Erle Stanley Gardner

Erle Stanley Gardner
Vida
Nacimientu Malden (es) Traducir, 17 de xunetu de 1889[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Temecula, 11 de marzu de 1970[1] (80 años)
Familia
Padre Charles Walter Gardner
Madre Grace Adelma Waugh
Estudios
Estudios Palo Alto High School (es) Traducir
Llingües falaes inglés[2]
Oficiu escritor, abogáu, novelista, escritor de ciencia ficción, xurista
Premios
IMDb nm0306916
Cambiar los datos en Wikidata

Erle Stanley Gardner (17 de xunetu de 1889, Malden (es) Traducir – 11 de marzu de 1970, Temecula) foi un abogáu y escritor d'Estaos Xuníos. Autor de noveles policiaques, que publicó sol so propiu nome, y tamién usando los seudónimos A.A. Fair, Kyle Corning, Charles M. Green, Carleton Kendrake, Charles J. Kenny, Les Tillray y Robert Parr.

Biografía

[editar | editar la fonte]

Gardner exercía'l so oficiu d'abogáu, pero'l so calter tarrecía la rutina de la práutica llegal. La única parte que realmente esfrutaba yeren los xuicios penales y el desenvolvimientu de la estratexa a siguir nun xuiciu.[4] Nel so tiempu llibre, Gardner empezó a escribir pa les revistes policiaques que tamién allugaben a autores como Dashiell Hammett y Raymond Chandler. Gardner creó munchos personaxes pa estes revistes, ente otros l'atélite Lester Leith (parodia d'otru personaxe, Lord Peter Wimsey, de Dorothy Sayers) y Ken Corning, abogáu criminalista, que foi l'arquetipu pal personaxe más famosu de Gardner, Perry Mason, abogáu con dotes detectivescas, protagonista de más de cincuenta noveles de Gardner.[5] La carauterística que fizo a Gardner bultable nel mediu ye que, a pesar de pertenecer al xéneru policiacu, l'héroe de les sos noveles nun yera un policía nin un detective, sinón un abogáu penal.

Gardner dedicóse amás al proyeutu llamáu «la Corte del últimu recursu», al cual dedicó-y miles d'hores xunto colos sos amigos y colegues del mediu forense y criminalístico. Nesti llabor buscábase revisar ya investigar los posibles errores del sistema xudicial qu'afectaren a xente que, a pesar de ser inocente, fuera condergada por cuenta de mala representación llegal, vicios y males práutiques per parte de fiscales y cuerpos policiales y, más direutamente, a errores aniciaos en dictames erraos (o mal interpretaos) de medicina forense.

El personaxe trescendió al mediu del cine nes décades de 1930 y 1940, y convirtióse a lo postrero na serie de televisión Perry Mason, onde l'actor Raymond Burr caracterizaba a Mason. El mesmu Gardner apaeció nel últimu episodiu de la serie, nel papel d'un xuez. A finales de la década de 1980, la serie foi alicada nun puñáu de películes pa televisión, nes cualos apaecíen miembros del repartu orixinal, incluyendo a Burr.

Sol seudónimu A. A. Fair, Gardner escribió delles noveles colos detectives Bertha Cool y Donald Lam,[6]:13 amás d'escribir una serie de noveles sobre'l fiscal Doug Selby y el so enemigu Alphonse Baker Carr. Nesta última serie, rescamplaba'l contrapuntu a la serie de Perry Mason, pos los papeles del investigador infalible y el so eternu rival yeren invertíos ente'l fiscal y l'abogáu de les noveles.[7]

Decesu y legáu

[editar | editar la fonte]

Gardner finó'l 11 de marzu de 1970, nel so ranchu de Temecula.[8][9] Yera l'escritor d'Estaos Xuníos más vendíu del sieglu XX, nel momentu de la so muerte.[8] Foi encenráu, y les sos cenices espardíes sobre la so amada península de Baxa California.[6]:305 El so ranchu, el Ranchu del Paisanu nel so tiempu, foi vendíu tres el so decesu. Foi depués revendíu en 2001 a Pechanga Indians, renombráu Great Oak Ranch, y finalmente absorbíu na reserva de Pechanga.

Notes y referencies

[editar | editar la fonte]
  1. ↑ 1,0 1,1 Afirmao en: autoridaes BNF. Identificador BnF: 11904131c. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
  2. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. ↑ URL de la referencia: https://edgarawards.com/category-list-the-grand-master/.
  4. ↑ Senate, Richard. «Erle Stanley Gardner». Benton, Orr, Duval, & Buckingham. Archiváu dende l'orixinal, el 2023-06-02. Consultáu'l 1 d'agostu de 2013.
  5. ↑ Current Biography 1944, p. 224–226
  6. ↑ 6,0 6,1 Hughes, Dorothy B. (1978) Erle Stanley Gardner: The Case of the Real Perry Mason. New York: William Morrow and Co. Inc.. ISBN 0-688-03282-6.
  7. ↑ Error de cita: La etiqueta <ref> nun ye válida; nun se conseñó testu pa les referencies nomaes MaVit
  8. ↑ 8,0 8,1 'The Fiction Factory': Erle Stanley Gardner, Author of the Perry Mason Mystery Novels, Is Dead at 80. 12 de marzu de 1970. http://select.nytimes.com/gst/abstract.html?res=F00B17FD3C5A157493C0A81788D85F448785F9. Consultáu'l 28 de xunetu de 2015. «Como l'autor d'Estaos Xuníos más vendíu del sieglu, Erle Stanley Gardner de cutiu aportunó en qu'él "nun yera realmente un escritor n'absolutu", y, ensin dulda, había munchos críticos que con entusiasmu taben acordies con él. Pero millones de llectores que mercaron más de 170 millones de copies de los sos llibros namái n'ediciones de EE. XX. consideraron al Sr. Gardner, creador del abogáu defensor Perry Mason, como un maestru de cuentos.». 
  9. ↑ Erle Stanley Gardner, Author of Perry Mason Stories, Dies. 12 de marzu de 1970. «Erle Stanley Gardner, whose Perry Mason mysteries made him the world's best selling author, died Wednesday at his ranch home at Temecula in Riverside County.». 

Enllaces esternos

[editar | editar la fonte]