Estáu islámicu

Nun ha tracamundiase con: Estáu Islámicu

Pa ver otros usos d'esti términu, Estáu islámicu (dixebra).

Organización de los distintos Estaos con población de mayoría musulmana:     Estaos islámicos     Estaos confesionales que la so relixón oficial ye l'Islam     Estáu llaicu     Otros Estaos con mayoría musulmana

Un Estáu islámicu ye aquel estáu confesional que'l so encontu d'autoridá ta na Sharia al Islamiya, la llei musulmana. Dende los primeros años del islam, numberosos gobiernos foron consideraos como «islámicos», empezando pol califatu que'l mesmu Mahoma afitó y los subsecuentes territorios gobernaos polos sos socesores.

Sicasí, el términu d'Estáu islámicu» tomó una connotación específica moderna dende'l sieglu XVIII, siendo promovíu por ideólogos como Abul Ala Maududi, Ruhollah Jomeini, Israr Ahmed o Sayyid Qutb. Como los primeros califatos, tán enraigonaos nos principios de la llei islámica, pero, a diferencia d'éstos, los Estaos islámicos modernos pueden incorporar nociones polítiques como'l sistema parllamentariu, la soberanía popular o la organización d'eleiciones.

Anguaño, munchos países musulmanes incorporaron la llei islámica, dafechu o en parte, a los sos sistemes llegales. Dalgunos recueyen l'islam como la relixón d'Estáu na Constitución, pero nun apliquen la llei islámica nes sos cortes. Los Estaos islámicos pueden ser monarquíes o repúbliques islámiques.

Ver tamién

• República islámica
• Monarquía islámica
• Mundu islámicu
• Estáu Islámicu d'Iraq y Siria o Estáu Islámicu (EI), grupu terrorista de naturaleza islamista suní autoproclamáu califatu.
• Estáu Islámicu de Transición d'Afganistán
• Estáu Islámicu d'Afganistán

Referencies