Lenka Šarounová

Lenka Šarounová
Vida
Nacimientu Dobřichovice (es) Traducir[1], 26 de xunetu de 1973[1] (51 años)
Nacionalidá Bandera de Chequia Chequia
Residencia Chequia
Familia
Padre Jaroslav Šaroun
Estudios
Estudios Universidá Carolina de Praga
Llingües falaes checu
Oficiu astrónoma, descubridora d'asteroides
Emplegadores Astronomical Institute of Czech Academy of Sciences (en) Traducir
Observatorio de Ondřejov (es) Traducir
Cambiar los datos en Wikidata

Lenka Kotková, (26 de xunetu de 1973, Dobřichovice (es) Traducir), nacida Šarounová ye una astrónoma checa.

Ye una prolífica descubridora d'asteroides. Trabaya nel Observatoriu de Ondřejov, asitiáu cerca de Praga.[2] Amás de numberosos asteroides del cinturón principal, tamién afayó l'asteroide d'órbita marciana (9671) Hemera[3] y el del grupu de Hilda (21804) Václavneumann.[4]

Estudió meteoroloxía na Facultá de Matemátiques y Física de la Universidá Carolina de Praga. Les sos xeres nel Institutu Astronómicu AV ČR en Ondřejov son principalmente'l desenvolvimientu de bases de datos, la observación espectroscópica y fotométrica y el procesamientu de datos. Mientres el so trabayu nel departamentu de materia interplanetario'l so llabor principal yera la observación d'asteroides cercanos a la Tierra, xunto con Petr Pravec y Peter Kušnirák identificó una gran proporción de los asteroides binarios conocíos. Na mesma dómina afayó o codescubrió más de cien asteroides. Na actualidá Šarounová trabaya como observadora nel departamentu estelar con un telescopiu de dos metros en Ondřejov.

Nel añu 2000 recibió'l Premiu Kviz Zdeněk de la Sociedá Astronómica Checa por un importante trabayu na investigación de les estrelles variables.

L'asteroide (10390) Lenka, afayáu polos sos colegues Petr Pravec y Marek Wolf en 1997, lleva esi nome nel so honor.[2] L'asteroide (60001) Adélka, afayáu por ella en 1999, lleva'l nome de la so fía,[5] y el (7897) Bohuška, afayáu por ella en 1995, lleva'l nome de la so madre, Bohumila Šarounová.[6][7]

Referencies

[editar | editar la fonte]
  1. ↑ 1,0 1,1 Afirmao en: Prabook. Identificador de Prabook: 2154044. Data de consulta: 17 marzu 2022. Llingua de la obra o nome: inglés.
  2. ↑ 2,0 2,1 «10390 Lenka (1997 QD1)» (inglés). JPL Small-Body Database Browser. Jet Propulsion Laboratory. Consultáu'l 23 d'abril de 2015.
  3. ↑ «9671 Hemera (1997 EL TO9)» (inglés). JPL Small-Body Database Browser. Jet Propulsion Laboratory. Consultáu'l 23 d'abril de 2015.
  4. ↑ «21804 Vaclavneumann (1999 TC8)» (inglés). JPL Small-Body Database Browser Search. Jet Propulsion Laboratory. Consultáu'l 23 d'abril de 2015.
  5. ↑ «60001 Adelka (1999 TG5)» (inglés). JPL Small-Body Database Browser Search. Jet Propulsion Laboratory. Consultáu'l 23 d'abril de 2015.
  6. ↑ Lutz D. Schmadel (2007). Dictionary of Minor Planet Names (n'inglés). Springer Berlin Heidelberg, páx. 621. ISBN 978-3-540-00238-3.
  7. ↑ «7897 Bohuska (1995 EL1)» (inglés). JPL Small-Body Database Browser Search. Jet Propulsion Laboratory. Consultáu'l 23 d'abril de 2015.