Coordenaes: 6h 43m 55.926s, 25° 7′ 52.051″
Mebsuta ye'l nome de la estrella ε Geminorum (ε Gem / 27 Geminorum).[10] De magnitú aparente +2,98, ye la quinta estrella más brillosa na constelación de Xéminis. El so nome provién de l'antigua tradición árabe onde, xunto a la estrella Mekbuda (ζ Geminorum), formaben les garres d'un lleón. Asina, mientres el nome de Mekbuda provién d'una frase referente a la garra zarrada, Mebsuta fai referencia a la garra estendida.[11] Melucta y Meboula fueron nomes utilizaos nel pasáu pa designar a Mebsuta.[12]
Mebsuta ye una rara estrella superxigante mariella de tipu espectral G8Ib[10] y 4360 K de temperatura. Con una lluminosidá equivalente a 7600 soles, ye visible a simple vista a pesar de que s'atopa a 900 años lluz de distancia. Ye una estrella muncho más grande que'l Sol, con un diámetru 150 vegaes mayor que'l diámetru solar; dispuesta nel centru del Sistema Solar, la so superficie algamaría la órbita de Venus. D'alcuerdu al so masa, envalorada ente 7 y 9 vegaes la masa solar, Mebsuta tópase xusto na llende p'acabar los sos díes como una nana blanca; si superar va esplotar como una supernova.[11]
Mebsuta tien una compañera visual de novena magnitú dixebrada unos 2 minutos d'arcu, de la que mientres enforma tiempu pensóse que yera una compañera óptica. Sicasí, les sos carauterístiques —ye una estrella evolucionada de tipu K— suxeren una distancia exautamente igual a la de Mebsuta. Per otra parte, considerando que la edá de Mebsuta ye de 50 millones d'años a lo más, nun puede esistir nenguna compañera estelar de masa inferior a Mebsuta pero más evolucionada qu'ella. La compañera reparada probablemente namái transita pola vecindá de Mebsuta.[11]
Como Mebsuta ta cerca de la eclíptica, pue ser despintada pola Lluna y dacuando por dalgún planeta. La postrera tapecimientu tuvo llugar el 8 d'abril de 1976 por Marte.