Coordenaes: 13h 6m 35.836s, -46° 2′ 2.018″
HD 113766 (HIP 63975 / SAO 223904) ye una estrella binaria na constelación de Centaurus de magnitú aparente +7,56. Nuna de les estrelles del sistema atopóse un discu protoplanetariu. Alcuéntrase a unos 424 años lluz de distancia de la Tierra.
El sistema estelar HD 113766 ta formáu por dos estrelles bien nuevos, con una edá en redol a 16 millones d'años, de tipos espectrales F3 y F5. En redol a la estrella principal, HD 113766 A, atopóse un discu de polvu caliente con una temperatura averada de 440 K. Cien veces más masivu que'l cinturón d'asteroides del sistema solar, piénsase que ta colapsando pa formar un planeta terrestre que va tar asitiáu na zona de habitabilidad,a 1,8 UA de la estrella, onde puede esistir agua en estáu líquidu. L'analís químico y mineralóxico del material del discu amuesa que la so composición ye similar a la de los asteroides metálicos de tipu-S.
Magar nun s'atopó vapor d'agua acomuñáu al discu de polvu, afayáronse dos concentraciones de material rico en xelu alredor de HD 113766 A: el primeru ente 4 y 9 UA, la distancia del cinturón d'asteroides al Sol, y la segunda ente 30 y 80 UA, la distancia a la que ta'l cinturón de Kuiper nel sistema solar.
La otra estrella del sistema, HD 113766 B, ye bien similar a la componente A, y alcuéntrase a 170 UA (4 vegaes la distancia ente Plutón y el Sol), polo que la so presencia nun afecta a la formación del planeta en redol a HD 113766 A.