Llagu Moraine

Llagu Moraine
Moraine Lake
Llocalización alministrativa
División  Canadá
Xeografía
Afluentes Glaciar Fay y regueru Larch
Efluentes Regueru Moraine
Tipu Llagu de montaña
Superficie 0,5 km²
Fondura max. 14 m
Mapa

El llagu Moraine ye un llagu de monte alcontráu nel Parque Nacional Banff, en Alberta, Canadá. Más concretamente, atópase nel valle de los Diez Picos (n'inglés: Valley of the Ten Peaks), a unos 14 quilómetros de distancia de la llocalidá de Llagu Louise y a una altitú d'unos 1884 metros sobre'l nivel del mar. Moraine quier dicir morrena n'inglés.

El llagu Moraine, con una superficie total de mediu quilómetru cuadráu, ye alimentáu gracies a un glaciar. Por tanto, algama'l so nivel máximu mientres la segunda metá del mes de xunu. El so llamativu color azul, carauterísticu de los llagos de la zona de la Carretera de los campos de xelu (Icefields Parkway), provién de la refraición de la lluz pola mor del polvu de roca depositáu dende los montes.

Turismu

[editar | editar la fonte]
Lago Consolación

Alredor del llagu esisten delles rutes de senderismo que dacuando s'atopense cerraes por cuenta de los osos grizzly. L'axencia del gobiernu canadiense Parks Canada, ocupada de la preservación del medioambiente, da información sobre l'estáu de los caminos y de les restricciones de camín.[1]

La sienda más fácil ye tamién la más frecuentada por turistes. La ruta Rockpile tien unos 300 metros de llargor y un desnivel de tan solo 24 metros. La vista del llagu dende lo alto de les roques ye una de les más fotografiaes de Canadá.[2] Esa vista tamién ye conocida como la Twenty Dollar View, la "Vista de los venti dólares", yá que apaeció nel aviesu de los billetes de venti dólares canadienses de 1969 y 1979.[3][4]

Otres de les rutes son la de los lago Consolación, la Moraine Lake Lakeshore Trail (ruta de la vera del llagu), Llagu Eiffel, Pasu Wenkchemna, Valle Larch y Pasu Sentinel.[5]

Esguilada

[editar | editar la fonte]

Puede llegase hasta'l Abellugu Neil Hogan ("Neil Colgan Hut") nun tiempu d'ente ocho y doce hores d'esguilada pela Ruta Perren[6] dende'l llagu Moraine.

Apaiciones

[editar | editar la fonte]

La imaxe del llagu Moraine apaez en munchos llugares, incluyendo:

  • Nel aviesu de los billetes de venti dólares canadienses de 1969 y 1979.[3]
  • Nuna de les imáxenes de vista previa principales del sistema operativu Android.
  • Bernard Callebaut anuncios impresos.
  • N'unu de los fondos disponibles nel Blackberry Pearl.
  • N'unu de los fondos disponibles nel Palm Pre.
  • N'unu de los fondos de Windows 7 de la serie "Canada".
  • N'unu de los fondos de Windows 7 de la serie "Winter".
  • Como la páxina d'entamu de Bing del 13 d'ochobre de 2009.

Referencies

[editar | editar la fonte]
  1. ↑ Parks Canada; Condiciones y restricciones de les rutes
  2. ↑ Ellis, Cathy - Ruta Rockpile nel llagu Moraine (28 d'agostu de 2008)
  3. ↑ 3,0 3,1 Bank of Canada, Bancu de Canadá - 1969-1979 El llagu Moraine nos billetes de venti dólares
  4. ↑ Weddell, Peggy - Banff: A Rocky Mountain Treasure - Banff: una ayalga de los Montes Rocosos Archiváu 2011-08-07 en Wayback Machine - Legion Magacín, 1 de xineru de 1997
  5. ↑ Gemtrek Archiváu 2009-02-02 en Wayback Machine - Mapa de Llagu Louise y Yoho
  6. ↑ «Ruta Perren.» Summit Post.

Enllaces esternos

[editar | editar la fonte]