Ernesto Augustop de Brunswick-Luneburgu (30 de payares de 1629, Herzberg am Harz – 2 de febreru de 1698, Hannover), Duque de Brunswick-Luneburgu, foi'l primeru de los Eleutores de Hannover al ser alzáu'l ducáu de Hannover n'eleutoráu imperial del Sacru Imperiu Romanu Xermánicu, en 1692, pol Emperador Leopoldu I d'Habsburgu.
Yera fíu del Duque Jorge de Brunswick-Luneburgu, quien ye consideráu'l primer miembru de la Casa de Hannover, y d'Ana Leonora de Hesse-Darmstadt.
Casóse con Sofía de Wittelsbach.
Cuando'l ducáu de Brunswick-Luneburgu foi estremáu en 1635, Jorge heredó los principaos de Calenberg y Göttingen, y en 1636 treslladó la so residencia a Hannover.
Ernesto Augusto unificaría sol so mandu diversos territorios del noroeste d'Alemaña, arrexuntaos en redol a Hannover, llogrando del emperador Leopoldu I la so constitución en feudu hereditariu pa los primoxénitos varones del so llinaxe. La esposa d'ésti, Sofía, foi declarada en 1701 heredera del tronu de Gran Bretaña (entós Inglaterra y Escocia), por un decretu que declaraba que los católicos nun podíen aportar al tronu. Sofía yera naquel momentu la más elegible descendiente protestante de Xacobu I d'Inglaterra (la so nieta).
Predecesor: Nun tuvo Títulu de nueva creación Él mesmu como duque de Brunswick-Luneburgu |
Eleutor de Hannover 1692 - 1698 |
Socesor: Xurde I |