El Post-teísmu propón que'l teísmu ye una creencia non tantu refugable, como puramente obsoleta. Trátase d'una variante del Non teísmu.
Nesta postura'l conceutu de dios pertenez a una dómina del desenvolvimientu humanu anguaño histórica y superada. Dientro del non-teísmu, el post-teísmu oldea col antiteísmu. El términu, amás, apaez na teoloxía cristiana lliberal, según nel post-cristianismu.
Frank Hugh Foster en 1918 falaba de como la cultura moderna llegara a una etapa post-teística na que la humanidá tomara posesión de los poderes y la creatividá qu'enantes proyeutara en Dios.[1]
Denys Turner argumenta que Karl Marx nun escoyía l'ateísmu sobre'l teísmu, sinón que más bien refugaba la seleición feuerbachiana, de forma que al ser post-teísta, necesariamente yese post-ateísta.[2]
Apaecen idees similares en "Muerte de Dios", de Friedrich Nietzsche y de forma menos pesimista nel transteísmu de Paul Tillich y Pema Chödrön.