Münster

Münster
flag of Münster (en)	Coats of arms from Münster (en)
Alministración
País	Alemaña
Estáu federáu	Renania del Norte-Westfalia
Government region of North Rhine-Westphalia (en)	Münster (es)
Tipu d'entidá	ciudad de la Liga Hanseática (es)
Cabezaleru/a del gobiernu	Markus Lewe
Nome oficial	Münster (de)
Nome llocal	Münster (de)
Códigu postal	48143–48167
Xeografía
Coordenaes	51°57′45″N 7°37′32″E / 51.9625°N 7.6256°E
	Münster Münster (Alemaña)
Superficie	303.28 km²
Altitú	60 m
Llenda con	Senden, Distrito de Steinfurt (es) , Distrito de Coesfeld (es) , Distrito de Warendorf (es) y Drensteinfurt
Demografía
Población	322 904 hab. (31 avientu 2023)
Porcentaxe	100% de Münster (es)
Densidá	1064,71 hab/km²
Más información
Prefixu telefónicu	0251, 02501, 02506, 02533, 02534 y 02536
Estaya horaria	UTC+01:00 (horariu estándar); UTC+02:00 (horariu de branu)
Llocalidaes hermaniaes	Lublin, Vínnytsia, York, Mühlhausen/Thüringen, Orléans, Kristiansand, Monastir, Rishon LeZion, Fresno, Riazán y Enschede
	stadt-muenster.de

La ciudá de Münster en Westfalia (n'alemán Münster, westfalianu Mönster, llatín Monasterium ye la sede del gobiernu de la Bezirk del mesmu nome nel bundesland de Renania del Norte-Westfalia y del mesmu xeitu ye'l centru de Münsterland. Dende 1815 hasta 1946 Münster foi la capital de l'antigua provincia prusiana de Westfalia. La ciudá afáyase ente Dortmund y Osnabrück nel centru de Münsterland.

Con cerca de 49.000 estudiantes Münster ye una de les mayores ciudaes universitaries d'Alemaña^[1]

Münster ye la sede d'un obispáu católicu. Nel añu 799 fundó'l Papa Lleón III nel so alcuentru con Carlomagno tanto l'obispáu de Münster como les diócesis d'Osnabrück, Minden y Paderborn. Nel añu 805 el santu Ludgerus foi declaráu na catedral de Colonia el primer obispu de Münster. Actualmente desendolca esti cargu Felix Genn.

Münster ye perconocida como la ciudá de les bicicletes y pola ciudá vieya reconstruída tres la Segunda Guerra Mundial.

Xeografía

Clima

Dizse en Münster davezu que "O bien llueve o bien suenen les campanes, y cuando hai les dos coses entós ye domingu". Les precipitaciones son unes 764 mm al añu (Cálculu 1981-2010^[2]), aproximao a la media alemana. La impresión de que Münster sía una ciudá lluviosa surde non pola cantidá absoluta de precipitaciones, sinón pola cantidá de dies al añu que llueve (190) que xeneralmente tienen un nivel baxu de precipitaciones. La temperatura media ye de 9,8 °C con 1580 hores de sol al añu.

Barrios de la ciudá

Centru:

Kernbereich

Norte:

Coerde

Kinderhaus

Sprakel mit Sandrup

Este:

Gelmer

Handorf

St. Mauritz

Oeste:

Albachten

Gievenbeck

Mecklenbeck

Nienberge

Roxel

Stentruper Höhe

Suroeste:

Angelmodde

Gremmendorf

Wolbeck

Hiltrup:

Amelsbüren

Berg Fidel

Hiltrum

Historia

Hai dende el sieglu VI na zona del Domplatz (la catedral) un pequeñu asentamientu saxón nomáu Mimigernaford. Nel añu 793 funda el misioneru Liudger xunto al ríu Aa un monesteriu que-y daría nome a la ciudá que se desendolcaría posteriormente. Nel añu 805 esti monesteriu foi nomáu Obispáu de Münster entamó la construcción de la catedral.

Por mor del espoxigue d'habitantes recibió Münster nel añu 1170 el drechu de ciudá. Nesta dómina fina tamién la construcción de la defensa de la ciudá. Los sos murios teníen aproximao 4 km y foron fortalecíos a mediaos del sieglu XIV. D'aquella Münster yera la ciudá con mayor estensión de Westfalia.

