Mensaxería nel intre

L'Academia de la Llingua Asturiana define mensaxería nel intre como'l «conxuntu de teunoloxíes que son a unviar y recibir mensaxes nel intre ente dellos usuarios, faciendo posible qu'éstos alderiquen ente ellos».^[1]

Los mensaxeros nel intre son un conxuntu de programes qu'usen el protocolu TCP IP que sirven pa unviar y recibir mensaxes instantáneos con otros usuarios coneutaos a Internet u otres redes, arriendes de saber cuando tan disponibles pa falar.

Introducción

La mensaxería nel intre (conocida tamién n'inglés como instant messagging, IM) requier del usu de un veceru informáticu que fai'l serviciu de mensaxería instantáneo y que se diferencia del corréu electrónicu en que les conversaciones fáense en tiempu real. La mayoría de los servicios ufren l'avisu de presencia", indicando cuando'l veceru d'una persona na llista de contautos se coneuta o en qué estáu s'alcuentra, si ta disponible pa tener una charra. Nos primeros programes de mensaxería instantáneo, cada lletra unviábase según s'escribía, y asina les correiciones de les errates tamién se veíen en tiempu real. Esto daba a les conversaciones más la sensación d'una charra telefónica que d'un intercambiu de testu. Nos programes de güei en día, únviase cada fras del testu al finar d'escribila. Arriendes, en dalgunos, tamién hai la posibilidá de dexar mensaxes magar que la otra parte nun tea coneutada, al estilu d'un contestador automáticu. Otra función que tienen munchos servicios ye l'unviu de ficheros.

Ver tamién

Referencies

↑ Fonte: Terminoloxía d'Internet y d'Interfaces pa programes informáticos en llingua asturiana. ISBN 978-84-8168-454-4

[1] Fonte: Terminoloxía d'Internet y d'Interfaces pa programes informáticos en llingua asturiana. ISBN 978-84-8168-454-4

[1]


Tipu	funcionalidá de software, especialidá y campu d'estudiu