Llingües jicaque-tol | ||
---|---|---|
Distribución xeográfica | Francisco Morazán, Yoro (enantes Cortés) | |
Países | Hondures | |
Falantes | ~350 (1997)[1] | |
Filiación xenética | L. jicaque-tol | |
Subdivisiones |
Jicaque oriental (Tol) Jicaque occidental | |
Códigu Glottolog | jica1245 | |
Ver tamién Idioma - Families - Clasificación de llingües | ||
[editar datos en Wikidata] |
Les llingües jicaque-tol formen una familia de llingües indíxenes falaes n'Hondures polos tolupanes y enantes tamién polos jicaques d'El Palmar.
La familia jicaque-tol ta formada por siquier dos llingües documentaes el jicaque occidental o jicaque d'El Palmar, anguaño estinguíu y conocíu namái por un vocabulariu curtiu publicáu por Membreño nel sieglu XIX[2] y reeditáu por Lehmann a principios del sieglu XX,[3] la otra llingua'l jicaque oriental o jicaque del Monte de la Flor, tamién llamáu tol o tolupán, ye faláu entá por unos pocos centenar de persones cerca d'Orica (Hondures) y dellos vieyos nel departamentu de Yoro. Les dos llingües jicaque anque emparentaes guarden una cierta distancia, les estimaciones glotocronológicas dan ente 10 y 16 sieglos de separación.
Estes llingües jicaque-tol tán emparentaes coles llingües tequistlateques falaes nel estáu mexicanu d'Oaxaca formando la familia tequistlateco-jicaque.[4] Tamién se conxeturó bien especulativamente nesti últimu grupu podría tar rellacionáu coles llingües hokanas de Norteamérica.[5]
L'inventariu fonolóxicu del proto-jicaque foi reconstruyíu por L. Campbell y Oltrogge:[6][7]
Llabial | Alveolar | Palatal | Velar | Glotal | ||
---|---|---|---|---|---|---|
[- cont] | simple | *p | *t, *c | *k | *ʔ | |
apirada | *pʰ | *tʰ, *cʰ | *kʰ | |||
glotaliz. | *pʼ | *tʼ, *cʼ | *kʼ | |||
nasal | *m | *n | ||||
[+ cont] | fricativa | (*β) | *s | *h | ||
aproximante | *w | *y |
Los signos /c, c', ch/ son notaciones usaes convencionalmente polos americanistes para /ʦ, ʦʔ, ʦh/. Les vocales reconstruyíes polos mimu autores inclúin amás de /*i, *y, *a, *o, *o/ la vocal zarrada central /*ɨ/.
Dalgunes correspondencies fonétiques regulares ente'l jicaque oriental y l'occidental son les siguientes:
Proto-JT | Jicaque Oc. | Jicaque Or. (Tolupán) |
---|---|---|
*-p | -k | -p |
*-k | -k | -k |
*l- | d- | l- |
*-l | -n | -l |
*-m | -n | -m |
*k'- | k- | Ø |
*-k'- | -g- | -ʔ- |
*(-)ʦ'- | (-)ʧ- | (-)ʦ'- |
*ʦh | ʃ | ʦh |
*-ʦ- | -ʧ- | -s- |
*s- | ʧ- | s- |
*-s | Ø | -s |