Provincia de Llión
 | Esti artículu ha d'usar l'asturianu estándar. |
.svg)
Llión o Lleón[1](León, en castellán y gallegu) ye una provincia española perteneciente a la comunidá autónoma de Castiella y Llión. Allúgase al noroeste de la península Ibérica y la so capital ye Llión. Llenda al norte col Principáu d'Asturies y Cantabria, al oeste con Galicia (concretamente coles provincies d'Ourense y Lugo), pel oeste; coles provincies de Zamora y Valladolid pel sur; y cola provincia de Palencia pel este. Creada cola dixebra provincial de 1833, foi adscrita a la rexón del Reinu de Llión.
Tien una enantu de 15.581 km². Posee una población de 498.223 (INE 2006). Densidá: 31,82 h/km².
Llugar de pasu ente importantes rexones de la península Ibérica, pela provincia llionesa discuerren dos grandes rutes: de sur a norte la Vía de la Plata, y d'este a oeste'l Camín de Santiago.
Xeografía
[editar | editar la fonte]Allugamientu
[editar | editar la fonte]La provincia de Llión allúgase nel Noroeste de la Península Ibérica, concretamente na Meseta Norte. Llenda col Principáu d'Asturies y Cantabria pel norte; con Galicia (provincies d'Ourense y Lugo), pel oeste; coles provincies de Zamora y Valladolid pel sur; y cola provincia de Palencia pel este.
Hidroloxía
[editar | editar la fonte]La provincia de Llión pertenez a trés estremaes cuenques hidrográfiques. La primer y más importante ye la del Dueru, a la que s'asigna un 73,5% del territoriu llionés, la segunda ye la del Miño, qu'engloba la comarca d'El Bierzu y la comarca tradicional de Ḷḷaciana con un 25% del territoriu. Por últimu la vertiente cantábrica, a la que s'asigna'l 1,5% solamente, na zona de los Picos.
- Cuenca'l Dueru: partiendo de la primacía del Esla, gran colleutor onde finen tolos cursos fluviales, pue facese una triple distinción. En primer llugar, recibe'l so cursu mediu, les augües del gran abanicu formáu por Porma, Curueñu, Bernesga y Toríu. Na mesma oriella pero nel so cursu baxo, acaba recibiendo les augües del Órbigu que, formado tres la xunión del Ḷḷuna y Oumañas, recibe los aportes de la Montaña de Vavia, Ḷḷuna y Las Oumañas, asina como los de la vertiente occidental de los Montes de Llión. Finalmente na otra oriella y tamién nel so cursu baxu, recibe l'aportación del Cea. Ñacíu daqué más al sur que tolos exemplos anteriores, el Ríu Valderaduei, siguiendo un cursu Norte-Sur semeyante al del Cea, vierte les sos augües al Dueru a 3km de Zamora. Tanto l'Órbigu como'l Cea xúnense al Esla na provincia de Zamora.
- Cuenca'l Miño: nesta cuenca destaca, ensin dubia dala, el Sil. Al enantase per un territoriu menos ampliu que l'anterior y haber que salvar un mayor desnivel (ñaz a un altor de 2.000 m y sal de la provincia a 376 m) los ríos d'esta cuenca son muncho más activos na so aición erosiva sobremanera nos cursos altos. Ente los sos afluentes destaquen el Cúa, Burbia, Valcarce y Selmu y, na so oriella oriental, el Boeza, Meruelu y Cabreira.
- Cuenca Norte: pequeña pero con importantes valires paisaxísticos y ecolóxicos, destaquen el Sella, Dobra y Cares y les pequeñes ñores de la zona de Valouta y Suárbol (na comarca tradicional d'Ancares).
Banzaos
[editar | editar la fonte]
Llión ye una provincia con grandes banzaos, munchos d'ellos construyíos na época franquista, somorguiando dellos pueblos. Los más importantes son:
Clima
[editar | editar la fonte]La provincia de Llión ye un área de transición ente la Iberia húmeda y la ensucha. Según la carauterización del MAPA, en Llión puen estremase cinco zones climátiques.
- Zona I: El Bierzu y Meseta, clima mediterraniu templáu. Temperatura media ente 10º y 14º, con precipitaciones añales ente 400 mm y 900 mm. Periodu ensuchu de de 3 a 5 meses. Con matices más fríos y húmedos na transición hacia los relieves montesinos.
- Zona II: al sur de La Bañeza, na llende cola provincia de Zamora, mediterraniu templáu frescu. Temperatura media ente 10º y 12º, con precipitaciones añales ente 500 mm y 700 mm. Periodu ensuchu de 3 y 4 meses.
