João Gilberto

João Gilberto
Vida
Nacimientu	Juazeiro ^(es) , 10 de xunu de 1931[1]
Nacionalidá	Brasil
Residencia	Rio de Janeiro
Muerte	Rio de Janeiro, 6 de xunetu de 2019[2] (88 años)
Sepultura	Niterói
Familia
Casáu con	Astrud Gilberto (1960 – 1964) Miúcha (1965 – 1971)
Fíos/es	Bebel Gilberto João Marcelo Gilberto ^(en) Louiza karolina Gkilberto ^(en)
Familia	ver Sofia Gilberto ^(es) (nieta)
Estudios
Llingües falaes	portugués[3]
Oficiu	cantante, guitarrista, compositor de cantares, músicu de jazz, guitarrista de jazz, artista d'estudiu
Trabayos destacaos	Chega de Saudade
Premios	ver premio Grammy al álbum del año  (1965) : Getz/Gilberto International Latin Music Hall of Fame  (2001) premio Grammy al mejor álbum de world music  (2001) : João Voz e Violão Orde del Méritu Cultural  (2005) doctor honoris causa pola Universidá de Columbia  (2017) [4]
Nominaciones	ver Grammy Llatín al Meyor Álbum de Música Popular Brasilana (2005): In Tokyo ^(en)
Seudónimos	João Gilberto
Xéneru artísticu	Bossa nova samba indie pop ^(es)
Instrumentu musical	guitarra voz bajo ^(es)
Discográfica	Warner Music Group
IMDb	nm0318291
joaogilberto.com

João Gilberto Prado Pereira de Oliveira (10 de xunu de 1931, Juazeiro ^(es)  – 6 de xunetu de 2019, Rio de Janeiro) ye un músicu y cantante brasilanu, consideráu xunto con Antônio Carlos Jobim como unu de los creadores de la bossa-nova.

Biografía

Aprendió a tocar la guitarra de manera autodidacta. Nel añu 1950, emigró a la ciudá de Rio de Janeiro, onde tuvo dalgún ésitu cantando na banda Garotos da Lua. Dempués de ser espulsáu de la banda por rebeldía, pasó dellos años ensin trabayu, pero cola idea aporfiante de crear una nueva forma d'espresión musical cola guitarra.

El so esfuerciu finalmente dio resultáu en conociendo a Tom Jobim ―pianista y compositor con educación clásica que tamién gustaba del jazz estauxunidense―, col qu'empieza a maurecer l'estilu que se conoció como Bossa nova.

La bossa nova (nueva fola) yera una destilación del ritmu de percusión y sincopáu del samba, nuna forma simplificada que podía tocase con una guitarra ensin acompañamientu. Atribúyese a João Gilberto la creación d'esti xéneru. Tamién introdució una nueva forma de cantar, a baxu volume.

Bossa nova - tempo 80 a 160

En 1958 presentóse'l discu Canção do Amor Demais de la cantante Elizeth Cardoso, qu'incluyía composiciones de Jobim con lletres de Vinicius de Moraes. Pocu tiempu dempués João Gilberto grabó'l so primer discu, llamáu Chega de Saudade. El cantar que-y da títulu al discu de Gilberto tamién taba nel álbum de Cardoso y foi un ésitu en Brasil. Esta obra llanzó la carrera musical de João Gilberto, y tamién el movimientu musical Bossa Nova. Amás de delles composiciones de Tom Jobim, el discu contenía dellos sambas y cantares populares de los años 30 pero iguaes col distintivu estilu de la bossa nova.

Ritmu básicu de bossa nova pa guitarra

En 1960 y 1961, Gilberto llanzó dos discos más que conteníen cantares compuestos por una nueva xeneración de cantantes y compositores.

Alredor de 1962 la bossa-nova yá fuera asimilada por músicos de jazz estauxunidenses como Stan Getz. Esti postreru convidó a João Gilberto y Tom Jobim en 1963 por que collaboraren no qu'acabó convirtiéndose n'unu de los discos de fusión bossa-nova/jazz más aclamaos pola crítica y más vendíos de la hestoria. Getz/Gilberto foi llanzáu en marzu de 1964 y llogró el Grammy en 1965. D'esti trabayu destaca la composición de Jobim/de Moraes «Garota de Ipanema» («Rapaza d'Ipanema»; na so versión inglesa, «The Girl from Ipanema»), que se convirtió nun cantar clásicu del pop internacional y llevó a la fama a la cantante Astrud Gilberto, entós daquella esposa de João Gilberto.

En 1968 ―cuando João Gilberto taba morando en Méxicu― llanzó'l discu Ela é carioca. El discu João Gilberto, llanzáu en 1973, representa un cambéu dende la creación de la bossa nova. En 1976 foi llanzáu The Best of Two Worlds, cola participación de Stan Getz y de la cantante brasilana Miúcha (Heloísa Maria Buarque de Hollanda), hermana de Chico Buarque, que se convirtiera n'esposa de João Gilberto n'abril de 1965. El discu Amoroso (1977) tuvo arreglos del músicu Claus Ogerman.

Nel discu de 1981, Brasil, João Gilberto trabayó con Gilberto Gil, Caetano Veloso y María Bethania, que, a finales de los 60, crearen el movimientu Tropicalismo basándose na bossa nova y fundiéndola con elementos del rock. En 1991 llanzó João, un discu particular por non cuntar con nenguna composición de Tom Jobim y, nel so llugar, utilizar cantares de Caetano, Cole Porter y composiciones n'español. El trabayu João Voz Y Violão, llanzáu en 2000, marcó una vuelta a los clásicos de la bossa-nova y tuvo la producción musical de Caetano Veloso.

Tamién tien álbumes en vivu, como Live in Montreux, Prado Pereira de Oliveira, Live at Umbria Jazz, In Tokyo.

Referencies

1. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
2. «Morre João Gilberto, pai da bossa nova e lenda da música brasileira, aos 88 anos». O Globo.
3. Identificador CONOR.SI: 20119907. Afirmao en: CONOR.SI.
4. «João Gilberto to Receive Honorary Doctorate». Universidá de Columbia.

Enllaces esternos

• Wikimedia Commons acueye conteníu multimedia sobre João Gilberto.
  • Páxina web oficial
• João Gilberto na Internet Movie Database (n'inglés)
• João Gilberto en Twitter