Ente los años 1358 y 1454 Münster foi miembru de la Lliga Hanseática y a partir de 1494 Vorort de la mesma. Nesa dómina apaecen los comercios del Prinzipalmarkt y con ellos les sos cases de comerciu que foron destruyíes na Segunda Guerra Mundial y reconstruyíes más tarde.

Nel añu 1534 entama el dramáticu episodiu de la Rebelión de Münster.

Nel añu 1648 asocede en Münster y Osnabrück un acontecimientu de rango europeu: la Paz de Westfalia ye firmada, cola que fina la Guerra de los trenta años y la Guerra de los ochenta años. Simultáneamente algamó Münster la categoría de ciudá llibre.

Tres la muerte del caberu arzobispu nel añu 1801 la ciudá foi ocupada pol xeneral prusianu Gebhard Leberecht von Blücher. Esta midida foi llexitimada pol acuerdu de Mediatización y Secularización enantes de que les tropes de Napoleón entraran y ocuparan la ciudá en 1806. En 1808 Münster pasa a formar parte del Gran Condáu de Berg.Münster convirtióse na capital del Departamentu de Ems y pasó a formar parte de Francia, concretamente nos Departamentos Hanseáticos como parte del imperiu francés. Nel añu 1813 les tropes prusianes y ruses espulsaron a los franceses y dende la reordenación d'Europa gracies al Congresu de Viena la ciudá perteneció desde'l añu 1815 al reinu de Prusia y xugó'l papel de capital de la recién fundada provincia de Westfalia.

Vista dende la Lambertikirche del Prinzipalmarkt en 1945

Durante'l nacionalsocialismu Münster convirtióse na sede del Gaus "Westfalia-Norte". Na segunda guerra mundial la ciudá foi una de les más destruíes d'Alemaña, al rodiu d'un 91% de la ciudá vieya y un 63% de tola ciudá foron bombardiaos polos británicos.

El 18 de xuñu de 1990 reuniéronse Hans-Dietrich Grenscher y Eduard Schewardnadse nel ayuntamientu de Münster pa preparar el tratáu Dos más cuatro que acabaría na Reunificación alemana.

Relixón

Nel añu 2000 al rodiu del 56% de los habitantes de la ciudá de Münster formaben parte de la ilesia católica romana, un 21% yera evanxélico, 2% pertenecíen a una ilesia llibre evanxélica, un 0,1% xudíos y un 22% non relixosos u otres relixones. Sicasí, nel añu 2012 el 51% de los habitantes yeren católicos romanos, un 19,3% evanxélicos, un 1,5% pertenecíen a una ilesia llibre evanxélica, un 0,1% yeren xudíos y un 27,4% non relixosos o con otra relixón.^[3]

Política

Actualmente nel ayuntamientu de Münster hai la siguiente distribución de conceyales (payares de 2014^[4]):

CDU	SPD	GRÜNE	FDP	DIE LINKE	PIRATEN/ÖDP	Sin fracción	Total
25	19	14	4	4	3	3	72
					PIRATEN 2 ÖDP 1	AfD 1 UWG-MS 1 Sin partíu 1

Referencies

↑ «Archived copy». Archiváu dende l'orixinal, el 2014-03-27.
↑ http://www.dwd.de/bvbw/generator/DWDWWW/Content/Oeffentlichkeit/KU/KU2/KU21/klimadaten/german/nieder__8110__fest__html,templateId=raw,property=publicationFile.html/nieder_8110_fest_html.html
↑ «Archived copy». Archiváu dende l'orixinal, el 2015-04-14.
↑ http://www.stadt-muenster.de/ms/wahlen/ergebnis/wahlen2014/rat/index.html

[1] «Archived copy». Archiváu dende l'orixinal, el 2014-03-27.

[2] ttp://www.dwd.de/bvbw/generator/DWDWWW/Content/Oeffentlichkeit/KU/KU2/KU21/klimadaten/german/nieder__8110__fest__html,templateId=raw,property=publicationFile.html/nieder_8110_fest_html.html

[3] «Archived copy». Archiváu dende l'orixinal, el 2015-04-14.

[4] ttp://www.stadt-muenster.de/ms/wahlen/ergebnis/wahlen2014/rat/index.html

[1]

[2]

[3]

[4]