- Zona III: la Cabreira, zona meridional de la Cordelera Cantábrica, Montes de Llión, Tierras de Llión asitiaes al noroeste de la meseta y norte de Safagún. Tamién mediterraniu templáu frescu. Temperatura media ente 8º y 10º, con precipitaciones añales ente 700 mm y 1500 mm. Periodu ensuchu de 2 a 3 meses. Con matizaciones fríes y húmedes nes partes más altes de les zonas enantes citaes.
- Zona IV: pequeña y estrencha estaya a lo llargo de la Montaña Oriental, mediterraniu templáu fíu. Temperatura media ente 8º y 10º, con precipitaciones añales ente 1.100 mm y 1.300 mm. Periodu ensuchu de 1 a 2 meses
- Zona V: Cordelera Cantábrica y Montes Aquilanos, tamién mediterraniu templáu fríu. Temperatura media ente 4º y 8º, con precipitaciones añales de 1.100 mm y 1.900 mm. Periodu ensuchu siempres inferior a 2 meses. La temperatura disminúi y les precipitaciones aducen contra más asciende l'altor y la llatitú.
Dixebra alministrativa
[editar | editar la fonte]La provincia de Llión dixébrase en conceyos/municipios, como establez l'artículu 137 de la Constitución Española, con autonomía de xestión y poderes executivu y llexislativu propios, esistiendo organizaciones supramunicipales y mancomunidaes d'estremada índole que reflexen en determinaos casos la organización histórica del territoriu. Arriendes, El Bierzu constituyó en comarca por Llei 1/1991 de 14 de marzu poles sos pecuñariedaes carauterístiques xeográfiques, sociales, históriques y económiques dotándose de instituciones ermunes y un relativamente enantáu espeutru competencial.
.png)
Les comarques agraries organizaes pol Ministeriu d'Agricultura, Pesca y Alimentación en 1996 (l'anterior comarcalización agraria data de 1978) son les siguientes:
| Comarca agraria |
|---|
| Estorga |
| La Bañeza |
| El Bierzu |
| La Cabreira |
| Esla-Campos |
| La Montaña de Ḷḷuna |
| La Montaña de Riañu |
| Páramu |
| Sahagún |
| Tierras de Llión |
Aries funcionales
[editar | editar la fonte]Nes Directrices d'Ordenación del Territorio de Castiella y Llión nel añu 2000, la provincia finca dixebrada n'ocho aries funcionales coles sos respeutives cabeceres d'aria:
.png)
| Aria funcional | Cabecera |
|---|---|
| Viḷḷablinu | Viḷḷablinu |
| Boñar-Cistierna | Cistierna |
| El Bierzu | Ponferrada |
| Estorga | Estorga |
| Llión | Llión |
| Safagún | Safagún |
| La Bañeza | La Bañeza |
| Coyanza | Coyanza |
Partíos xudiciales
[editar | editar la fonte]Los partíos xudiciales nos que se dixebra la provincia tomen el nome de les sos respeutives capitales. A efeutos eleutorales, los conceyos pertenecientes al Partíu Xudicial de Vil.lablino intégrense nel Partíu Xudicial de Llión sacantes Viḷḷablinu y Palacios del Sil, que lo faen nel de Ponferrada.
| Númberu | Partíu Xudicial |
|---|---|
| 1 | Safagún |
| 2 | Llión |
| 3 | La Bañeza |
| 4 | Ponferrada |
| 5 | Estorga |
| 6 | Cistierna |
| 7 | Viḷḷablinu |
El partíu xudicial d'Estorga tien Cámara de Comerciu ya Industria propia constituyíes dambes en 1910 correspondiendo'l restu de la provincia a la Cámara de Comerciu de Llión fundada en 1907.
Comarques tradicionales
[editar | editar la fonte]Conceyos por fasteres:
- El Bierzu: Ponferrada, Bembibre
- El Páramu: Santa María
- Ḷḷaciana: Viḷḷablinu
- Maragatería: Estorga, Brazuelu, Lluciellu, Lluyegu, Santa Colomba de Somoza, Santiagumillas y El Val de San Llorienzu.
- Vavia: Cabriḷḷanes -Vavia de Susu- y Santu Michanu -Vavia de Yusu-
- La Cepeda: Quintana, Villamexil, Magaz, Villaobispu los Oteiros ya Villagatón.
- La Valduerna
- Ribeira del Órbigu
- La Cabreira: Trueitas, Benuza
- La Valdería: San Esteban de Nogales, Castrocalbón, Castrocontrigu y Alcubillas de Nogales
- Tierra de la Reina
- Veiga del Esla
- La Sobarriba: Valdefreisnu de la Sobarriba
- Tierra de Campos
- Umaña: Murias, Riellu, Las Oumañas
- Tierras de Llión: Ciudá de Llión, San Andrés, Villaquilame, Santovenia de la Valdoncina
- Tierras de la Bañeza
- Ancares
- Valdión
- Sayambre
- Ḷḷuna
- Los Argüeḷḷos: Cármenes, Valdelugueros y Villamanín
- Baixo Curueñu: La Vecilla, Santa Colomba, Valdepiélagu y Veigaqueimada.
