Mary Carver

Mary Carver
Vida
Nacimientu Los Angeles, 3 de mayu de 1924[1]
Nacionalidá Bandera de Estaos Xuníos d'América Estaos Xuníos
Muerte Woodland Hills, 18 d'ochobre de 2013[1] (89 años)
Causa de la muerte enfermedá
Familia
Casada con Joseph Sargent
Oficiu actriz de teatru, actriz de cine, actriz de televisión
Emplegadores Universidá del Sur de California
IMDb nm0142571
Cambiar los datos en Wikidata

Mary Carver (3 de mayu de 1924, Los Angeles – 18 d'ochobre de 2013, Woodland Hills) foi una actriz teatral, cinematográfica y televisiva d'Estaos Xuníos, con una carrera que s'enllargó a lo llargo de más de sesenta años.[2][3] Fízose sobremanera conocida pol so papel de la matriarca Cecilia Simon na serie televisiva de la CBS Simon & Simon, que protagonizaben Gerald McRaney y Jameson Parker interpretando a dos hermanos detectives. Carver actuó en 153 episodios de Simon & Simon ente 1981 y 1989, a lo llargo d'ocho temporaes.[2] Amás d'actuar, Carver dio clases nel departamentu de teatru de la Universidá del Sur de California.[2]

Biografía

[editar | editar la fonte]

El so verdaderu nome yera Mary Carvellas, y nació en Los Angeles, California, siendo los sos padres John Carvellas y Carmen Delmar.[4]

Como actriz teatral, Carver intervieno nel circuitu de Broadway na producción Out West of Eighth en 1951, en The Shadow Box en 1977, y en Fifth of July nos años 1980.[2]

Ente los llargumetraxes nos qu'actuó figuren From Here to Eternity (1953), Pay or Die (1960), Nunca te prometí un xardín de roses (1977), Protocol (1984), Best Seller (1987), Aracnofobia (1990), y Safe (1995).[2]

Carver trabayó tamién en numberoses producciones televisives, ente elles Simon & Simon, The Donna Reed Show, ER, The Guardian, Gunsmoke, Lou Grant, Lux Video Theatre, The Man from UNCLE, Mannix, Mary Hartman, Mary Hartman, McCloud, Quincy, M.E., The Rockford Files, Star Trek: Enterprise, y The Twilight Zone.[2][3]

Mary Carver finó na so casa en Woodland Hills, California, en 2013, a los 89 años d'edá.[2][3][4] Sobreviviéron-y el so dos fíos, Athena y Lia Sargent, esta postrera una destacada actriz de voz.[2]

Seleición de la so filmografía

[editar | editar la fonte]

Actuaciones teatrales en Broadway

[editar | editar la fonte]
  • 1951: Out West of Eighth
  • 1977: The Shadow Box
  • 1980–1982: Fifth of July

Referencies

[editar | editar la fonte]
  1. ↑ 1,0 1,1 Afirmao en: Internet Movie Database. Identificador IMDb: nm0142571. Data de consulta: 11 xineru 2016. Llingua de la obra o nome: inglés.
  2. ↑ 2,0 2,1 2,2 2,3 2,4 2,5 2,6 2,7 Barnes, Mike (27 d'ochobre de 2013). «'Simon & Simon' Star Mary Carver Dies at 89». The Hollywood Reporter. http://www.hollywoodreporter.com/news/simon-simon-star-mary-carver-dies-651130. Consultáu'l 13 de payares de 2013. 
  3. ↑ 3,0 3,1 3,2 «Mary Carver». Academia d'Artes y Ciencies de la Televisión. 27 d'ochobre de 2013. http://www.emmys.com/bios/mary-carver. Consultáu'l 13 de payares de 2013. 
  4. ↑ 4,0 4,1 «Mary Carver obituary». Los Angeles Times. 27 d'ochobre de 2013. http://www.legacy.com/obituaries/latimes/obituary.aspx?page=lifestory&pid=167708055. Consultáu'l 13 de payares de 2013. 

Enllaces esternos

[editar | editar la fonte]