de trabayar con regularidá nel teatru británicu. Tamién fixo actuaciones en Melbourne, Australia, a finales de los años trenta. Actuó numberoses vegaes nel cine, con títulos como Those Magnificent Men in Their Flying Machines (1965). Tamién fixo'l papel de "Mum" na serie de la London Weekend Television On the Buses, xunto a Reg Varney y Anna Karen. Otru de los sos trabayos, en compañía de Vic Oliver y del so home, Jack Hulbert, foi'l que fizo na sitcom radiofónica de la BBC Discord in Three Flats (1962).

Tres una llarga carrera dedicada por entero a los papeles en comedies y en revistes, fixo una actuación dramática nel filme L'habitación en forma de L, nel papel d'una vieya lesbiana. Tamién consiguió una bona crítica pol so papel de Madame Arcati nel musical High Spirits, basáu na pieza de Noel Coward Blithe Spirit.

Una de les sos últimes interpretaciones foi la que fizo na Royal Gala Performance nel Festival de Teatru de Chichester en xunu de 1977, en celebración del Ventenu Quintu Aniversariu de la Reina Sabela II del Reinu Xuníu. L'espectáculu foi llamáu God Save The Queen!, y tuvo un repartu d'estrelles, ente les que s'incluyíen Ingrid Bergman, Wendy Hiller, Flora Robson, Diana Rigg, Penelope Keith, Siân Phillips, Keith Michell, Alfred Marks y Courtneidge. A la representación asistió la Princesa Alejandra de Kent.

Vida personal

Casóse col actor Jack Hulbert en 1916, permaneciendo xuntos 62 años, hasta la muerte de Hulbert. Foi nomada Comandante del Imperiu Británicu (CBE) en 1951, y en 1972 xubió a Dama Commandante (DBE).

Cicely Courtneidge finó en 1980 en Londres, pocu dempués de cumplir 87 años. Foi encenrada nel Crematoriu de Golders Green.

Teatru

Courtneidge actuó nes siguientes producciones teatrales:

• Once More With Music - Teatru Royal Brighton - con Jack Hulbert – Ochobre de 1976
• Breath of Spring – Teatru Everyman, Cheltenham - con Jack Hulbert – Mayu de 1974
• The Hollow – Teatru Everyman, Cheltenham - con Jack Hulbert - 1973
• Move Over Mrs. Markham – Teatru Vaudeville, Londres - 17 de marzu de 1971
• The Hollow - Teatru Royal, Brighton - con Jack Hulbert - 1970
• Dear Octopus - Teatru Royal, Haymarket, 1967 - con Richard Todd, Joyce Carey, Ursula Howells y Jack Hulbert
• The Bride Comes Back - Grand Teatru, Wolverhampton – con Edward Petherbridge, Robertson Hare y Jack Hulbert - 1961
• The Bride Comes Back - Vaudeville Theatre Royal - con Jack Hulbert - 1960
• The Bride and the Bachelor – Teatru Duchess, Londres - 1956
• Gai's The Word – Teatru Saville, Londres - 1952
• Her Excellency - London Hippodrome, 1949
• Under the Counter - (Jo Fox) – Teatru Phoenix, 1946
• Under Your Hat - 1938
• Folly To Be Wise - Liverpool Empire, 24 d'agostu de 1932 - presentada por Jack Hulbert, con música de Vivian Ellis
• Lido Lady - Londres, 1926 – escrita por Rogers & Hart, co-protagonizada por Jack Hulbert
• The Pearl Girl – Teatru Shaftsbury, 1913
• The Arcadians (Chrysea) - Teatru Shaftsbury, 1911

Filmografía

• Happy Ever After (1932)
• Jack's the Boy (1932)
• Aunt Sally (1933)
• Falling for You (1933)
• Soldiers of the King (1934)
• Things Are Looking Up (1935)
• Me and Marlborough (1935)
• The Perfect Gentleman (1935)
• Everybody Dance (1936)
• Take My Tip (1937)
• Under Your Hat (1940)
• The Ghost Train (1941)
• The Spider's Web (1960)
• L'habitación en forma de L (1962)
• The Wrong Box (La caxa de les sorpreses) (1965)
• Those Magnificent Men in Their Flying Machines (1965)
• Not Now Darling (1973)

Discografía

• "Ali Baba's Camel"
• Gai's The Word
• High Spirits

Referencies

• Cecily - Autobiography. Published by Hutchinson, UK, 1953
• The Little Woman's Always Right - by Jack Hulbert; W.H. Allen, London, 1975
• Esta obra remanez de la traducción de Cicely Courtneidge de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Referencies

1. Afirmao en: Internet Movie Database. Identificador IMDb: nm0183877. Data de consulta: 10 xineru 2016. Llingua de la obra o nome: inglés.
2. Afirmao en: Find a Grave. Identificador Find a Grave: 6405222. Data de consulta: 6 abril 2022. Llingua de la obra o nome: inglés.
3. Afirmao en: Oxford Dictionary of National Biography. Editorial: Oxford University Press. Llingua de la obra o nome: inglés. Data d'espublización: 2004.

Enllaces esternos

• Cicely Courtneidge na Internet Movie Database (n'inglés)
• Archivo Cicely Courtneidge y Jack Hulbert, Coleición de Teatru de la Universidá de Bristol