Estadiu El Molinón-Enrique Castro Quini
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Estadiu El Molinón-Enrique Castro Quini | |
|---|---|
| estadiu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Xixón |
| Coordenaes | 43°32′10″N 5°38′14″W / 43.5361°N 5.6372°O |
  Estadiu El Molinón-Enrique Castro Quini Estadiu El Molinón-Enrique Castro Quini (Asturies) | |
| Historia y usu | |
| Copa Mundial de Fútbol de 1982 | |
| Dueñu | Ayuntamientu de Xixón |
| Xestión | Real Sporting de Xixón |
| Deporte | fútbol |
| Usuariu | Real Sporting de Xixón |
| Aforu | 30 000 |
 | |
El Molinón-Enrique Castro Quini ye un estadiu de fútbol de la ciudá asturiana de Xixón. Ye de titularidá municipal y nél xuéguense los alcuentros de fútbol que'l Real Sporting de Xixón xuega como llocal y, a vegaes, tamién s'usa pa facer conciertos musicales.
Ta allugáu nel Parque Isabel la Católica, al llau del ríu Piles. El so nome vien d'un gran molín hidráulicu que taba sitiáu nel llugar cuando se construyó. En 2018, coincidiendo cola so muerte, añadióse al nome oficial el del ex xugador Enrique Castro Quini.
Nun se sabe a ciencia cierta les feches de la so construcción ya inauguración. El primer datu documental de la so presencia alcuéntrase nel diariu llocal El Comercio el 20 de mayu de 1908. La reseña d'esi partíu nun lu presenta como dalgo fora de lo normal, lo que fai sospechar que l'escenariu ya yera conocíu por los xixoneses y, por tanto, la conocencia del estadiu ye anterior.
La FIFA nomólu como una de les sedes de la Copa Mundial de Fútbol de 1982, disputada n'España. Amás, albergó once alcuentros de la Seleición Española de fútbol.
Tien el récor absolutu d'asistencia a un partíu de fútbol n'Asturies, con 43.000 espectadores, en partíos de la Copa Mundial de Fútbol de 1982. Pel momentu, esta cifra nun se va poder superar darréu que denguna ciudá d'Asturies tien un estadiu con esti aforu.
Tres la reciente reforma, El Molinón algamó los 30.000 asientos.
Curiosidaes
[editar | editar la fonte]- Escándalu del Mundial 1982: El 25 de xunu de 1982 disputóse nel estadio d'El Molinón el caberu partíu del grupu B de la primer ronda del Mundial 82, ente Alemaña y Austria. Yera l'últimu partíu del grupu, y los alemanes (tres la so derrota ante Arxelia nel primer partíu) necesitaben ganar pa clasificase pala segunda ronda, mientres que los austriacos clasificábense anque perdiesen por 1-0, ya que producíase un empate a cuatro puntos ente Alemaña, Austria y Arxelia, que clasificaba a Alemaña y Austria pa la segunda fase por diferencia de goles. Y eso foi lo qu'ocurrió. Tres del primer gol alemán (Hrubesch, minutu 10) el partíu camudose nuna pachanga ente dos equipos que l'únicu que queríen yera que pasara'l tiempu y clasificase pa la siguiente fase. La FIFA entamó una investigación sobre los fechos pero nun pudo llegase a denguna conclusión. Eso sí, pa evitar más problemes nel siguiente Mundial (Méxicu'86) establecióse que na cabera xornada de la primera fase xugaríense los dos partíos de cada grupu simultáneamente, como se fai anguaño. Al día siguiente la prensa llocal publicó la crónica del partíu na seición de Socesos, refiriéndose a él como una estafa a 40.000 persones.
- Frase céllebre: El 25 de payares de 1979, nun partíu Real Sporting de Xixón-R. Madríd, xeneróse na grada del Estadiu El Molinón ún de los glayios más populares del fútbol español, el "Asina, asina, asina guaña'l Madrid" (en castellán, Así, así, así gana el madrid), un glayíu que fízose famosu pa criticar los supuestos sofitos arbitrales al Real Madrid, y que posteriormente adoutaron los seguidores madridistes pa celebrar les vitories del so equipu. A los siete minutos d'aquel partíu, una durísima entrada de San José a Ferrero quedó ensin sanción, pero al face-y el roxiblancu un xestu repunante al madridista, l'árbitro del alcuentru, Ausocúa Sanz, mandó pal vestuariu al sportinguista.
- Orixe del so nome: El Molinón llamábase asina porque n'aquellos terrenos llevántabase un molín de agua (hidráulicu) de gran tamañu, dando-y usu pa moler maíz, que fuere propiedá d'un ciudadanu inglés apellidáu Rimmel. Nel mesmu, llevantóse posteriormente'l Parador Nacional Molín Vieyu. Nel Dicionariu toponímicu del conceyu de Xixón, de Ramón d'Andrés, espublizáu pola casa conceyu de Xixón en 2008, pue lleese sobre l'orixe del nome d'El Molinón:
"El Molinón recibi'l nome por un vieyu molín que sitióse nesti llugar, movíu poles augües d'un regatu afluente del Piles. Nel sieglu XIX formó parte de les instalaciones la fábrica de farina «La Hormiga», fundada por Romualdo Alvargonzález. El llugar abandonóse cuandu esta industria desapaeció. Nos años 70 del sieglu XX el llugar restauróse y recuperó, dando llugar al actual «Parador Nacional del Molino Viejo». El nome de El Molinón aplicóse tamién a sitios cercanos: l'avenida'l Molinón (la avenida dell Molinón) y'el campu'l Molinón (el campu del Molinón), estadiu de fútbol del Real Sporting de Xixón, que yá s'usaba como tal dende los entamos del sieglu XX, inaugurándose oficialmente en 1917; pasó a titularidá de la casa conceyu en 1944. Además, El Molinón da-y nome a toa una zona la ciudá que tien como referencia l'asitiáu del antiguu molin y l'actual estadiu fútbol."Dicionariu toponímicu'l conceyu de Xixón.
- Conciertos: L'Estadiu El Molinón algamó, amás d'acontecimientos deportivos, toa mena conciertos multitudinarios ente los que hai que destacar:
- Bruce Springsteen.
- The Rolling Stones.
- Dire Straits.
- Paul McCartney.
- Sting.
- Bon Jovi.
- Tina Turner.
- Artistes nacionales como: Alejandro Sanz, Víctor Manuel, Miguel Ríos, Joan Manuel Serrat y un llargu etcétera.
Ver tamién
[editar | editar la fonte]Referencies
[editar | editar la fonte]Enllaces esternos
[editar | editar la fonte]
Wikimedia Commons acueye conteníu multimedia sobre Estadiu El Molinón-Enrique Castro Quini.
| Control d'autoridaes |
|
|---|
Datos: Q929315- Multimedia: El Molinón