Muhammad Ali

Muhammad Ali
Vida
Nacimientu	Louisville[1], 17 de xineru de 1942[1]
Nacionalidá	Estaos Xuníos [2]
Residencia	Scottsdale Cherry Hill ^(es)
Grupu étnicu	afroamericanu d'Estaos Xuníos
Llingua materna	inglés d'Estaos Xuníos
Muerte	Scottsdale[3], 3 de xunu de 2016[1] (74 años)
Sepultura	Cave Hill Cemetery ^(en) [4]
Causa de la muerte	enfermedad respiratoria ^(es)
Familia
Padre	Cassius Marcellus Clay, Sr.
Madre	Odessa Grady Clay
Casáu con	Sonji Roi (1964 – div. 1966) Khalilah Ali (1967 – div. 1977) Veronica Porche Ali (1977 – div. 1986) Yolanda Williams (1986 – m. 2016)
Fíos/es	Maryum Ali Muhammad Ali Jr. Hana Yasmeen Ali Laila Ali Rasheda Ali ^(en)
Hermanos/es	Rahman Ali
Estudios
Estudios	Santa Monica College ^(es) Central High School ^(en)
Llingües falaes	inglés[5]
Alumnu de	Jhoon Goo Rhee ^(es) George Dillman
Oficiu
Oficiu	boxeador, autobiógrafu, activista, autor
Participante Xuegos Olímpicos de Roma 1960
Altor	191 cm
Premios	ver Premio Arthur Ashe Medaya de La Llibertá de Filadelfia Library of Congress Living Legend [6] Atleta del año por la Prensa Asociada  (1974) Medaya Presidencial de los ciudadanos  (2001) Estrella del Paséu de la Fama de Hollywood  (11 xineru 2002) [7] Otto Hahn Peace Medal  (2005) [8] Medaya Presidencial de la Llibertá  (2005)
Nominaciones	ver premio Grammy al mejor álbum cómico ^(es)  : I Am the Greatest ^(es) [9] Grammy Award for Best Recording for Children ^(en)  : The Adventures of Ali and His Gang vs. Mr. Tooth Decay ^(es) [9]
Discográfica	Columbia Records
Creencies
Relixón	islam
IMDb	nm0000738
ali.com

Muhammad Ali (17 de xineru de 1942, Louisville – 3 de xunu de 2016, Scottsdale), nacíu col nome de Cassius Marcellus Clay Jr. foi un boxeador d'Estaos Xuníos d'América, conocíu como "El Más Grande" y consideráu por munchos como'l meyor de tolos tiempos na categoría de los pesos pesaos. Tamién destacó pol so activismu políticu y la llucha polos derechos civiles. En 1999, foi nomáu "Deportista del Sieglu" pola revista Sports Illustrated.

Entamos

Cuando tenía 12 años, robáron-y la so bicicleta, fechu que denunció a un policía llamáu Joe Elsby Martin (que yera l'entrenador del programa de boxéu de Louisville). Foi Martin el qu'aconseyó a Cassius qu'entamara a pelear. Al otru siguiente, Clay apaeció nel Louisville's Columbia Gym y entamó lleiciones de boxéu con Martin. Baxo la so tutela Clay medró bien ceo nes categoríes inferiores del boxéu.

Clay ganó 6 veces los guantes doraos de Kentucky, y graduóse a pesar de les sos baxes notes. Previendo'l futuru, el direutor anunció nuna ocasión al restu de los profesores de la escuela que Clay dalgún día fadría famosa a la institución. Tiempu depués, el boxeador fadría chancia sobre'l so probe historial académicu al afirmar: "Dixi que yera'l más grande, non el más intelixente".

El profesionalismu

Nos Xuegos Olímpicos de Roma 1960, obtuvo la medaya d'oru na categoría de pesos llixeros. Darréu, pasó al profesionalismu baxo la tutela d'otra llienda del boxéu: Angelo Dundee. Clay algamó bien ceo sonadía pol so estilu pocu ortodoxu pa un pesu pesáu, los sos resultaos espectaculares y la so constante autopromoción. Munches veces recitaba poemes compuestos por él mesmu nos que mencionaba en qué round noquearía al so oponente. Per otru llau, yeren reconocíes les sos allabancies a sí mesmu, con frases como "soi'l más grande" o "soi mozu, guapu, rápidu y naide me pue vencer".

El 29 d'ochobre de 1960, en Louisville, obtuvo la so primera victoria como profesional. Foi por puntos, nuna pelea a 6 rounds enfrentándose a Tunney Hunsaker, que yera'l xefe de policía de Fayetteville (Virxinia Occidental). Ente 1960 y 1963, un Clay mozu algamó un récor de 19-0, incluyendo 15 knockouts. Derrotó a boxeadores del altor de Tony Esperti, Jim Robinson, Donnie Fleeman, Duke Sabedong, Alonzo Johnson, George Logan, Willi Besmanoff y Lamar Clark (que ganara les sos 40 pelees anteriores por knockout).

Ente les victories más notories de Clay nesta dómina, deben resaltase les disputaes con Sonny Banks que consiguió tirar a la lona a Cassius na pelea, Alejandro Lavorante, y Archie Moore (una lleenda del boxéu que tenía nel so haber 200 victories). Estrañamente, mesmo Banks que Lavorante morrieron nel ring en combates posteriores. Cassius tresformóse nel contendiente númberu uno pol títulu que nesi tiempu ostentaba Sonny Liston. Liston yera temíu y respetáu, y práuticamente naide daba al xoven boxeador oportunidaes de derrotar al campeón. Liston non sólo consiguiera la corona al noquear nel primer asaltu a Floyd Patterson, sinón que tamién lu frayó na revancha. Igualmente despachó pela vía rápida a Cleveland Williams, Nino Valdés y Zora Folley. Sin embargu Cassius venciólu en gran forma.

Ali retiróse dafechu en 1981, con una carrera récor de 56 victories (37 por KO) y 5 derrotes.

Muerte

El 3 de xunu de 2016 morrió por problemes respiratorios a la edá de 74 años nun hospital en Phoenix.

Referencies

1. URL de la referencia: http://www.nbcnews.com/news/sports/muhammad-ali-greatest-all-time-dead-74-n584776.
2. URL de la referencia: http://espn.go.com/espn/photos/gallery/_/id/9429041/image/5/cassius-clay-zoom-vintage-bodies.
3. URL de la referencia: http://www.usatoday.com/story/sports/2016/06/04/muhammad-ali-dies-obituary/85357592/.
4. Afirmao en: Find a Grave. Data de consulta: 12 xunu 2024. Llingua de la obra o nome: inglés.
5. Afirmao en: autoridaes BNF. Identificador BnF: 12240256s. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
6. URL de la referencia: https://www.loc.gov/about/awards-and-honors/living-legends/muhammad-ali/.
7. URL de la referencia: https://walkoffame.com/muhammad-ali/.
8. URL de la referencia: https://dgvn.berlin/2017/03/01/verleihung-der-otto-hahn-friedensmedaille/. Data de consulta: 28 abril 2019.
9. Afirmao en: Premios Grammy. Identificador Premios Grammy de artista: cassius-clay/61. Apaez como: Cassius Clay. Data de consulta: 3 ochobre 2024.

Enllaces esternos

• Wikimedia Commons acueye conteníu multimedia sobre Muhammad Ali.