- Tierras de Coyanza: Coyanza, Villamañán
Demografía
[editar | editar la fonte]La provincia de Llión posee una población de 498.223 habitantes (INE 2006). La densidá, de 31,82 hb/km² ye mayor que nel conxuntu de la Meseta Norte, onde la densidá rolda los 20 hab./km², siendo la segunda provincia en densidá de la Comunidá de Castiella y Llión.
En Llión ye a albidrase dos grandes aries de concentración de la población: l'Aria metropolitana de Llión y l'Alfoz de Ponferrada, que xuntes concentren a más de la metá de la población de la provincia. Son amás noyos industriales que concentren bona parte de la industria provincial.
| Añu | 1996 | 1998 | 1999 | 2000 | 2001 | 2002 | 2003 | 2004 | 2005 | 2006 |
|---|---|---|---|---|---|---|---|---|---|---|
| Población | 517.191 | 506.365 | 506.511 | 502.155 | 499.517 | 496.665 | 495.998 | 492.720 | 495.902 | 498.223 |
Movimientu natural de la población
[editar | editar la fonte]
Natalidá
[editar | editar la fonte]Nel 2005 rexistráronse un total de 3.313 ñacimientos na provincia de Llión, lo que supón una tasa de natalidá del 6,64 puntos, una tasa mui baxa que nun garantiza el relevu xeneracional.
Mortalidá
[editar | editar la fonte]Nel 2005 rexistráronse un total de 5.731 fenecimientos na provincia de Llión, lo que supón una tasa de mortalidá del 10,49 puntos, una tasa más elevada que la del conxuntu nacional, y que xunida a la baxa natalidá fai que l'espoxigue vexetativu seya de -3,85 puntos.
Migraciones
[editar | editar la fonte]La provincia de Llión foi una provincia de emigrantes qu'anguaño ta recibiendo inmigrantes, quienes percanciaren aducir la población llionesa.
Emigración
[editar | editar la fonte]La provincia de Llión ye una de les provincies onde una gran parte de la población ta fuera d'ésta. Según el INE na provincia de Llión hai 17.572 emigrantes fuera de la provincia y dientro d'España y 181 llioneses fuera d'España.
Inmigración
[editar | editar la fonte]La provincia de Llión nos caberos años ta tornando nuna receptora d'inmigrantes, tanto ye asina que nel añu caberu los inmigrantes consiguieron aumentar la población de la provincia dempués de décades de xabaz decrecimientu. Los inmigrantes d'otres provincies españoles en Llión cifren en 15.567 persones, mientres que los estranxeros emplaciaos en Llión son 3.992.
Economía
[editar | editar la fonte]La provincia de León sigue la tónica del restu d'España no que refier a la economía, ya que la mayor parte d'emplegos qu'ufre ésta tán arreyaos cola estaya servicios. Na provincia hai 17.400 paraos, los cuales representen un 8,32% del total de persones n'edá de trabayar de la provincia. El paru provincial nun dexara de baxar nos años caberos.
Agricultura
[editar | editar la fonte]
Ocupa a un 7,8% de los emplegaos de la provincia. Los cultivos principales son los cerealísticos, los lleguminosos, los túberculos de consumu humanu, los cultivos industriales y los forraxeros.
El regadíu ocupa una superficie de 163.379 Ha, lo que correspuende a un 31,27% de la superficie total llabrada, les tierres de regadíu tán allugaes sobremanera nes arredolaes de les Vegues del Órbigu y del Esla. Ye la provincia con mayor cantidá de regadíos de la Comunidá de Castiella y Llión
Les viñales, asítiense sobremanera na comarca d'El Bierzu y nes proximidaes de los ríos, siendo'l más importante ríu en cuantes a viñales, el Esla. La provincia cunta con una denomación d'orixe, que engloba a les viñales del área d'El Bierzu; arriendes d'ello, cunta con un sellu de calidá "Tierres de Llión", distintivu que premia'l vinu producíu na vega del Esla y arredolaes.
No que se refier a la ganadería, la cabaña de mayor importancia ye la ovina, siguida pola bovina, la porcina, la caprina y la caballar. La ganadería concéntrase enforma nes paciones de monte, anque hai naves nes tierres baxes onde los animales tán acorriaos.
Industria
[editar | editar la fonte]Ocupa a un 14,5% de los emplegaos de la provincia. Llión nun ye una provincia industrializada, y la industria que tien ta concentrada en Llión, Ponferrada y en menor midida, n'Estorga, La Robla y Bembibre. Les principales rames industriales de Llión son l'alimentaría, la testil, la de confección, la maderera, la d'artes gráfiques, la química, la del vidriu y cementu y la metálica.
