Jamey Sheridan

Jamey Sheridan
Vida
Nacimientu	Pasadena, 12 de xunetu de 1951[1] (73 años)
Nacionalidá	Estaos Xuníos
Residencia	Los Angeles
Llingua materna	inglés
Estudios
Llingües falaes	inglés
Oficiu	actor, actor de teatru, actor de televisión, actor de cine
Nominaciones	ver Premiu Tony al meyor actor de repartu nuna obra de teatru (1987)
IMDb	nm0792177

Jamey Sheridan (12 de xunetu de 1951, Pasadena) ye un actor d'Estaos Xuníos.

Tuvo una bona carrera nel teatru, cine y televisión. Nació nuna familia d'actores, faciéndose fácilmente pasu en Broadway. En 1987 participó na obra d'Arthur Miller, All My Sons. Dempués de munches apaiciones en películes, realizó'l papel del abogáu Jack Shannon en Shannon's Deal, que tan solo duró una temporada.

Ente los sos roles de televisión, son destacables los qu'ocupó nes series de televisión Chicago Hope (1995-1996) como'l Dr. John Sutton y en Law & Order: Criminal Intent (2001-2006) como'l Capitán James Deakins.

La so carrera nel cine empezó nos años '80 con pequeños personaxes, y nos años '90, él realizó'l papel d'un "home de familia", un rol que siguió nel cine y la televisión. Tamién ye capaz d'interpretar a villanos, como lo fixo na adautación de la obra de Stephen King Apocalipsis na qu'interpreta a Randall Flagg.

Otros papeles interesantes inclúin Marty Stouffer en Wild América y el sicópata vecín en Video Voyeur: The Susan Wilson Story. Nuna llarga historia d'actuaciones n'obres de Shakespeare, apaeció nel escenariu na producción de Campbell Scott en Hamlet nel añu 2000, como nel filme inspiráu por Hamlet, Let the Devil Wear Black nel añu 1999.

Referencies

1. Afirmao en: Internet Broadway Database. Identificador de persona d'Internet Broadway Database: 59881. Apaez como: Jamey Sheridan. Data de consulta: 9 ochobre 2017. Llingua de la obra o nome: inglés.

Enllaces esternos

• Jamey Sheridan na Internet Movie Database (n'inglés)