José Iscano | |
---|---|
Vida | |
Nacimientu | Exeter, sieglu de XII |
Nacionalidá | Reinu Xuníu |
Muerte | 1210[1] |
Estudios | |
Llingües falaes |
llatín inglés[2] |
Oficiu | poeta, escritor |
José Iscano (en llatín Iosephus Iscanus), tamién conocíu como José de Exeter (sieglu de XII, Exeter – circa 1210) foi un poeta llatín del sieglu XII natural d'Exeter (Inglaterra). Sobre 1180 coló a estudiar a Gelderland, onde empecipió una llarga amistá con Gerardo, quien más tarde se convertiría n'abá de Florennes. Dalguna de la so correspondencia inda se caltién.
El so poema más famosu ye De bellu troiano (‘sobre la Guerra de Troya'), en seis llibros, escritu na so mayor parte enantes de 1183, pero que se terminó pasáu 1184. Cuando'l so amigu Balduino, arzobispu de Canterbury, partió a Tierra Santa na Tercer Cruzada, convenció a José por que lu acompañara. Tres la muerte de Balduino en 1190, José volvió a casa. Inmortalizó la cruzada nel so poema Antiocheis, del que namái se caltienen fragmentos. Dellos otros poemes, yá perdíos, fuéron-y atribuyíos, pero nun hai forma de saber si fueron realmente obra so.