Anguaño, por una parte tán enantándose polígonos industriales yá esistentes, como los d'Onzoniella o Estorga y por otro tán construyendo nuevos polígonos en llugares con bones comunicaciones, como El Bayu y Villadangos, apuestes dirixíes dende la Xunta de Castiella y Lilón. Lloñe yá de l'antigua política de favorecer un polígonu industrial en cada pueblu, qu'ocasionó qu'heba polígonos industriales en Llión a 0% d'ocupación industrial.
Nos meses caberos la estaya industrial llionesa viera cómo desembarca una de les mayores iniciatives de futuru pa la provincia, la producción de biodiésel, fábriques de les que se proyectara yá dos, la de La Robla y la de Jabares de los Oteros, siendo esta última un gran nucleu de producción, el primer de la Comunidá.
Merez amás ser destacáu el Parque Teunolóxicu de Llión, que ye un gran apueste pa empobinar la economía llionesa haza les nueves teunoloxíes.
Construcción
[editar | editar la fonte]Ocupa a un 11,7% de los emplegaos de la provincia. Esta estaya céntrase nos nucleos de mayor población como Llión y Ponferrada, con una actividá importante tamién n'Estorga, La Bañeza y Villaquilambre.
Minería
[editar | editar la fonte]
La provincia de Llión foi un nucleu destacáu no que refier a la minería, sobremanera del carbón, onde s'afaya'l 35% de los recursos nacionales. El carbón estrayío de Llión yera antracita o hulla principalmente.
Les principales cuenques mineres yeren El Bierzu, Ḷḷaciana y la zona norte de Llión.
La producción carbonífera llionesa tuvo venceyada siempres a l'actividá industrial d'Euskadi, que al precisar una mayor producción de carbón, buscó ésta nes cuenques d'Asturies y Llión. Pruebes d'ello son la construcción d'un ferrocarril que facía la ruta La Robla-Balmaseda o la istalación de la Hullera Vasco-Llionesa y Hulleres de Sabeiru y anexes.
La demanda coyuntural de carbón llionés siguió siendo mui importante, cola I Guerra Mundial (creación de la Minero-Siderúrxica de Ponferrada, MSP, en 1918), la Guerra Civil y el periodu d'autarquía. Sicasí, depués, col aniciu de la lletrificación del ferrocarril y l'espoxigue del usu del petroleu na década de los sesenta, el carbón llionés pasa a suministrar a les centrales térmiques llétriques principalmente, onde tien que competir col carbón estranxero.
Güei, el fechu de qu'anguaño'l carbón seya un combustible mui perxudicial pol so impautu ambiental, xuníu a que resulta más baratu importalo que producilo, supunxera una crisis de gran envergadura na provincia de Llión. Ello fora patente na crisis de la MSP y nes estremaes reconversiones industriales que tuviera que llevase a cabu nes Cuenques Mineres.
Enerxía
[editar | editar la fonte]La importancia enerxética de la provincia de Llión deriva de le sos centrales térmiques y los sos grandes banzaos. Ye una productora neta d'enerxía, yá que consume menos de lo que produz. Esto supón un desaniciu de los sos recursos naturales y ambientales en pro de les demandes de provincies como Valladolid a cambéu d'un beneficiu probetayu nun proporcionáu. La estaya emplega a 526 persones y produz un total de 16.235 Gwh.
Un fechu destacable ye que na provincia de Llión se fundó Endesa, qu'anició'l so camín na central berciana de Compostiella I, col envís d'aprovechar les reserves d'antracita de la zona.
Fontes d'enerxía tradicionales
[editar | editar la fonte]Hidrollétrica
[editar | editar la fonte]La provincia de Llión ye un puntu importante de producción d'enerxía hidrollétrica.
| Central | Ríu | Cuenca | Potencia (Kw) 2005 | Producción (Gwh) 2005 |
|---|---|---|---|---|
| Rioscuru | Sil y Magdalena | Norte | 15.000 | 23 |
| Las Ondinas | Sil y Valsecu | Norte | 80.800 | 85 |
| Peñadrada | Sil | Norte | 37.600 | 65 |
| La Remolina | Esla, Yusu y Orza | Dueru | 84.452 | 79 |
| Cornatel | Sil | Norte | 132.000 | 79 |
| San Isidoru | Ḷḷuna(Canal) | Dueru | 48.220 | 67 |
| Bárcena | Sil y Boeza | Norte | 61.210 | 59 |
| Santa Marina | Sil | Norte | 32.900 | 63 |
| El Porma | Porma | Dueru | 18.755 | 35 |
| Total | 510.937 | 555 |
Térmica
[editar | editar la fonte]Pola so tradición minera y los sos enantaos recursos carboníferos, la provincia de Llión ye un puntu mui importante na xeneración de lletricidá proveniente de centrales térmiques. De les cuatro centrales térmiques de Castiella y Llión, tres tán na provincia de Llión.
