Marcial Pina

Marcial Pina
Vida
Nacimientu	Bárzana, 23 d'agostu de 1946[1] (78 años)
Nacionalidá	España
Estudios
Llingües falaes	castellanu
Oficiu
Oficiu	futbolista, entrenador de fútbol
Trayeutoria   Equipu 1977–1980 Club Atlético de Madrid 63 (12) 1969–1977 Futbol Club Barcelona 210 (47) 1966–1969 Reial Club Deportiu Espanyol 58 (15) 1964–1966 Elche Club de Fútbol 48 (5) 1963–1964 Elche Club de Fútbol Ilicitano ^(es)   Seleición nacional 1967–1970   seleición masculina de fútbol sub-23 d'España 4 (0) 1966–1975   seleición masculina de fútbol d'España 15 (0) –   seleición masculina de fútbol de Cataluña
Posición o especialidá	centrocampista
Altor	1,8 m

Marcial Manuel Pina Morales (23 d'agostu de 1946, Bárzana), conocíu como Marcial, ye un ex-futbolista asturianu. Xugaba de mediocampista y el so primer equipu foi l'Elche Club de Fútbol, anque los sos mayores ésitos algamólos col F.C. Barcelona.

Trayeutoria

Debutó en Primer División nes files del Elche C. F. a la edá de dieciocho años. En 1966 fichó pol R. C. D. Español en tornando ufiertes del Inter de Milán, el Real Madrid C. F. y el F. C. Barcelona. Esi mesmu añu debutó cola seleición española.^[2]

En 1969, tres el descensu del club pericu a la Segunda División, fichó pol Barcelona, onde xugó ocho temporaes nes que llegó a apostar 357 partíos oficiales y anotó ochenta y cuatro goles.^[3] Na temporada 1973/74 foi'l segundu máximu goliador de la Lliga con diecisiete tantos, superáu por Quini, con venti. En 1977 foi estremáu del club azulgrana por una salida nocherniega xunto a Carles Rexach. Esa temporada fichó pol Club Atlético de Madrid, equipu nel que se retiró en 1980.

Tien l'interesáu récor de ser l'únicu xugador que marcó goles al Real Madrid con cuatro equipos distintos,^[4] amás de ser l'únicu xugador de primer División que consiguió un gol de llanzamientu direutu con cada pierna nel mesmu partíu, col Atlético de Madrid frente al Barcelona.

Seleición nacional

Foi internacional cola seleición española en quince causes. El so debú como internacional tuvo llugar el 23 d'ochobre de 1966 nel partíu Irlanda 0-0 España.

Clubes

Club	País	Añu
Elche C. F.	España	1964-1966
R. C. D. Español	España	1966-1969
F. C. Barcelona	España	1969-1977
Club Atlético de Madrid	España	1977-1980

Palmarés

Campeonatos nacionales

Títulu	Club	País	Añu
Copa del Rei	F. C. Barcelona	España	1971
Lliga española	F. C. Barcelona	España	1974

Copes internacionales

Títulu	Club	País	Añu
Copa de campeones de Feries	F. C. Barcelona	España	1971

Referencies

1. Afirmao en: transfermarkt.com. Identificador Transfermarkt d'un futbolista: 297730. Apaez como: Marcial Pina. Data de consulta: 9 ochobre 2017. Llingua de la obra o nome: distintes llingües.
2. «Marcial». Archiváu dende l'orixinal, el 22 d'avientu de 2009. Consultáu'l 29 de marzu de 2009.
3. «Marcial Pina». Archiváu dende l'orixinal, el 23 de marzu de 2009. Consultáu'l 29 de marzu de 2009.
4. «real.html El récor de Marcial Pina frente al Real Madrid». Consultáu'l 29 de marzu de 2009.