Miguel Mariano Gómez

Miguel Mariano Gómez
Presidente de Cuba (es) Traducir

Vida
Nacimientu Sancti Spíritus, 6 d'ochobre de 1889
Nacionalidá Bandera de Cuba Cuba
Muerte L'Habana, 26 d'ochobre de 1950 (61 años)
Familia
Padre José Miguel Gómez
Madre América Arias
Oficiu políticu
Creencies
Relixón catolicismu
Partíu políticu Partido Liberal de Cuba (es) Traducir
Cambiar los datos en Wikidata

Miguel Mariano Gómez y Arias (6 d'ochobre de 1889, Sancti Spíritus – 26 d'ochobre de 1950, L'Habana) foi un políticu cubanu, foi presidente de la República de Cuba mientres siete meses en 1936, fíu del tamién presidente José Miguel Gómez (1909-1913).

En 1926 foi escoyíu Alcalde de L'Habana, fixo oposición a la dictadura del Xeneral Gerardo Machado hasta que tuvo que partir al exiliu en Nueva York. Tornó a Cuba en 1933 dempués de la cayida de Machado y trés años dempués, en 1936, foi electu presidente de la República, cargu nel que duró apenes siete meses, dempués de lo que foi destituyíu.

Miguel Mariano Gómez foi'l primer presidente de la república electu pol votu popular dempués del fin del gobiernu dictatorial de Gerardo Machado el 12 d'agostu de 1933 y tres los gobiernos provisonales de Carlos Manuel de Céspedes y Quesada (1933), Ramón Grau San Martín (1933-1934), Carlos Mendieta (1934-1935) y José A. Barnet (1935-1936).

Gobiernu

[editar | editar la fonte]

Col prestíu ganáu mientres la so alministración como alcalde de L'Habana, onde realizó importantes obres como fueron el "Hospital de Maternidá", el "Hospital Infantil", y la "Escuela José Miguel Gómez", ente otres, empecipió'l so gobiernu cola publicación d'un vastu programa, que tomaba un ensame de midíes de calter económicu, social, cultural y políticu.

Sicasí l'estensu programa de meyores del so gobiernu, nun llogró cuntar con un fuerte sofitu de la opinión pública y tuvo dende casi'l primer momentu una fuerte oposición política, ensin que pudiera cuntar nel congresu con una mayoría que-y dexara realizar el so programa, situación que s'agravó al perder el sofitu d'una parte de los elementos políticos que contribuyeren a la so eleición.

Formándose una fuerte oposición dientro del congresu, formular contra él acusaciones de calter políticu, d'interferir cola facultaes del poder llexislativu, a virtú de lo cual el congresu alcordó la so destitución el 24 d'avientu de 1936.

Fina en L'Habana en 1950.


Predecesor:
José A. Barnet
Presidente de la República de Cuba
1936 - 1936 		Socesor:
Federico Laredo Brú

Ver tamién

[editar | editar la fonte]

José A. Barnet: el so predecesor

Referencies

[editar | editar la fonte]

Enllaces esternos

[editar | editar la fonte]