Corona Boreal ye una pequeña constelación boreal[1] que les sos principales estrelles formen un arcu semicircular. Esta ye una de les 88 constelaciones modernes, y foi tamién una de les 48 constelaciones llistaes por Ptolomeo, quien se refirió a la mesma como Corona. La pallabra Borealis foi añadida dempués, en contraste cola Corona Australis, la Corona Austral.
Nusakan (β Coronae Borealis), la segunda estrella más brillosa de la constelación, ye tamién una binaria con un periodu orbital de 10,5 años. Ye una variable Alfa2 Canum Venaticorum deficiente en osíxenu, ente qu'otros elementos como estronciu, cromu y europiu presenten bayures más altes de lo habitual.[4]
Otra estrella binaria, η Coronae Borealis, ta compuesta por dos nanes marielles con un periodu orbital de 41,6 años, afayándose una distante nana marrón físicamente venceyada a esti par.[5]σ Coronae Borealis ye un sistema estelar triple a 71 años lluz de distancia. Les dos estrelles principales del sistema, separaes 7 segundos d'arcu, pueden ser resueltes con telescopiu. La más brillosa d'elles ye, de la mesma, una binaria espectroscópica compuesta por dos nanes marielles de tipu F9V y G0V, ente que la estrella menos brillosa ye tamién una nana mariella de tipu G1V.[6]
Corona Boreal cuenta con delles estrelles variables d'interés. R Coronae Borealis ye una superxigante mariella prototipu d'un tipu de variables que lleven el so nome: la magnitú visual habitual de R Coronae Borealis ye 5,89, pero en ciclos que van dende dellos meses a munchos años, el so rellumu se atenúa hasta magnitú 14. Por ello, esta estrella recibió'l títulu d'Estrella menguante» o «Nova reversible».[10]
Per otra parte, T Coronae Borealis ye una nova recurrente: de magnitú 10,8 en condiciones normales, nos postreros estallíos de 1866 y 1946 llegó a algamar magnitú 2,0 y 3,0 respeutivamente.[11]
ρ Coronae Borealis, análogu solar de magnitú 5,39; en redol a esta estrella mueve un oxetu de masa incierto, que podría ser dende un exoplaneta hasta una tenue nana colorada.
σ Coronae Borealis, sistema estelar triple a 71 años lluz compuestu por trés nanes marielles. Dos d'elles formes una binaria espectroscópica, completando una órbita cada 1,14 díes.
Na mitoloxía griega, la corona pertenez a Ariadna, fía de Minos, rei de Creta. Ariadna nun quería aceptar la propuesta de matrimoniu de Dioniso, que tenía forma mortal, pos nun quería casase con un humanu dempués de ser abandonada por Teseo. Pa probar que yera un dios, Dioniso quitóse la corona y llanzar al cielu. Ariadna, complacida, casóse con él y volvióse inmortal.
Otra lleenda diz que Dioniso regaló-y a Ariadna una corona como regalu de bodes. Cuando ella morrió, el dios refundió la corona al cielu onde quedó como constelación. Darréu Ariadna foi divinizada por Zeus.
↑King, Jeremy R.; Villarreal, Adam R.; Soderblom, David R.; Gulliver, Austin F.; Adelman, Saul J. (abril de 2003). «Stellar Kinematic Groups. II. A Reexamination of the Membership, Activity, and Age of the Ursa Major Group». The Astronomical Journal125 (4): páxs. 1980–2017. doi:10.1086/368241. Bibcode: 2003AJ....125.1980K.
↑«The Historical Origin of the Pulfrich Effect: A Serendipitous Astronomic Observation at the Border of the Milky Way». Neuro-Ophthalmology33: páxs. 39–46. 2009. doi:10.1080/01658100802590829.