Matilde I de Boulogne

Matilde I de Boulogne
reina consorte
Vida
Nacimientu	Boulogne-sur-Mer, circa 1105
Nacionalidá	Reinu d'Inglaterra
Muerte	Hedingham Castle ^(en) , 3 de mayu de 1152 (46/47 años)
Causa de la muerte	fiebre
Familia
Padre	Eustaquio III de Boulogne
Madre	María de Escocia
Casada con	Esteban de Inglaterra ^(es) [1]
Fíos/es	Eustaquio IV de Boulogne ^(es) María de Boulogne ^(es) [1] Guillermo de Boulogne ^(es) [1] Baldwin de Boulogne ^(en) [2] Matilda de Blois ^(en) [2]
Pueblu	House of Flanders ^(en)
Oficiu	política

Matilde I de Boulogne^{[nota 1]} (circa 1105, Boulogne-sur-Mer – 3 de mayu de 1152, Hedingham Castle ^(en) ) foi la única fía d'Eustaquio III de Boulogne, conde de Boulogne y de Lens, y de María d'Escocia.

En 1125 casóse, na abadía de Westminster, con Esteban de Blois, conde de Mortain y sobrín del rei Enrique I d'Inglaterra.^[3] Poco dempués del so matrimoniu, l'abdicación del so padre Eustacio III convirtióla en condesa soberana de Boulogne, gobernando conxuntamente col so maríu.

A la muerte del rei Enrique I en 1135, Esteban llogra proclamase rei, convirtiéndose Matilde en reina d'Inglaterra, brindándo-y al so maríu un pervalible sofitu mientres el periodu conocíu como l'anarquía inglesa que siguió pol enfrentamientu cola desaposiada Matilde, fía del difuntu rei y amás prima de so —les madres de dambes Matildes, Edith y María, yeren fíes del rei Malcolm III d'Escocia—.

En 1150 el so maríu Esteban cesa nel so co-gobiernu del condáu de Bolougne, gobernando Matilde en solitariu hasta 1151, cuando dexa'l condáu al so fíu mayor, Eustacio IV.

Morrió nel castiellu de Hedingham, el 3 de mayu de 1152, a los 47 años d'edá, siendo soterrada na abadía de Faversham.

Notes

1. o Mahaut, Maud.

Referencies

1. Afirmao en: Kindred Britain.
2. Afirmao en: The Peerage. Llingua de la obra o nome: inglés. Autor: Darryl Lundy.
3. Marjorie Chibnall, « Matilda (c.1103–1152)», Oxford Dictionary of National Biography, Oxford University Press, 2004.

Enllaces esternos

• Wikimedia Commons acueye conteníu multimedia sobre Matilde I de Boulogne.
• «Matilde I de Boulogne». en Find a Grave. (n'inglés)