| Central | Potencia istalada (Mw) | Producción (Gwh.) | Consumu de carbón (t.) |
|---|---|---|---|
| Anllares | 350 | 2.471 | 1.193.709 |
| Compostiella II | 1.309 | 7.795 | 1.801.304 |
| La Robla | 655 | 4.317 | 3.028.740 |
| Total | 2.314 | 14.583 | 6.023.753 |
Fontes d'enerxía alternatives
[editar | editar la fonte]Les enerxíes alternatives na provincia de Llión tán cobrando muncha fuercia, incentivaes por una fuerte inversión y les subvenciones realizaes. Nesti campu pueden aculombrase les estayes eólica y de biomasa y biodiésel.
Eólica
[editar | editar la fonte]Les actuaciones más importantes nesta estaya foron empobinaes a la producción de maquinaria pa molinos de vientu. Centros como l'allugáu cerca de Ponferrada o la empresa de aeroxeneradores Vestas nel polígonu industrial de Villadangos dan testimoniu del papel clave pa la construcción de molinos de vientu.
La producción llétrica céntrase sobremanera n'El Bierzu.
Biomasa
[editar | editar la fonte]A esta estaya mira con esperancia'l campu llionés. La producción de biodiésel a la que dirán destinaes munches fábriques planiaes, será un gran revulsivu pal campu; yá que fixará producción, y polo tanto; emplegu. Nucleos destacaos de producción de biodiésel sedrán Jabares de los Oteros y La Robla.
Servicios
[editar | editar la fonte]Ocupa a un 66,0% de los emplegaos de la provincia. La provincia de Llión ye un llugar onde la estaya servicios xuega un papel clave nel so desenrolu.
Comerciu
[editar | editar la fonte]Comerciu esterior
[editar | editar la fonte]Llión ye una provincia onde les esportaciones caltuvieran una xubida sacantes dalgún altibaxu sele, demientres la cabera década. Esto fizo que xunto a una xubida menor de les importaciones, el saldu comercial de la provincia seya positivu.
Esportaciones
[editar | editar la fonte]Las esportaciones de Llión demientres l'exerciciu del añu 2005, sumaron 527 millones d'euros. Ente les que destacaron les referíes a la estaya de los metales comunes y les sos manufautures, que sumaron 223 millones d'euros. Otres estayes importantes son l'agropecuariu, con 103 millones del total y el de los productos químicos, que si bien nun tien la importancia d'anantia, entá aporta 48 millones del total.
Por productos los más importantes foron les barres y perfiles d'aceru inoxidable, con 105 millones, amás del alambrón d'aceru inoxidable con 85 millones y la cayuela, con 55 millones.
Los principales clientes de la provincia foron Italia, con 111 millones, Francia, con 78 millones y Alemaña con 75 millones, además de Portugal, con 71 millones.
Importaciones
[editar | editar la fonte]
Les importaciones que recibe Llión demientres l'exerciciu sumaron 405 millones d'euros. Ente les que destacaron les referíes a la estaya de la maquinaria non llétrica, que sumó 112 millones d'euros. Otres estayes importantes son l'agropecuariu, en nidiu retrocesu, con 99 millones d'euros, el químicu con 44 millones y el material de tresporte, con 41 millones d'euros.
Por productos, los más importantes foron la maquinaria pa trabayu de nivelación y cavadura con 51 millones d'euros, siguío de les llegumes ensuches desvainaes, con 32 millones y los vehículos pa tresporte de mercancíes, con 24 millones.
Los principales importadores a la provincia de Llión foron Alemaña con 86 millones, Francia con 77 millones y Países Baxos con 31 millones. China entá se caltién con valires modestos, con 16 millones, pese a tener dobláu les sos importaciones.
Turismu
[editar | editar la fonte]La contribución del turismu a la economía llionesa ye significativa. Los sos principales valires son la so bayurosa historia y el so escomanáu patrimoniu, que fizo de la provincia una de les principales no que refier a turismu d'interior.
La ufierta turística pasa dende'l bayurosu patrimoniu de ciudaes como Llión, Ponferrada y Estorga a la de los establecimientos de turismu rural, completada con una ufierta n'iviernu de deportes de ñeve, con estaciones como les de San Isidru y Ḷḷeitariegos. Destaquen tamién Les Médules n'El Bierzu. Un elementu clave nel turismu de la provincia ye ensin dubia la Selmana Santa, de les que la más importante ye la de la propia capital, Llión, acompañada d'otres de gran tradición en poblaciones de menor importancia.
