Daphne Ashbrook

Daphne Ashbrook
Vida
Nacimientu	Long Beach, 30 de xineru de 1963[1] (61 años)
Nacionalidá	Estaos Xuníos
Llingua materna	inglés
Familia
Hermanos/es	Dana Ashbrook
Estudios
Llingües falaes	inglés
Oficiu	actriz, actriz de televisión, actriz de cine
IMDb	nm0038695
daphneashbrook.com

Daphne Lee Ashbrook (30 de xineru de 1963, Long Beach) ye una actriz d'Estaos Xuníos.

Vida personal

Daphne Ashbrook creció en San Diego, California. Los sos padres son l'actriz de teatru de San Diego D'ann Paton y el tardíu actor y direutor Buddy Ashbrock. Los sos hermanos son l'actor Dana Ashbrook y l'actor y direutor Taylor Ashbrook. En 1988 tuvo una fía, Paton Lee Ashbrook, col actor Lorenzo Lamas, que tamién ye actriz.

Carrera

Actriz

Conocida poles sos interpretaciones coles mesmes risibles y fondamente emocionales, apaeció en munchos papeles en televisión y cine, incluyendo Star Trek: Deep Space Nine (como en Melora nel episodiu Melora) y el telefilme de Doctor Who tituláu Doctor Who: La película onde interpretó'l papel de l'acompañante Grace Holloway. La so interpretación nesa película causó consternación ente dalgunos de los fans de la serie porque foi'l primer personaxe que besó románticamente al Doctor, sentando un precedente pa la nueva serie qu'empezó en 2005, con muncha más carga romántica.

Un viaxe que fizo en 2004 al Reinu Xuníu se filmó pal documental de 2005 Daphne Ashbrook in the UK. El documental siguía'l so trabayu con Doctor Who nel so papel como Perfection nel audiodramático de Big Finish Productions The Next Life, trabayando de nuevu con Paul McGann 8 años dempués de la película. En 2006 interpretó a Charlotte Howell nel audiodramático Dark Shadows: The Book of Temptation pa la mesma compañía. Hasta'l momentu hai asistitdo a dos convenciones de Doctor Who, faciendo munches entrevistes en dellos podcasts relativos cola serie.

Destacar por ser una ente los diez únicos actores, y la única muyer ente ellos, qu'apaecieron nes franquicies de Star Trek y Doctor Who.^[2] Anque Nana Visitor tenía un papel pequeñu en Torchwood: El día del milagru en 2011, dambos personaxes de Daphne yeren principales, asina que tamién tien esi record particular.^[3]

Los sos currículu en cine y televisión inclúi Cold Case, CSI, Crossing Jordan, JAG, Escribióse un crímen, Judgin Amy, la miniserie Intruders, Guardian, "El ferre caleyeru, episodiu 5" un papel recurrente en The O.C. y un papel protagonista nel drama policiacu Family Honor con Ray Liotta y Eli Wallach. Los sos papeles recién inclúin la película de 2009 de David Ondaatje The Lodger, protagonizada por Alfred Molina, Shane West, Simon Baker y Hope Davis, y papeles como convidada en NCIS, Ente pantasmes y Without a Trace. En 2012 protagoniza la serie de Nickelodeon Hollywood Heights nel papel de Jackie.

Música y lliteratura

En 2010 publicó'l so primera CD musical, Grace Notes en Dharmapala Records con bones crítiques. Los cantares van dende'l Roots hasta'l Jazz y son na so mayoría versiones de dalgunos de los sos cantantes y compositores favoritos como Joni Mitchell y Patty Griffin. El productor del CD foi'l compositor y multi-instrumentalista David Vito Gregoli. Interpretó la música del CD en delles convenciones y otros eventos.

En 2012, Ashbrook publicó los sos mejorias, Dead Woman Laughing (An actor's take from both sides of the camera). Detalla la so vida como actriz y la so esperiencia al crecer nuna familia d'artistes. El llibru recibió bones crítiques y Ashbrook ta promocionándolo en 2013 en delles apaiciones públiques, incluyendo convenciones.

Referencies

1. Afirmao en: Internet Movie Database. Identificador IMDb: nm0038695. Data de consulta: 17 xunetu 2016. Llingua de la obra o nome: inglés.
2. http://memory-alpha.org/en/wiki/Daphne_Ashbrook
3. https://www.imdb.com/name/nm0000684/