Josep Carles Laínez

Josep Carles Laínez
Vida
Nacimientu	Valencia, 1970[1] (54/55 años)
Nacionalidá	España
Estudios
Llingües falaes	catalán castellanu aragonés
Oficiu	escritor

Josep Carles Laínez (1970, Valencia) ye un escritor, dramaturgu y articulista español n'aragonés, catalán, castellanu y asturianu.

Ye llicenciáu en Filoloxía Valenciana, Española y en Comunicación Audiovisual pola Universidá de Valencia.

La so creación n'asturianu

Josep Carles Laínez escribe n'asturianu dende l'añu 1991, cuando completó'l so primer llibru, Escosu deliriu (güei perdíu). L'añu 1997, algamó'l Premiu de Teatru de l'Academia de la Llingua Asturiana cola obra Elsa metálico^[2] (Uviéu, ALLA, 1998) y en 2000 entamó la so collaboración col selmanariu Les Noticies. Dalgunes de les sos columnes asturianes conocieron tornes al español (Ene marginalia, Madrid, Endymion, 2003) y al estonianu (na revista Akadeemia, 2004). Tien traducíos poemes de Sandro Penna, Vicent Andrés Estellés, Robert Roc, Jüri Talvet y Rosa María Rodríguez Magda a la nuesa llingua. En 2004 espublizó la torna d'una coleición de haiku col títulu de Caballinos del diañu, lluciérnagues y caparines, en collaboración con Abdelmumin Aya, y dos años depués el poemariu Lenta lletanía del cuerpu nel hedreru (Uviéu, ALLA, 2005).

Llibros n'asturianu

• Elsa metálico, Uviéu: Academia de la Llingua Asturiana, 1998. ISBN 84-8168-149-0.
• Caballinos del diañu, lluciérnagues y caparines, Uviéu: Ámbitu, 2004. En collaboración con Abdelmumin Aya.
• Lenta lletanía del cuerpu nel hedreru, Uviéu: Academia de la Llingua Asturiana, 2005. ISBN 84-8168-378-7
• La muerte del padre, Valencia: Llambert Palmart, 2009. Dietariu con delles entraes n'asturianu. ISBN 978-84-96360-08-2

Testos en llibros coleutivos

• "Hacia una topografía del silenciu. El cine de Ramón Lluís Bande", en VVAA, Filmar la mirada, Mieres: Ayuntamientu de Mieres, 2001.
• "L’espaciu como conceptu temporal. Una reflesión sobre L’aire les castañes", en VVAA, Filmar la mirada, Mieres: Ayuntamientu de Mieres, 2001.
• "My Own Private Keanu", en PIQUERO, José Luis (ed.), Antoloxía del cuentu eróticu (2004). ISBN 84-95640-74-0.

Tornes del asturianu

• ÁLVAREZ, Lluís X., Poesía asturiana completa, Valencia: Llambert Palmart, 2009. Edición y torna. ISBN 978-84-96360-02-0

Referencies

1. Afirmao en: datos.bne.es. Data de consulta: 9 ochobre 2017. Apaez como: José Carlos Laínez. Identificador BNE: XX836192. Llingua de la obra o nome: castellanu.
2. https://books.google.com/books?id=5SfBP4PxU8wC&pg=PP1&dq=%22Josep+Carles+La%C3%ADnez%22+-inpublisher:icon&as_brr=0&ei=_3jQSoTmBJeIyQSohL3eDQ&hl=es#v=onepage&q=&f=true

Enllaces esternos

• GANCEDO, E., "Si la lengua asturleonesa muere, no digan que fue por nosotros", entrevista a Josep Carles Laínez, en Diario de León (20 de mayu de 2005).
• Pallabres perdíes pa Dánae L.