Plus ultra

Escudu d'España col lema Plus ultra alredor de les columnes d'Hércules.
Lema Plus Ultra nel Conceyu de Sevilla.

Plus ultra (del llatín que significa "más allá") ye una llocución llatina, anguaño lema d'España. Foi adoptáu pol emperador Carlos V como lema personal d'espresión del dinamismu del nuevu imperiu. El lema provién de la influyencia del médicu y conseyeru personal de Carlos I, l'humanista milanés Luigi Marliano,[1] qu'aconseyó al nuevu duque y futuru emperador en 1515, cuando llegó la so mayoría d'edá y foi proclamáu gran maestru de la Orde del Toisón d'Oru, poner dientro del so blasón el lema Plus oultre en francés, que depués se llatinizó en Plus ultra.[2] Esti lema utilizóse p'animar a escaecer l'antigua alvertencia a los navegantes de la mitoloxía griega, según la cual Hércules punxera dos pilastres nel estrechu de Xibraltar, y creíase que yeren les llendes del mundu, la última frontera pa los navegantes del Mediterraneu. Yera el Non Terrae Plus ultra ("nun esiste tierra más allá") en referencia tamién a Finisterre. Esti lema perdió'l so poder simbólicu cuando Cristóbal Colón llegó a América cruciando l'océanu Atlánticu en 1492. De magar, ésti foi'l lema nacional d'España. Nel actual escudu constitucional, el lema ta inscritu alredor a les dos columnes d'Hércules.

Ver tamién

[editar | editar la fonte]

Referencies

[editar | editar la fonte]
  1. ↑ Giovio, Paolo (1658). «Diálogo delas empresas militares y amorosas, compuesto en lengua italiana».
  2. ↑ Ferer, Mary Tiffany (2012). «Music and Ceremony at the Court of Charles V». The Boydell Press.

Enllaces esternos

[editar | editar la fonte]