Película de cultu

Una película de cultu ye una película qu'atrai a un pequeñu grupu de devotos o aficionaos o aquella que sigue siendo popular col pasu de los años ente un pequeñu grupu de siguidores (o cinéfilos). A vegaes, la película nun algama l'ésitu nel so estrenu, anque nun siempres ye'l casu. Delles vegaes la rempuesta de l'audiencia a una película de cultu ye dalgo estremada a lo que pretendíen los creadores. Ye normal qu'una película de cultu presente elementos inusuales.

Una película algama'l status de ser considerada de cultu por mor de la rellación de l'audiencia cola película. Esto fai que seya abegosu calificar una película como de cultu; un ésitu continuáu ente un conxuntu d'aficionaos al cine munchos años depués del estrenu orixinal de la película ye'l fautor clave d'esta definición.

Munches de les películes de cultu son de terror o ciencia-ficción.

• La película The Rocky Horror Picture Show (qu'amesta elementos de ficción científico, terror, travestismu, incestu y homosesualidá a la vez que, de forma estraordinaria, ye un musical) ye considerada por munchos como la primer película de cultu.

• Un exemplu de como'l cultu difier ente sociedaes ye la devoción pol actor cómicu Norman Wisdom n'Albania demientres los años del rexime comunista d'Enver Hoxha, a la vez que'l so estilu familiar afitó que "de cultu" fuere'l caberu calificativu a aplica-y n'occidente. Curiosamente, él y les sos películes tán adquiriendo la categoría de cultu en Gran Bretaña.

Títulos de delles películes de cultu

• El planeta los simios
• Blade Runner
• Grease
• Ríu Bravu
• A Clockwork Orange
• El clube de la llucha
• Pulp Fiction
• Reservoir Dogs
• Memento
• Clerks
• Donnie Darko
• Mulholland Drive
• Star Wars

Referencies

Enllaces esternos