Cresques Abraham

Cresques Abraham
Vida
Nacimientu	Palma, 11 de xunetu de 1325 ^(greg.)[1]
Nacionalidá	Corona d'Aragón España [2]
Muerte	Palma[3], marzu de 1387 ^(greg.)[1] (61 años)
Familia
Fíos/es	Jehuda Cresques ^(es)
Estudios
Llingües falaes	catalán[1] castellanu[4]
Oficiu	cartógrafu, ilustrador, xeógrafu
Llugares de trabayu	Mallorca
Trabayos destacaos	Atlas Cresques ^(es) Biblia Farhi ^(es)
Creencies
Relixón	xudaísmu

Cresques Abraham (11 de xunetu de 1325 ^(greg.), Palma – marzu de 1387 ^(greg.), Palma) foi un cartógrafu xudíu mallorquín del sieglu XIV. Padre del tamién cartógrafu Jehuda Cresques, dambes figures señeras de la Escuela Cartográfica Mallorquina.

Anque tradicionalmente interpretóse que «Cresques» yera l'apellíu familiar y que, poro, el nome yera Abraham Cresques, los estudios realizaos por Jaume Riera y Gabriel Llompart determinaron que nun se tuvo en cuenta la forma cola que tresmitíen los patronímicos na comunidá xudía, según la cual el primer nome del padre pasaba a ser el segundu del fíu. D'esta forma, Jehuda Cresques yera fíu de Cresques Abraham, ñetu d'Abraham Vidal y bisñetu de Vidal Cresques.^[5]

Cresques Abraham, protexíu polos reis Pedru IV d'Aragón, Xuan I d'Aragón y Martín I d'Aragón, dexó una granible documentación sobre cartes náutiques feches por él y el so fíu, anguaño perdíes, anque se-y atribúin dellos mapes anónimos, como l'Atles catalán de 1375, siendo esta obra, guardada na Bibliothèque National de París, considerada como la pieza qu'algamó'l puntu más altu de la conocencia cartográfica medieval.

Obres

Amás del Atles Catalán los investigadores tamién tienen suxerío qu'al menos cinco mapes más podíen ser obra suya, del so fíu o del so taller.

• «Carta Veneciana», cartografía portolana conserváu na Biblioteca Veneciana n'Italia.
• «Carta Florenciana», cartografía portolana conserváu na Biblioteca Nacional Central de Florencia n'Italia.
• «Carta Napolitana», cartografía portolana conserváu na Biblioteca Nazionale Vittorio Emanuele III de Nápoles (Italia).
• «Mapa d'Estambul», fragmentu d'un Mapa mundi conserváu nel Palaciu de Topkapi n'Estambul.
• «Carta de París», cartografía portolana conserváu na Biblioteca Nacional de Francia en París.

Igual que l'Atles, estos cinco mapes nun tán firmaos y nun tienen data, pero allúguense nel últimu cuartu del sieglu XIV. Masque les semeyances ente ellos son evidentes, esiste la posibilidá que fueren fechs por dellos talleres.

• 
  Carta de Venecia
• 
  Carta de Nápoles
• 
  Carta de París

Referencies

1. Biblioteca Nacional de Francia. «autoridaes BNF» (francés). Consultáu'l 10 ochobre 2015.
2. Identificador GND: 121105733. Afirmao en: Catálogo de la Biblioteca Nacional de Alemania. Data de consulta: 21 mayu 2023. Llingua de la obra o nome: alemán.
3. Afirmao en: Gran Enciclopèdia Catalana. Identificador de la Gran Enciclopedia Catalana: 0020595. Editorial: Grup Enciclopèdia. Llingua de la obra o nome: catalán.
4. Afirmao en: catálogu de la Biblioteca Nacional Checa. Identificador NKCR AUT: jo20211098356. Data de consulta: 1r marzu 2022.
5. Baig i Aleu, Marià (2001). «Un nuevo documento sobre Guillem Soler y la cuestión de la cartografía mallorquina». Llull (vol. 24). páxs. 591-592

Bibliografía

• Campbell, T. (2011) "Anonymous works and the question of their attribution to individual chartmakers or to their supposed workshops", online

• Pujades i Bataller, Ramon J. (2007) Les cartes portolanes: la representació medieval d'una mar solcada. Barcelona.