La monarquía federal ye una federación d'estaos con un solu monarca como presidente de la federación, pero calteniendo los títulos monárquicos, amás de tener un sistema de gobiernu non-monárquicu per parte de los estaos xuníos a la federación.[ensin referencies]
Nos últimos años el Reinu de Bélxica y el Reinu d'España fueron referíos como monarquíes federales, anque nengún ta oficialmente definíu como tal.[1] L'exemplu más popular ye la Commonwealth Británica. Países como Australia y Canadá, tamién son monarquíes federales, que tienen la so autonomía como gobiernu y comparten la so xefa d'estáu, la Reina Sabela II.[2][3] En dambos casos, un Gobernador Xeneral exerz los poderes del monarca a nivel nacional, ente que un Teniente-Gobernador (en Canadá), y un Gobernador (n'Australia) exerz el poder del monarca en cada provincia canadiense y estáu australianu respeutivamente.
Anguaño'l términu puede aplicase en tol sentíu a los Emiratos Árabes Xuníos y Malasia,[4] nos cualos el xefe d'Estáu de la Federación escoyer d'ente los xefes emires o sultanes (respeutivamente) que gobiernen los estaos constituyentes de la federación.