Denmientres l'añu 2005, Llión contabilizó un total de 671.618 viaxeros, con 1.090.099 pernoctaciones. De los viaxeros qu'entraron na provincia, 565.849 yeren españoles y 105.769 yeren estranxeros.
Turismu Rural
[editar | editar la fonte]El turismu rural cobra fuercia na provincia con 339 establecimientos qu'ufren 3.068 places. Estos datos allúguenla en segundo llugar na Comunidá per detrás d'Ávila.
Tresportes
[editar | editar la fonte]L'allugamientu xeográficu de la provincia, tórnala nún pasu obligatoriu dende la Meseta haza Asturies y Galicia. Esta obligatoriedá de pasu dotárala duna bona cantidá d'infracadarmes, tantu de carretera como de ferrocarril. Sicasí entá hai grandes deficiencies na comunicación interior de la provincia.
Tresporte per carretera
[editar | editar la fonte]La provincia de Llión dispón duna riestra de víes d'alta capacidá, que son resultáu de la estratéxica posición de Llión nel mapa peninsular. Asina esisten autovíes como la Llión-Burgos, o la Llión-Xixón. La única vía d'alta capacidá pa la propia provincia ye la AP-71, una autopista de portalgu que fai'l trayeutu Llión-Estorga.
Ferrocarril
[editar | editar la fonte]El primer proyeutu de llinia ferria en Llión surde en 1840, a iniciativa del británicu R. Keiley cola intención de xunir Llión y Avilés. Pesie la concesión provisional del Gobiernu, el proyeutu nunca se llevó a cabu.
En 1856, col entamu de la Llinia Madrid-Irún y l'estudiu de les sos estremaos tramos, ún d'esos tramos, concretamente'l que lleva a Galicia; debería pasar per Llión y Ponferrada. En 1858 entamó la subasta y en 1861, diose la concesión. El trayeutu de Palencia a Llión entrañó poques dificultaes, siendo completáu en payares de 1863. En 1866 llegó a Estorga y entamó'l tramu más abegosu con grandes retrasos nes obres y problemes financieros. El 1 de setiembre de 1883 inauguróse la llinia tres salvar l'abegosu trazáu de Brañuelas y el Túnel del Llazu.
En 1866 entamó'l tramu haza Asturies. Ente 1868 hasta 1875 prodúxose una paralización de les obres, ya que namái se construyó un pequeñu tramu ente La Pola de Gordón y Busdongu d'Arbas. El 16 d'agostu de 1884 inauguróse la llinia.
De magar 1866, anicióse una polémica de gran retrañíu ente Llión y Estorga por mor de la construcción duna llinia hacia Benavente, siendo finalmente Estorga quien se tornó cabezalera d'esa prollongación, que sería la hipotética Xixón-Cadíz, inaugurándose'l 1 de xunetu de 1898 el trazáu de Plasencia a Estorga (Ruta de la Plata).
La rede d'anguaño, depués d'estremaes modificaciones, distribúyese a lo llargo de 508 km, siendo 322 de vía normal y 186 de vía estrencha. La lletrificación ta presente en toles llinies y la doble vía nos trazaos más cenciellos de la Meseta.
L'alta velocidá llegará a la provincia en 2008, con estaciones pal AVE en Ponferrada y Llión.
Tresporte Aeriu
[editar | editar la fonte]La provincia de Llión dispón dun únicu aeródromu: l'Aeropuertu de Llión, que comparte instalaciones cola Base Aeria de Virxe del Camín, y qu'entró en serviciu nel añu 1999 (IATA: LEN - ICAO: LELN). Allúgase nos términos conceyiles de Valverde de la Virxe y de San Andrés del Rabanéu.
L'Aeropuertu fora oxetu d'un enantu de pista a 3000 m. finada n'avientu de 2007, asina como ta en proyeutu una nueva terminal, plataforma y aparcamientu.
Según los datos del 2007, l'aeropuertu rexistró 161.705 pasaxeros, con 7.328 operaciones y 341 kg de mercancía.
Anguaño operen nel aeropuertu de Llión les aereollinies Lagun Air, con sé na ciudá de Llión y proyeución estatal, Air Nostrum, filial de Iberia y Air Europa con vuelos estivales a Tenerife Norte.
| Añu | 1999 | 2000 | 2001 | 2002 | 2003 | 2004 | 2005 | 2006 | 2007 |
|---|---|---|---|---|---|---|---|---|---|
| Pasaxeros | 8.612 | 21.186 | 24.816 | 23.972 | 31.564 | 65.140 | 80.874 | 126.519 | 161.705 |
| Operaciones | 1.336 | 2.605 | 2.793 | 2.951 | 3.148 | 5.241 | 5.279 | 6.296 | 7.328 |
| Mercancía | 0 kg | 113 kg | 110 kg | 0 kg | 9 kg | 33 kg | 352 kg | 554 kg | 341 kg |
Los sos destinos regulares son Barcelona, Madrid, Palma de Mallorca, Valencia tol añu, asina como Menorca, Ibiza, Jeréz y Tenerife Norte nel branu.
