Joey Bishop

Joey Bishop
Vida
Nacimientu Nueva York[1] y The Bronx[2], 3 de febreru de 1918[3]
Nacionalidá Bandera de Estaos Xuníos d'América Estaos Xuníos
Muerte Newport Beach (es) Traducir[2], 17 d'ochobre de 2007[4] (89 años)
Causa de la muerte insuficiencia cardiaca
Familia
Fíos/es Larry Bishop
Oficiu actor, comediante, presentador de talk show, actor de cine, cantante, oficial, escritor, guionista, militar, compositor de cantares, personalidá televisiva
Miembru de Rat Pack
Xéneru artísticu música pop tradicional (es) Traducir
Jazz
swing
pop
Instrumentu musical voz
Serviciu militar
Lluchó en Segunda Guerra Mundial
IMDb nm0084086
Cambiar los datos en Wikidata

Joseph Abraham Gottlieb (3 de febreru de 1918, Nueva York y The Bronx – 17 d'ochobre de 2007, Newport Beach (es) Traducir), más conocíu como Joey Bishop, foi un actor, comediante, presentador de talk show, actor de cine, cantante, oficial, escritor, guionista, militar, compositor de cantares y personalidá televisiva d'Estaos Xuníos. Foi conocíu cómicu mientres los años 1960, cuando los sos shows, tantu nel teatru como na televisión, consiguieron un notable ésitu. Sicasí, la so fama foi efímera, y una década más tarde yá sumiera práuticamente de la primer llinia de la escena pública.

Quiciabes por esta razón, Bishop foi sobremanera recordáu pola so pertenencia al llexendariu grupu d'amigos conocíu como los Rat Pack, lideráu por Frank Sinatra, y qu'incluyía personaxes pernomaos como Dean Martin, Peter Lawford y Sammy Davis, Jr.. Foi precisamente en collaboración con esti grupu con quien consiguió los sos mayores ésitos en diversos espectáculos en Las Vegas, o en filmes como 'Ocean's 11' y 'Sergeant 3'.

En 1960 foi'l maestru de ceremonies de la fiesta de celebración de la victoria presidencial de John F. Kennedy, tamién íntimu amigu de Sinatra. Bishop conociera al célebre cantante a mediaos de los años 1950, cuando ésti propúnxo-y participar nel so espectáculu nel club Riviera. Foi según Bishop pasó a ser conocíu como'l cómicu de Sinatra. Magar tou, tuvo de cutiu la sensación que nun yera consideráu un verdaderu miembru de los Rat Pack, sinón más bien namái la so mascota.

Nació nel barriu neoyorquín del Bronx, foi'l quintu fíu d'una familia d'inmigrantes xudíos procedentes d'Europa del Este, Jacob y Anna, cuando namái tenía tres meses, los sos padres decidieron treslladase a Filadelfia. Ellí'l so padre abrió un negociu de bicicletes, que combinaba con diversos trabajillos.

De neñu yá demostró'l so talentu pa la comedia, pos esfrutaba faciendo imitaciones d'Edward G. Robinson y Jimmy Durante. Dempués d'abandonar prematuramente l'institutu, formó una compañía musical y de comedia con dos amigos, los 'Bishop brothers'. El grupu consiguió l'ésitu abondu como pa trescender les fronteres de la so ciudá, llegando a actuar n'otres como Nueva York o Chicago.

Los hermanos rompieron al ser llamaos a files tres l'españíu de la II Guerra Mundial. Bishop xubió a sarxentu d'infantería d'un reximientu con base en Houston, Texas. Rematada la guerra, actuó en solitariu en diversos clubes de Nueva York hasta qu'atraxo l'atención de diversos productores televisivos.

En los 60, Bishop consiguió tener el so propiu programa televisivu na citada cadena, 'The Joey Bishop Show', que se convirtió nel espaciu estrella de la emisora en 1961. El show foi atayáu en 1965, pero volvió emitise en 1967, na rival ABC. A pesar d'un bon entamu, nun algamar l'ambiciosu oxetivu de los directivos de la cadena: desbancar al míticu 'Tonight's show' de Johnny Carson. En 1969, la so audiencia cayó en picáu, y foi canceláu. A partir d'entós, les sos apaiciones na televisión seríen esporádiques, y dedicóse namái a actuar en clubes y teatros.

Referencies

[editar | editar la fonte]
  1. ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ 2,0 2,1 Afirmao en: Find a Grave. Identificador Find a Grave: 22289570. Data de consulta: 26 xunu 2021. Llingua de la obra o nome: inglés.
  3. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  4. ↑ URL de la referencia: http://www.cnn.com/2007/SHOWBIZ/Movies/10/18/obit.bishop/index.html.

Enllaces esternos

[editar | editar la fonte]