Electrón-voltiu

Electrón-voltiu
unidá d’enerxía, unidaes que nun formen parte del SI pero se mencionen y s'aceuten, unidá derivada en UCUM, unidá de masa y constante física ^(es)

L'electrón-voltiu^[1], abreviao como eV, ye una unidá d'enerxía equivalente a la enerxía cinética qu'alquier un electrón aceleráu por una diferencia de potencialde 1 voltiu nel vacíu . Talu valor obtiénse esperimentalmente, polo que nun ye una cantidá exauta. 1 eV = 1,602176462 × 10^-19 J

Ye una de les unidaes aceutaes pal so usu nel Sistema Internacional d'Unidaes pero que nun pertenecen estrictamente a elli. Como l'electrón-voltiu ye una unidá mui pequeña, úsense davezu múltiplos como'l Megaelectrón-voltiu MeV o'l Xigaelectrón-voltiu GeV (ver prefixos del SI).

Dalgunos múltiplos típicos son:

1 keV = 10³ eV

1 MeV = 10⁶ eV

1 GeV = 10³ MeV = 10⁹ eV

1 TeV = 10³ GeV = 10⁶ MeV = 10¹² eV

En física de partícules úsase indistintamente como unidá de masa o d'enerxía, yá qu'en relatividá entrambes magnitúes refiérense a la mesma cosa. La rellación d'Einstein E=m·c² da llugar a la unidá de masa eV/c².

1 eV/c²; = 1,783 × 10^-36 kg

1 keV/c²; = 1,783 × 10^-33 kg

1 MeV/c²; = 1,783 × 10^-30 kg

1 GeV/c²; = 1,783 × 10^-27 kg

Nota: La ventaya d'espresar la masa de les partícules en múltiplos del electrón-voltiu ye que, cuando falamos de la so aniquilación o del coste de producción d'éstes, el pasu d'enerxía a masa ye direutu. Ye dicir, que si se destruyó un electrón tendránse xenerao 511 keV d'enerxía yá que la masa d'esa partícula ye de 511 keV/c², que ye un valor idénticu al de la so enerxía en reposu. Por eso, frecuentemente omítese poner c² nes unidaes y fálase d'electrón-voltios tanto si mos referimos a masa como a enerxía.

Referencies

1. Rubén Fernández Martínez (10 d'avientu de 2010). Terminoloxía Física. Centru de Terminoloxía Asturiana.

Enllaces esternos