NGC 6946
| Galaxa de los Fueos Artificiales | ||
|---|---|---|
 | ||
| Datos d'observación (dómina J2000.0) | ||
| Tipu | SAB(rs)cd | |
| Ascensión reuta | 20h 34m 52.3s | |
| Declinación | +60° 09' 14" | |
| Distancia | 10 millones d'al | |
| Magnitú aparente (V) | 9,6 | |
| Tamañu aparente (V) | 11,5' × 9,8' | |
| Constelación | Cepheus y Cygnus | |
| Otres carauterístiques | ||
|
Ocho supernoves reparaes | ||
| Otres designaciones | ||
UGC 11597 / PGC 65001 Arp 29 | ||
| [editar datos en Wikidata] | ||
NGC 6946 ye una galaxa espiral que s'atopa a namái 16 millones d'años lluz de distancia (5.5 megaparsecs según SIMBAD database) na llende de les constelaciones de Cepheus y Cygnus. Apaez vista de frente, siendo la so magnitú aparente 9,6. Afayóse por William Herschel el 9 de setiembre de 1798.
NGC 6946 apaez escurecida por materia interestelar de la Vía Lláctea, yá que ta bastante próxima al planu galácticu. Ocho supernoves reparáronse nesta galaxa: SN 1917A, SN 1939C, SN 1948B, SN 1968D, SN 1969P, SN 1980K, SN 2002hh y SN 2004et. Por ello tamién ye conocida como Galaxa de los Fueos Artificiales.
Sicasí, ye la nacencia d'estrelles na galaxa y non l'apaición de supernoves lo que confier a NGC 6946 la so colorida apariencia. Por cuenta de razones non dafechu entendíes (al paecer, interacciones gravitatories pasaes con otres galaxes y la presencia d'una barra nel so centru), esperimenta un índiz más altu de formación estelar que toles grandes galaxes de la nuesa redolada, y amás non yá ye una de les galaxes de biltu estelar más cercanes -conteniendo por casu un super cúmulu estelar con una masa envalorada n'ente 500 mil y 2 millones de mases solares- sinón tamién una galaxa bien rica en hidróxenu neutro y hidróxenu molecular. La pródiga nacencia d'estrelles eventualmente trai a un mayor númberu d'esplosiones de supernoves.[1]
Al igual que M101, ésta galaxa de bulbu galácticu pequeñu paez escarecer d'un furacu prietu supermasivu nel so centru.
NGC 6946 foi incluyida nel Atles de galaxes peculiares de Halton C. Arp col númberu Arp 29, siendo considerada ellí una galaxa con un brazu espiral bien definíu.
Ver tamién
[editar | editar la fonte]- Llista de galaxes
- Llista d'oxetos NGC
- Galaxa del Molinucu Austral, galaxa similar
Enllaces esternos
[editar | editar la fonte]- Catálogu SEDS
- Molecular Gas Dynamics in NGC6946 (...)
- Molecular gas in NGC 6946
- Structure and Mass of a Young Globular Cluster in NGC 6946
- Non Supermassive Black Holes in Giant Galaxy Disks: M101 and NGC 6946
