Qarluq

Qarluq

Tipu	etnia

Los karlouks, karluk o qarluq (que significa neváu en llingua turca, de gar: nieve) yeren, nel so orixe, una tribu turca nómada establecida nes estepes de Transoxiana (allugada al este y al sur del mar d'Aral, n'Asia central). Yeren parientes próximos y, mientres un tiempu, aliaos de los uigures. Supónse que, tamién mientres una dómina, fueron aliaos de los oguz, que vivíen nes fronteres occidentales.

Mientres los años 600 les tribus qarluq formaron un janato empobináu por un Yagbhu (príncipe), pero fueron absorbíes pol imperiu de los Köktürks a finales del sieglu VII. Célebres poles sos alfombres na dómina preislámica, fueron consideraos como un estáu vasallu de la dinastía Tang tres la conquista final de les rexones de Transoxiana llevada a cabu polos chinos escontra 744. Quedaron so la influencia china y participaron viviegamente nel combate contra la espansión musulmana de la rexón, hasta que traicionaron a los Tang na batalla del Baltes, en 751. Tres la retirada de los chinos del Asia Central, los qarluq convirtiéronse colectivamente al islamismu.

Mientres los años 900, los Qarajanides, que dicíen ser una nueva cla de los qarluq, conquistaron la rexón controlada pol antiguu janato y crearon un imperiu qu'entendía'l norte del Irán actual y delles partes del Turquestán. La rexón quedó sol control de los Qarakhanidas (y, en distintos periodos, fueron tamién controlaos polos selyúcides y los kara-kitanos, hasta'l 1206 que volvieron ser un estáu vasallu de los mongoles. Permanecieron como vasallos independientes hasta la invasión mongólica de 1221.

Ver tamién

• Historia d'Uzbequistán

Referencies

Enllaces esternos