Pi1 Gruis

Ficha d'oxetu celestePi1 Gruis
fonte d'infrarroxos[1], Estrella de tipu-G de la secuencia principal, estrella[1] y near-IR source (en) Traducir[1]
Datos d'observación
Ascensión reuta (α) 335,68420162375 °[2]
Declinación (δ) −45,94799754471 °[2]
Distancia a la Tierra 161,661 pc
Magnitú aparente (V) 6,55 (banda V)
Magnitú absoluta 4,3
Constelación Grus (es) Traducir
Parallax 6,1858 mas[2]
Carauterístiques físiques
Radiu 694 Radius solars
Masa 1,5 M☉
Tipu espectral S[4]
Otros nomes
Cambiar los datos en Wikidata

Coordenaes: Sky map 22h 22m 44.208s, -45° 56′ 52.791″

Pi1 Gruis (π1 Gru / 161 Gruis / HD 212087)[5] ye una estrella variable na constelación de Grus, la grulla, de magnitú aparente media +6,14.[5] Comparte la denominación de Bayer «Pi» con π2 Gruis, magar dambes estrelles nun tán físicamente rellacionaes. Pi1 Gruis alcuéntrase a 498 años lluz del Sistema Solar.

Pi1 Gruis ye una estrella de tipu S catalogada como S5,7y.[6] Ye una variable semirregular que'l so rellumu varia ente magnitú +5,4 y +6,7 nun ciclu de 150 díes.[6] Xunto a R Andromedae y R Cygni foi escoyida como unu de los prototipos de la clase espectral S[7] y ye una de les estrelles más brilloses d'esti grupu. Puede tener un tamañu tan grande como 694 radios solares,[8] equivalente a 3,2 UA, siendo la so magnitú absoluta bolométrica -5,75.

D'alcuerdu a la so posición nes diagrames color-color en infrarroxu, Pi1 Gruis entra dientro de la subclase C dientro de les estrelles intrínsecamente S, qu'inclúi a estrelles con una trupa envoltura circumestelar rica en oxíxenu. Coles mesmes, Pi1 Gruis ta clasificada como Y (emisión de silicatu) y SE (emisión de polvu de silicatu ricu n'oxíxenu). Les observaciones d'espectroscopia y interferometría concuerden cola esistencia d'una fina envoltura de polvu alcontrada a una distancia de 14 vegaes el radiu estelar. Con una temperatura de 700 K, taría formada por partícules compuestes por un 70% de silicatu y un 30% d'aluminiu amorfu. Puede esistir una segunda envoltura de H2O+SiO a 1000 K estendiéndose dende la fotosfera de la estrella hasta 4,4 radios estelares.[8]

Pi1 Gruis probablemente forma un sistema binariu con una nana mariella de tipu G0V y magnitú +10,9. Visualmente a 2,71 segundos d'arcu, nun se reparó variación na separación mientres más d'un sieglu.[8]

Referencies

[editar | editar la fonte]
  1. ↑ 1,0 1,1 1,2 Afirmao en: SIMBAD.
  2. ↑ 2,0 2,1 2,2 2,3 «Gaia EDR3» (n'inglés). VizieR Online Data Catalog:  páxs. I/350. 3 avientu 2020. 
  3. ↑ «Catalogue of Stellar Photometry in Johnson's 11-color system» (n'inglés). VizieR Online Data Catalog. 2002. 
  4. ↑ Afirmao en: Catalogue of two dimentional spectral types for the HD stars, Vol. 2. Stated in source according to: SIMBAD. Data d'espublización: 1978.
  5. ↑ 5,0 5,1 Pi1 Gruis (SIMBAD)
  6. ↑ 6,0 6,1 Pi1 Gruis Archiváu 2016-03-03 en Wayback Machine (The Bright Star Catalogue)
  7. ↑ Merrill, P. W. (1922). «Stellar spectra of class S». Astrophysical Journal 56. páxs. 457-482. http://adsabs.harvard.edu/cgi-bin/bib_query?1922ApJ....56..457M. 
  8. ↑ 8,0 8,1 8,2 Sacuto, S.; Jorissen, A.; Cruzalèbes, P.; Chesneau, O.; Ohnaka, K.; Quirrenbach, A.; Lopez, B. (2008). «The close circumstellar environment of the semi-regular S-type star π1 Gruis». Astronomy and Astrophysics 482 (2). páxs. 561-574. http://cdsads.u-strasbg.fr/cgi-bin/nph-bib_query?2008A%26A...482..561S&db_key=AST&nosetcookie=1. 

Coordenaes: Sky map 22h 22m 44.208s, -45° 56′ 52.791″