Idiomes
[editar | editar la fonte]
Amás del castellán, en delles zones de Llión fálense otres llingües:
- Llionés. Según l'artículu 5 del estatutu d'autonomía de Castiella y Llión ("La llingua castiellana y el restu del patrimoniu llingüísticu de la Comunidá."), tien de gociar de proteición específica, al empar que la so proteición, emplegu y promoción tienen de ser regulaos. Entamó a impartise en dellos colexos dende'l cursu 2007-2008.
- Gallegu, faláu con influencies de la llingua llionesa nel requexu oeste d'El Bierzu. Tamién se caltién el dialeutu bercianu.[2]
Monumentos y llugares d'interés na provincia
[editar | editar la fonte]
- Catedral de Llión
- Basílica de San Isidoru
- Casa Botines
- Hostal San Marcos de Llión
- Ilesia de San Xuan y San Pedru de Renueva
- Palaciu de los Guzmanes
- Conxuntu históricu
- Palaciu Episcopal d'Estorga
- Catedral de Santa María
- Ergástula romana
- Ayuntamientu
- Ilesia de la Peregrina
- Ilesia de San Llorenzu
- Ilesia de San Tirsu
- Ermida de La Virxe de la Ponte
- Ermida de San Xuan de Sahagún
- Restos d'Abadía Benidictina
Otres llocalidaes
[editar | editar la fonte]- Arbas del Puertu - Colexata de Santa María
- Carracedelo - Monesteriu de Santa María de Carracedo
- Castrellu de los Polvazares - Conxuntu históricu
- Compludu - Ferrería
- Gradefes - Monesteriu de Santa María de Gradefes
- Llois - Ilesia
- Mansiella de las Mulas - Recintu muriáu
- Montes de Valdueza - Monesteriu de San Pedru de Montes
- Peñalba de Santiagu - Ilesia de Santiagu
- San Miguel de Escalada - Monesteriu de San Miguel
- San Miguel de las Dueñas - Monesteriu de San Miguel de las Dueñas
- Santo Tomás de las Ollas - Ilesia
- Valleciellu - Ilesia de Valleciellu Bien d'Interés Cultural
- Valporqueru de Toríu - Cavuerna de Valporqueru
- Villaverde de Sandoval - Monesteriu de Santa María
Museos
[editar | editar la fonte]Museos provinciales
[editar | editar la fonte]Llión
[editar | editar la fonte]
- Muséu d'Arte Contemporaniu de Castiella y Llión (MUSAC)
- Muséu de Llión
- Muséu de la Rial Colexata de San Isidoru - Panteón de los Reis de Llión
- Muséu Fundación Vela Zanetti
- Muséu Catedraliciu Diocesanu
- Muséu Sierra Pambley
Ponferrada
[editar | editar la fonte]Estorga
[editar | editar la fonte]
- Muséu Romanu
- Muséu del Chicolate
- Muséu Catedraliciu d'Estorga
- Muséu de los Caminos
- Muséu de la Selmana Santa
Safagún
[editar | editar la fonte]Valdehuesa (Boñar)
[editar | editar la fonte]Rutes turístiques
[editar | editar la fonte]Tradiciones
[editar | editar la fonte]Gastronomía
[editar | editar la fonte]
Embutíos
[editar | editar la fonte]- Cecina de Llión: ye un embutíu de gran tradición en Llión, cuyu mayor nucleu de producción ye Estorga, yá qu'ellí se concentren la mayoría d'industries que producen esti embutíu. El secretu ta nel procesu de afumáu y el clima continental estremu, con abondoses selases y escasa humedá. Magar que tradicionalmente la cecina yera o de vaca o de chivu, güei elabórense cecines d'otros tipos de carne como coneyu o inclusive ciervu. Dende 1994 gocia del beneficiu duna Denomación d'Orixe y dun Conseyu Regulador.
- Botiellu: tamién denomáu yoscu n'Omaña, Babia y Ḷḷuna o androlla en Curueñu y Porma. Documentáu dende'l sieglu XVI, el botiellu bercianu, enantes alimentu de les clases humildes, ye güei un platu estrella de la gastronomía lleonesa. Resulta ideal n'iviernu pola gran cantidá de caloríes qu'aporta, esfruta de los beneficios duna Denomación d'Orixe.
Vinos
[editar | editar la fonte]- Denomación d'Orixe Bierzu: constituyida dende avientu de 1989, abarca 22 conceyos, n' ElBierzu, un territoriu que gocia d'un microclima diferente del restu de la provincia y un altor idoniu pa caltenerr viñales de gran calidá. La principal variedá d'uva que se cultiva ye la mencía, anque tamién tán presentes la garnacha pa los tintos. Los blancos elbórense con doña blanca, godiellu, malvasía y palomín.
