Peter Pan

Peter Pan
Personaxe de Peter Pan y Wendy (es) Traducir
Universu Peter Pan universe (en) Traducir
Creador/a/es James Matthew Barrie
Información
Sexu masculín
Residencia El país de Nunca Jamás (es) Traducir y Kensington Gardens (es) Traducir
[editar datos en Wikidata]
Portada del llibru orixinal

Peter Pan ye'l nome del personaxe ficticiu creáu pol escritor escocés James Matthew Barrie pa una obra de teatru que se representó en Londres el 27 d'avientu de 1904.

Según el cuentu de Barrie, Peter ye un guaḥe pequeñu que nun quier medrar y que vive xunto a un grupu formáu por neños de la mesma edá qu'elli, y que se llamen los "Guaḥes Perdíos", nel País de Nuncamás, una islla onde s'atopen tanto pirates, mandaos pol Capitán Ganchufierro, como fades y serenes, y onde Peter Pan vive abondes aventures fantástiques demientres tol tiempu.

Inspiración del personaxe

[editar | editar la fonte]

J.M. Barrie creó al personaxe de Peter Pan n'histories que contaba a los fíos de la so amiga Sylvia Llewelyn Davies, cola que tuviera una rellación mui especial.

El nome del personaxe tuvo'l so aniciu a partir de dos términos estremaos:

  • Del nome del fíu menor de Sylvia, llamáu Peter Llewelyn Davies.
  • Del nome del dios griegu de la viesca, Pan.

Tamién se mentó que la inspiración direuta pal personax foi l'hermanu mayor de Barrie, llamáu David, que morrió a la edá de 13 años nun accidente y esto afectó fondamente a la so madre. Según Andrew Birkin (autor de "J. M. Barrie and the Lost Boys"), la muerte de David foi una catástrofe difícil d'asumir y de la qu'ella nunca se recuperó.

J.M.Barrie y el neñu nel que se basó pa crear a Peter Pan

Na adautación fílmica Finding Neverland (Guetando'l País de Nuncamás) ye posible analizar de forma curtia y sintetizada la manera argumental na que l'autor -interpretáu por Johnny Depp-, concluyó na realización del personaxe al traviés de la so rellación sentimental cola familia de Sylvia Llewelyn Davies -interpretada por Kate Winslet -.

Barrie escribió tres obres en total sobro Peter:

  • Peter Pan in Kensington Gardens (Peter Pan nos Xardinos de Kensington)
  • The Boy Who Wouldn't Grow Up (El neñu que nun quería medrar)
  • Peter Pan and Wendy (Peter Pan y Wendy; na traducción al asturianu, simplemente Peter Pan[1])

Referencies

[editar | editar la fonte]
  1. ↑ James M. Barrie, Peter Pan, traducción de Pablo Antón Marín Estrada, Llibros del Pexe, Xixón, 1992, ISBN 84-87259-29-4

Enllaces esternos

[editar | editar la fonte]