Islla d'Aogashima

Islla d'Aogashima
Situación
PaísBandera de Xapón Xapón
Metropolitan prefecture (en) TraducirBandera de Tokiu Tokiu
Subprefeutura subprefeutura de Hachijō
Villa Aogashima
Tipu islla volcánica
Parte de Islles Izu
Asitiáu en Mar de Filipines
Coordenaes 32°27′28″N 139°45′33″E / 32.4578°N 139.7592°E / 32.4578; 139.7592
Islla d'Aogashima alcuéntrase en Xapón
Islla d'Aogashima
Islla d'Aogashima
Islla d'Aogashima (Xapón)
Islla d'Aogashima alcuéntrase n'Océanu Pacíficu
Islla d'Aogashima
Islla d'Aogashima
Islla d'Aogashima (Océanu Pacíficu)
Datos
Puntu más altu Ōtonbu (en) Traducir
Superficie 5,96 km²[1]
Población 170
Llonxitú 3,5 km
Cambiar los datos en Wikidata

 

Aogashima (青ヶ島 Aogashima?) ye una islla volcánica xaponesa, la más meridional y aisllada del archipiélagu Izu. Alcuéntrase nel mar de Filipines, al este del archipiélagu homónimu, nel estremu norte de Micronesia, a 358 kilómetros al sur de Tokiu y a 64 kilómetros al sur de Hachijō-jima. La so área ye de 8.75 km². Forma parte del Parque Nacional Fuji-Hakone-Izu. La so capital ye la villa d'Aogashima, la municipalidá más pequeña por númberu d'habitantes, del Xapón.

Historia

[editar | editar la fonte]

Ye poco lo que se conoz sobro la historia de la islla. Méntase en rexistros del periodu Edo que se caltienen en Hachijō-jima. Nellos rexístrase la so actividá volcánica en 1652 y, darréu, dende 1670 hasta 1680. Nuevamente méntense terremotos en xunetu de 1780, siguíos pola erupción de vapor nos llagos de la caldera d'Ikenosawa. Un nuevu terremotu provocó la gran erupción de mayu de 1781, que los sos fluxos de llava d'abril de 1783 determinaron la evacuación de los más de trescientos habitantes de la islla, de los cualos pereció cerca de la metá.[2][3]

Aogashima convirtióse nuna islla despoblada hasta 1835, fecha na cual Jirodayu Sasaki y otros evacuaos y los sos descendientes decidieron la torna a la islla. Naquel momentu la población yera d'unes 240 persones, qu'algamaron el so máximu en 1889, con 754. Sicasí, cuando los barcos con destín a Ogasawara empezaron a faer escala en Aogashima, empezó la emigración. En 1903, establecióse una llinia regular de tresportes a Aogashima, colo cual empezó un intercambiu col restu del Xapón y el desenvolvimientu de la islla. En 1940 foi reconocida como villa, con una población de 407 habitantes.[2][4]

Xeografía

[editar | editar la fonte]

Aogashima ye de formación cuaternaria y ta compuesta polos restos de cuatro calderes submarines. Mide 3,5 km de llongura con un anchu máximu de 2.5 km, arrodiada de cantiles bien serrapatosos, formaos por capes de depósitos volcánicos; la mariña sur álzase hasta una cresta afilada que forma un cantu d'una caldera llamada Ikenosawa (池之沢) con un diámetru de 1,5 km, esta caldera apodera la islla, col so puntu más altu, Otonbu (大凸部), cume de tola islla, a 423 m. s. n. m. Ye destacable que'l centru d'Ikenosawa ta ocupáu por un conu secundariu llamáu Maruyama (丸山).[5]

Consideráu como un volcán activu de Clase C pola Axencia Meteorolóxica de Xapón, la última erupción d'Aogashima tuvo llugar mientres un periodu de cuatro años ente 1781 y 1785.[6]

Referencies

[editar | editar la fonte]
  1. ↑ URL de la referencia: http://www.gsi.go.jp/KOKUJYOHO/MENCHO-title.htm. Data de consulta: 11 ochobre 2015.
  2. ↑ 2,0 2,1 «青ヶ島について | 青ヶ島村ホームページ» (japonés). www.vill.aogashima.tokyo.jp. Consultáu'l 2023-08-08.
  3. ↑ «青ヶ島｜海域火山データベース｜海上保安庁　海洋情報部» (xaponés). www1.kaiho.mlit.go.jp. Consultáu'l 2023-08-08.
  4. ↑ {https://www.gotokyo.org/es/destinations/izu-and-ogasawara-islands/aogashima-island/index.html gotokyo.org/, Paraisu pa ver estrelles(castellán)}
  5. ↑ Jennifer Nalewicki (5 de xunetu de 2016.). «The Sleepy Japanese Town Built Inside an Active Volcano» (inglés).
  6. ↑ Bureau, Tokyo Convention & Visitors. «Isla d'Aogashima» (castellanu). Consultáu'l 2021-09-04.

Enllaces esternos

[editar | editar la fonte]