- Denomación d'Orixe Tierres de Llión: abarca dos zones de producción de vinu, que son la marxe drecha del Esla, con Valdevimbre como referencia y na esquierda Los Outeiros, con Payares de los Outeiros como nucleu principal, y la otra la Riba del Cea. Abarca 69 conceyos, ente los cuales pola so producción destaquen Valdevimbre, Payares de los Outeiros, Valdeiras y Gordaliza del Pinu. La variedá d'uva predomenante ye la prieto picudo, que da llugar a vinos d'aguya, vinos del añu, llixeros, frescos y predomenantemente rosaos.
Dulces
[editar | editar la fonte]
- Mantecaes d'Estorga: La so antigüedá documental data d'entamos del sieglu XIX y el so orixe ye inciertu anque parez que la receta surdió d'una monxa qu'abandonó'l conventu y lo popularizó. De magar 1850 entamen a comercializase y güei, son un clásicu de la repostería llionesa. La bas primaria de les mantecaes ye la farina y el segundo ingrediente ye'l güevu, l'azucre y la canela completen la composición. Les caxilleres faen a mán el tradicional abangu del envase.
- Llazos de San Guillermu: dulces de Cistierna, fabricaos y espedíos dende 1945 pola Confitería Montesina de la llocalidá, fundada en 1908. En 1960 patentóse la fórmula y se comercializa'l productu. El so inventor, qu'esperimentó colos foyaldres, decidióse a da-y forma de llazu y a pone-yos el nome del patrón de la llocalidá.
- Nicanores de Boñar: dulce foyaldráu, inventáu pol pasteleru de Boñar Nicanor Rodríguez González, en 1880. Ta compuestu por farina, azucre, mantega del monte y, según la tradición, les propiedaes de l'agua medicinal de Boñar.
Platos Típicos
[editar | editar la fonte]Deporte
[editar | editar la fonte]Ver tamién
[editar | editar la fonte]- Llistáu de Conceyos na Provincia de Llión
- Conceyos de la provincia de Llión por númberu d'habitantes
- Provincies d'España
- Llioneses
Bibliografía
[editar | editar la fonte]- Jesús Fuentes Santamarta, Carmelo Lucas del Ser (1997). Historia de León, Volumen III; Edades Moderna y Contemporánea. ISBN 84-920557-9-0.
- Ana Neira Campos, Tomás Mañanes, Santiago García (1997). Historia de León, Volumen I; Prehistoria-Edad Antigua-Edad Media I. ISBN 84-920557-7-4.
- Junta de Castilla y León (2006). Anuario Estadístico de la Junta de Castilla y León 2006. M-52835-2006.
- Secundino Serrano (Direutor del Equipo) (1991). Enciclopedia de León Volumen I. ISBN 84-920557-4-X.
- Secundino Serrano (Direutor del Equipo) (1991). Enciclopedia de León Volumen II. ISBN 84-920557-5-8.
- Francisco J. Martínez Carrión (Direutor del Equipo) (1990). León, Vida y Naturaleza. ISBN 84-86013-51-8.
- Manuel Carriedo Tejedo, Carlos Estepa Díez, (1997). Historia de León, Volumen II; El Reino de León en la Edad Media. ISBN 84-920557-8-2.
Referencies
[editar | editar la fonte]- ↑ «Nomes de conceyos, parroquies, pueblos y llugares del Principáu d'Asturies» (asturianu) páx. 11. Uviéu: Academia de la Llingua Asturiana (14 d'abril de 2000). Archiváu dende l'orixinal, el 6 de marzu de 2023.
- ↑ Reflexáu na obra del Padre Martín Sarmiento. Como exemplu lliterariu, el llibru d'Antonio Fernández y Morales "Ensayos poéticos en dialeutu bercianu", 1861
Enllaces esternos
[editar | editar la fonte]
Wikimedia Commons acueye conteníu multimedia sobre Provincia de Llión.
Alacant · Álava · Albacete · Almería · Asturies · Ávila · Badajoz · Barcelona · Bizkaia · Burgos · Cáceres · Cádiz · Cantabria · Castelló · Ciudad Real · Córdoba · A Coruña · Cuenca · Gipuzkoa · Girona · Granada · Guadalajara · Huelva · Islles Baleares · Jaén · Lleida · Lleón · Lugo · Madrid · Málaga · Murcia · Navarra · Ourense · Palencia · Las Palmas · Pontevedra · La Rioxa · Salamanca · Santa Cruz de Tenerife · Segovia · Sevilla · Soria · Tarragona · Teruel · Toledo · Uesca · València · Valladolid · Zamora · Zaragoza |  | |
