Hydnum repandum

Hydnum repandum llingua de gatu
Clasificación científica
Reinu:	Fungi
División:	Basidiomycota
Clas:	Agaricomycetes
Orde:	Cantharellales
Familia:	Hydnaceae
Xéneru:	Hydnum
Especie:	H. repandum L., Fr., 1821
Consultes
[editar datos en Wikidata]

Hydnum repandum Carauterístiques micolóxiques
Himeniu con escayos
El sombreru ye deprimíu
Les llámines son decurrentes
El pie ta desnudu
Espores de color blancu
La ecoloxía ye micorriza
Comestibilidá: encamentada
[editar datos en Wikidata]

Les especies de fungos con nome común en llingua asturiana márquense como ^Nmic. En casu contrariu, conséñase'l nome científicu. La llingua de gatu^[1] (Hydnum repandum) ye una cogorda comestible considerada de sabor amargoso y picante, carauterístiques que s'apinen col so maduror. Medren en montes mistos o de suelu ácidu

Descripción

Fungu de sombreru duru, carnosu, de 60 a 120 mm de diámetru^[2], irregular, convexu de mozu, planu nel maduror, dacuando ablayáu, onduláu y lobuláu. Tien aspeutu abolláu, secu y mate. Na so mocedá ye de color crema-ablancazáu depués llogra un color crema amarellentáu a ocre pálidu y finalmente nel so maduror tien un color pardu anaranxáu. Ye de carne trupo, blanca, pardu-naranxa cola edá, tien un golor fúnxicu y sabor amargosu.

Habitat y fenoloxía

Crez a finales del branu y en seronda en montes preferentemente de suelos acedos o mistos.

Espores

Ovoides de 7.9 x 5.7 mm. Son llises y de color crema en masa.

Usos

Esti fungu ye comestible cuando ye nuevu y depende tamién de la temporada de collecha por cuenta de que ye de tastu amargoso. Tien de cocinase por un llargu periodu y xubir l'agua de cocción pa menguar l'amargor y ameyorar la dixestión. Son usualmente preparaos con aceite y vinagre, pue guardase en frascos herméticos en llugares con refrixeración pa sirvilos al cabu de trés o cuatro meses.

Toxicidá

Ensin toxicidá.

Otros nomes

Idioma	Nome
Catalán	Llengua de bou, Llémena,Vaqueta, Picornell aspí,Pixacaill, bolet de agulles
Castellanu	Llingua de gatu
Euskara	Tripaki argi
Gallego	Lingua de vaca
Inglés	Wood Hedgehog, Hedgehog mushroom
Francés	Langue de chat, Pied de mouton, Barbe de chevre
Italianu	Steccherino
Alemán	Semmel- Stoppelpilz

Referencies

1. URL de la referencia: http://www.sabencia.net/nomenclator.php.
2. https://www.fichasmicologicas.com/?micos=1&alf=H&art=208

Bibliografía

• F. Calong, (2009) Guía de bolso para el buscador de setas Pág:72
• H. DES ABBAYES, M. CHADEFAUD, J. FELDMANN, Y. DE FERRE ,H. GAUSSEN, P. –P. GRASSE, A. R. PRÉVOT, (1989)Botánica: vexetales inferiores, Volume 1
• http://macrodomo.blogspot.com/2008/01/hydnum-repandum-lengua-de-gato-hedgehog.html
• http://www.botanical-online.com/setas/hydnum_repandum.htm
• http://setas.org/cogordes-2/comestibles/hydnum-repandum-gamuza-lengua-de-gato/

Wikispecies tien un artículu sobre Hydnum repandum.